Լեռնավանցիները իրենց համագյուղացուն մեղադրում են գյուղի կարեւոր հողերը զավթելու եւ կեղծ գործարքների մեջ

Լոռու մարզի Լեռնավան գյուղում լարված իրավիճակ է: Բնակիչների մեծ մասը իրենց համագյուղացի, գործարար Սեյրան Կարապետյանին մեղադրում են գյուղի կենտրոնական հատվածի գրեթե բոլոր հողակտորները մի դեպքում՝ զավթելու, մյուս դեպքում՝ ապօրինի սեփականաշնորհելու մեջ, իսկ ներկա ու նախկին գյուղապետերին՝ հիշյալ ապօրինությունները օրինականացնելու մեջ:

ՀԺ-ի հետ զրույցում Լեռնավանի գյուղապետ Վաչագան Վարդանյանը ներկայացնելով խնդիրը, ասաց, որ այն տարիների պատմություն ունի, հիմա ուզում են ինչ-որ ձեւով լուծել, բայց կողմերի համաձայնություն չկա. «2005-2006թթ. Սեյրան Կարապետյանը 920 քմ հողազավթում է կատարել, վրան կառույց են կառուցել, երկաթ-բետոնե պատնեշ են դրել, հիմա ուզում ենք համաձայնության գալ, փոխզիջումներ անել, որ իրեն վնաս չտանք, բայց չի համաձայնվում, հողը հետ չի տալիս, մենք նամակ-ծանուցագիր ենք ուղարկել, ժամկետ ենք տվել, որ վերացնի խախտումը ու հողը բերի նախկին տեսքի»,-ասաց գյուղապետը՝ նշելով, որ ներկայումս ռուսաստանաբնակ իրենց համագյուղացիները գումար են հավաքել եւ ցանկանում են գյուղի տվյալ հատվածում, որը զավթված է, ներդրումներ անեն ու շինություններ կառուցեն գյուղի համար, մինչդեռ հողը զավթված է, իսկ ծրագիրը հնարավոր չի լինում կյանքի կոչել. «Մենք Սեյրանին առաջարկեցինք իր հողամասը տա մեզ, այսինքն տարածքի փոխանակում անենք, խաչքար ունենք դրած, իր 350 քմ տարածքի վրա է մնացել, բայց ինքը ոչ մի ձեւ չի համաձայնվում, միայն գումար է ուզում, որը մենք չենք կարող տալ, ինքը նաեւ բուժկետն է ուզում, փոխարենը մեզ տալիս է մի կիսակառույց շենք, իսկ զավթած հողն էլ պահանջում է օրինականացնել, որը չենք կարող, քանի որ գյուղի կենտրոնն է, բնակիչներն էլ դեմ են»:

Վաչագան Վարդանյան

Շինությունը, որտեղ ներկայումս գյուղապետարանն է իր գործունեությունը ծավալում, եւս Սեյրան Կարապետյանի սեփականությունն է, որի դիմաց համայնքի բյուջեից նրան ամեն ամիս 40 հազար դրամ է վճարվում:

Գյուղապետարանի շինությունն է

Կատարված հողազավթման ու Սեյրան Հարությունյանի՝ աճուրդով ձեռք բերված հողատարածքի մասով ամիսներ առաջ քրեական գործ էր հարուցվել, որը, սակայն, կարճվել է: Լոռու ներկայիս մարզպետ Անդրեյ Ղուկասյանը ամիսներ առաջ հայտարարել էր, որ իրականացված աճուրդը կեղծ է եղել, քանի որ մասնակից մյուս անձը պարզապես տեղյակ չի եղել, որ աճուրդի է մասնակցել:

Լեռնավանցիները ՀԺ-ի հետ զրույցում նշեցին, որ պահանջում են, որպեսզի իրավապահ մարմինները նոր քննություն անցկացնեն, պահանջում են նաեւ կառավարության ու մարզպետարանի ուսումնասիրություն, իրենց ուզածը իրենց հողերը վերադարձնելն է: Գյուղի 66-ամյա բնակիչ Հենրիկ Մանուկյանի խոսքով, գյուղի կենտրոնի բոլոր հողակտորները գնվել ու զավթվել են Սեյրան Կարապետյանի կողմից, իսկ այդ ապօրինի գործարքների մեջ լուրջ դեր ունի նախկին գյուղապետը, որն ինչ-որ շահից ելնելով՝ փաստաթղթեր է կեղծել ու հողակտորներ վաճառել իրենց համագյուղացուն:

Լեռնավանցի Վիկտոր Մկրտչյանի խոսքով, համայնքային նշանակության բոլոր հողակտորները ներկայումս Սեյրան Կարապետյանի տիրապետության տակ են: Իսկ կեղծ աճուրդով ձեռք բերված հողակտորն ու ապօրինի շինություններն էլ օրինականացվել են ներկայիս գյուղապետի կողմից, որը եւս առաջացրել է իրենց զայրույթը. «Կեղծ աճուրդը եղել է հնի ժամանակ, կեղծ աճուրդով շահած հողի վրա ապօրինի շինություն է սարքել Սեյրանը, թազա գյուղապետն էլ դրանք օրինականացրել է»:Գյուղի ավագանու անդամ Համլետ Մազմանյանի խոսքով, գյուղի բնակիչները պահանջում են բացահայտել համայնքի բոլոր ժամանակների ղեկավարների ապօրինությունները, իրենց ցույց տան բոլոր փաստաթղթերը. «Փաստն այն է, որ գյուղի կենտրոնում 1 կտոր հող չկա, ոչ մի քառակուսի հող համայնքինը չի, փաստացի թե՛ սեփականատեր, թե՛ ներդնել ցանկացող, բայց ոչինչ չի արվում, քանի որ ոչինչ պարզ չէ, մենք ուզում ենք մարզպետարանը հանձնաժողով կազմի, իրավապահ մարմինները ուսումնասիրություններ անեն ու մենք ճշմարտությունն իմանանք»,-ասաց ավագանու անդամը:

