IDeA հիմնադրամը կհամագործակցի եվրոպական առաջատար բիզնես դպրոցի հետ

24/12/2018 schedule11:50

«Հայաստանի զարգացման նախաձեռնություններ» (IDeA) հիմնադրամը եւ Բեռլինի Կառավարման եւ տեխնոլոգիաների եվրոպական դպրոցը (ESMT)  կհամագործակցեն Գյումրիում IDeA հիմնադրամի կողմից իրականացվող նախագծերի շրջանակում։ Այս մասին հայտնում են հիմնադրամի մամուլի ծառայությունից:

Դեկտեմբերի 12-ին Բեռլինում կայացած «Ավրորա երկխոսություններ» միջոցառման ընթացքում IDeA հիմնադրամի եւ «Ավրորա» մարդասիրական նախաձեռնության համահիմնադիր Ռուբեն Վարդանյանը ու Կառավարման եւ տեխնոլոգիաների եվրոպական դպրոցի (ESMT) նախագահ Յորգ Ռոխոլը հայտարարեցին երկու կառույցների միջեւ համագործակցության մեկնարկի մասին:

2019 թ. ապրիլին ESMT դպրոցի կառավարման ոլորտի մագիստրոս ուսանողների մի խումբ կմասնակցի Գյումրիում իրականացվող նախագծի մշակմանը։ Ներկայում IDeA-ն հանդես է գալիս նախաձեռնությամբ, որի նպատակն է վերակառուցել Գյումրիի Շառլ Ազնավուրի հրապարակին հարակից Բարեկամության զբոսայգին, եւ այն դարձնել հանրային հանգստի կազմակերպման ինքնատիպ վայր։ Այս նախաձեռնությունը կնպաստի Գյումրիի վերափոխմանը եւ կօգնի ապահովել Հայաստանի երկրորդ քաղաքի կայուն ապագան։ Նախագիծը յուրօրինակ է, քանի որ պարունակում է սոցիալական ձեռներեցության, բարեգործության եւ պետական-մասնավոր համագործակցության բաղադրիչներ։

«Բեռլինում հիմնադրված Կառավարման եւ տեխնոլոգիաների եվրոպական դպրոցը միջազգային բիզնես դպրոց է, որտեղ սովորում են տաղանդավոր ուսանողներ աշխարհի  տարբեր երկրներից։ Նրանք բարձր որակավորում ունեն, եւ պատրաստ են պայծառ գաղափարներն ու կառավարման ոլորտի գիտելիքները ներդնել Գյումրիում IDeA-ի ծրագրերի իրականացման համար»,- ասել է IDeA հիմնադրամում Գյումրիի զարգացման ծրագրի ղեկավար Ելենա Մուրադյանը։ 

IDeA - ESMT համագործակցության շրջանակում ուսանողները հնարավորություն կունենան իրենց գիտելիքները կիրառել նախագծի ուսումնասիրության, սոցիալական ազդեցության գնահատման, ֆոնդահայթայթման ռազմավարության զարգացման, ինչպես նաեւ Հայաստանում ծրագրերի կառավարման ընդհանուր փորձի բարելավման ուղղությամբ։       

«Այս ծրագիրն առնչվում է նրան, թե ինչպես ուղիներ գտնել Գյումրի քաղաքում լքված հասարակական տարածքն արդյունավետ օգտագործելու համար։ Մագիստրատուրայում սովորող մեր ուսանողները հնարավորություն ունեն մասնակցելու տարածաշրջանում ամենահավակնոտ քաղաքաշինական ծրագրին»,- ասել է ESMT-ում դիպլոմային ծրագրերի գծով դեկանի տեղակալ Նիկ Բարնիվիլը։

IDeA ՀԻՄՆԱԴՐԱՄԻ ՄԱՍԻՆ

«Հայաստանի զարգացման նախաձեռնություններ» (IDeA) հիմնադրամը ստեղծվել է գործարարներ եւ բարերարներ Ռուբեն Վարդանյանի եւ Վերոնիկա Զոնաբենդի կողմից: Հիմնադրամի ուշադրության կենտրոնում են այն ծրագրերը, որոնք ապահովում են սոցիալ-տնտեսական էական զարգացում՝ օգնելով Հայաստանին անցում կատարել գոյատեւումից բարեկեցության: IDeA հիմնադրամը խրախուսում է Հայաստանում սոցիալական ձեռներեցության գաղափարը` երկարաժամկետ, շահույթ չհետապնդող ծրագրերում ներդրումներ կատարելու եւ դրանց հետագա կայուն ընթացքն ապահովելու միջոցով: Ավելին՝ www.idea.am:

ESMT ՄԱՍԻՆ

Կառավարման եւ տեխնոլոգիաների եվրոպական դպրոցը (ESMT) հիմնադրվել է 25 համաշխարհային առաջատար ընկերությունների եւ ինստիտուտների կողմից։ Այն առաջարկում է Բիզնեսի կառավարման մագիստրոսական ծրագրեր, ինչպես նաեւ անհատական կրթական ծրագրեր ղեկավարների համար։ ESMT կենտրոնացած է երեք հիմնական թեմաների վրա՝ առաջնորդություն, նորարարություն եւ վերլուծություն։ ESMT հրատարակվում է առաջատար գիտական ամսագրերում։ Բացի այդ, բիզնես դպրոցը միջդիսցիպլինար հարթակ է քաղաքականությանը, բիզնեսին եւ գիտությանը վերաբերող հարցերի քննարկման համար։ Դպրոցը տեղակայված է Բեռլինում, մասնաճյուղ ունի նաեւ Շանհայում։ ESMT մասնավոր բիզնես դպրոց է, որն իրավասու է շնորհել գիտության թեկնածուի աստիճան։ Այն հավատարմագրված է Գերմանիայի կառավարության, AACSB, AMBA, EQUIS, եւ FIBAA կողմից։ Ավելին իմանալու համար այցելեք՝ www.esmt.org ։  

Տպել
647 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