ՀԺ-ի հետ զրույցում Սեյրան Կարապետյանը սկզբում հերքեց, թե հողազավթում է արել, ապա հաստատեց. «Ոչ, չունեմ, կարող ա մի 2-300 մետր ավել հող եմ վերցրել, բայց դա էլ արել եմ, որ իմ տան դռան դեմը չբերեն եսիմ ինչեր սարքեն….իրենք ուզում են իմ շեմի վրա խաղասրահ սարքեն, ես էլ չեմ թողել, պարսպապատել եմ»,-ասաց նա: Սեյրան Կարապետյանի խոսքով, հարուցված քրեական գործը կարճվել է, քանի որ «միլիցիան» տեսել է, որ ամեն ինչ օրինական է: Կարապետյանը հերքում է, թե զավթել է, ասում է՝ առաջ է գնացել պարզապես. «Ես ասում եմ իրենց, զավթածս ուզում եմ օրինականացրել, իրենք չեն անում, գյուղապետին 10 անգամ խնդրեցի, որ օրինականացնի, չի անում մարդը, գյուղացիներից է վախենում»:Անդրադառնալով կեղծ աճուրդով ձեռք բերված հողակտորին ու դրա վրա կառուցված ապօրինի շինություններին՝ Սեյրան Կարապետյանն ասաց, որ իր մասով ամեն ինչ օրինական է եղել, իսկ թե մյուս մասով ինչ է արվել, դա արդեն, ըստ նրա, հողաշինարարից պետք է պարզել: Գործարարի խոսքով, իրենից պարզապես ցանկանում են վերցնել իր սեփական ու օրինական շինությունները, որը տալու դեպքում ամեն ինչ կկարգավորվի, մինչդեռ ինքը անվճար ոչինչ տալ չի պատրաստվում:

Տպել
1564 դիտում

Եթե արդյունքը լավը չէ, գոնե պետք է լավ խաղով ուրախացնենք. Գյուլբուդաղյանց

ՀՀ հավաքականի դեմ բարդ խաղ էր, ինչպես սպասվում է. Ֆինլանդիայի ֆուտբոլի հավաքականի մարզիչ

Ֆինների դեմ Հայաստանի ֆուտբոլի հավաքականի խաղում «Հանրապետականը» լեփ-լեցուն էր (լուսանկարներ)

Եվրո 2020-ում դեռ շանսեր ունենք. Արաս Օզբիլիս

Առաջին հերթին ցանկանում եմ շնորհակալություն հայտնել երկրպագուներին. Արամ Հայրապետյան

Միայն շնորհակալությունը բավական չէ երկրպագուներին. Գեւորգ Ղազարյան

Այսուհետ համապետական շաբաթօրյակներ կանցկացնենք վեցշաբաթյա պարբերականությամբ. Սուրեն պապիկայն

Ջավախահայերի պատվիրակությունն այցելել է սփյուռքի նախարարություն

Հայաստանի ֆուտբոլի  հավաքականը պարտվեց նաեւ Ֆինլադիային

ՀՀ քաղաքացու օրը մշտական «հիշեցման թերթիկ» է ցանկացած իշխանության համար. ինչու են նախկինները դեմ

Վարչապետը մարզադաշտից հետևել է Հայաստան-Ֆինլանդիա հանդիպմանը (լուսանկարներ)

Հայաստան-Ֆինլանդիա՝ հաշիվը 0:2. ՀՀ ֆուտբոլի հավաքականը Ֆինլանդիայի դեմ խաղում բաց թողեց 2-րդ գոլը

Ստեփանծմինդա-Լարս ավտոճանապարհը մի քանի ժամով փակ է լինելու տրանսպորտային բոլոր միջոցների համար

Արմավիրի մարզում քաղաքացին փորձել է ինքնասպան լինել գերեզմանատանը

Դժվարանցանելի են Շիրակի մարզի մի շարք միջհամայնաքային ճանապարհներ, Դիլիջանի ոլորանները

Երևանում վերաբացվելու է Կալիֆորնիա-Հայաստան առևտրի գրասենյակը

Դատարանը վարույթ է ընդունել Սեդրակ Քոչարյանի բողոքը, որով ԱԱԾ-ից պահանջում են հերքել հաղորդագրությունը

ԱԺ նախագահը և Կուբայի դեսպանն անդրադարձել են տարբեր ոլորտներում համագործակցության հնարավորություններին

Հայաստանը տեխնիկապես պատրաստ է ԵՄ երկրների հետ վիզայի ազատականացմանը, հարցն ավելի շատ քաղաքական է

Այս շինծու գործը ճշմարտությունից այնքան է հեռու, ինչքան խոզը տուռնիկից. Ֆլեշի Բարսեղ