Տղայիս ծեծել են, զենքի կոթով խփել, շալվարը հանել, նկարել եւ տվել պարոն Ապերին. Վստրեչի Ապերի գործով տուժողի հայր

Լուսանկարում ձախից՝ Սուրեն Զոհրաբյանը, աջից՝ Վստրեչի Ապերը

Երեւան քաղաքի ընդհանուր իրավասության դատարանում (Կենտրոն եւ Նորք-Մարաշի նստավայր) դատավոր Մեսրոպ Մակյանի նախագահությամբ այսօր մեկնարկեց քրեական հեղինակություն Վստրեչի Ապեր մականունով հայտնի Արամ Վարդանյանի վերաբերյալ քրեական գործով դատական նիստը:

Այս գործով ամբաստանյալներն են Արամ Վարդանյանը եւ Գարեգին Իսկանդարյանը:

Արամ Վարդանյանին մեղադրանք է առաջադրվել այն բանի համար, որ նա կազմակերպել, ղեկավարել եւ անձամբ մասնակցել է մի խումբ անձանց կողմից նախնական համաձայնությամբ 2017թ․ հուլիսի 17-ին Նորագավիթ թաղամասում գտնվող «Արամիս» սուպերմարկետի շրջակայքից բռնության գործադրմամբ, զենքով կյանքի եւ առողջության համար վտանգավոր բռնություն գործադրելու սպառնալիքով Մամիկոն Բագրատունու բացահայտ առեւանգմանը։

Գարեգին Իսկանդարյանին մեղադրանք է առաջադրվել այն բանի համար, որ նա մի խումբ անձանց հետ նախնական համաձայնությամբ, 2017թ․հուլիսի 17-ին Նորագավիթ թաղամասում գտնվող «Արամիս» սուպերմակետի շրջակայքից բռնության գործադրմամբ առեւանգել է Մամիկոն Բագրատունուն։

Նիստի մեկնարկին Արամ Վարդանյանի պաշտպան Լուսինե Սահակյանը առարկեց նիստը տեսանկահարանելու եւ լուսանկարահանելու դեմ՝ նշելով, թե քանի որ քրեական գործում առկա են տվյալներ, որոնք վերաբերում են անձնական կյանքին եւ արժանապատվությանը, ուստի, այդ հիմքով միջնորդում է գործը քննել դռնփակ: Դատարանն այս միջնորդության լուծումը հետաձգեց, ինչ վերաբերում է նիստը տեսանկարահանելուն, ապա գործի նախապատրաստման փուլում որոշակի ժամկետով թույլատրվեց տեսանկարահանումը, սակայն վերապահումով, որ ամբաստանյալները չհայտնվեն կադրերում: Այնուհետեւ դատարանն անցավ ամբաստանյալների ինքնությունների ճշտմանը: Քրեական հեղինակություն Արամ Վարդանյանը, պատախանելով դատավորի հարցին, ասաց, որ ամուսնացած է, ունի միջնակարգ կրթություն: Դատավորի հարցին՝առողջական խնդիրներ ունե՞ք, Վարդանյանը չցանկացավ պատասխանել:

Այնուհետեւ դատարանը քննեց Արամ Վարդանյանի պաշտպան Լուսինե Սահակյանի միջնորդությունը՝ նիստը դռնփակ քննելու վերաբերյալ: Տուժողի ներկայացուցիչ Արայիկ Պապիկյանը դիրքորոշում հայտնեց, որ նշված միջնորդության քննարկումը պետք է հետաձգել այն պատճառով, որ ինքն ամբողջությամբ ծանոթ չէ քրեական գործի նյութերին, մեղադրական եզրակացությանը: Պաշտպան Լուսինե Սահակյանն էլ հակադարձեց, որ տուժող կողմը հնարավորություն ունեցել է ծանոթանալ քրեական գործի նյութերին, առավելեւս, որ գործի նյութերն իրենց տրամարդվել են: Բացի դա, ըստ Սահակյանի՝ մեղադրական եզրակացությունը ընդամենը 12 էջից է բաղկացած եւ քրեական գործին ծանոթ լինելով՝ փաստաբան Արայիկ Պապիկյանը դրան կարող է ծանոթանալ ընդամենը կես ժամում։ Մինչդեռ Պապիկյանը հայտնեց, որ իր մասնագիտական ունակությունները թույլ չեն տա, որ նա կարճ ժամանակում ծանոթանա մեղադրական եզրակացությանը։

Նիստի ավարտին տուժող Մամիկոն Բագրատունու (նա այժմ փոխել է իր ազգանունը,-հեղ.) հայրը՝ Սուրեն Զոհրաբյանը, պատասխանելով մեր այն հարցին, թե Վստրեչի Ապերը ի՞նչ գործողություններ է արել իր որդու նկատմամբ, ասաց․ «Տղայիս Նորագավիթից տարել ծեծել են, դրանից հետո եկել են Սերժի ձայն հավաքողները, տարել են ուրիշ տեղ, ծեծել են, զենքի կոթով խփել են, շալվարը հանել են, նկարել են, տվել պարոն Ապերին»։

Նշենք, որ այս գործով վկայի կարգավիճակ ունի դերասանուհի Լուիզա Ղամբարյանը: Մեր զրույցում դերասանուհին ասաց, որ գործով տուժող Մամիկոն Բագրատունին իր եղբայրն է, սակայն այլ հարցերի չպատասխանեց:

Ենթադրյալ առեւանգման դեպքը տեղի է ունեցել 2017 թվականի հուլիսին, սակայն այս դեպքի մասին հայտնի է դարձել թավշյա հեղափոխությունից հետո, այն էլ ՀՀ հատուկ քննչական ծառայության տարածած հայտարարությունից: Ըստ ՀՀ հատուկ քննչական ծառայության տարածած հաղորդագրության՝ Արամ Վարդանյանը կենցաղային հարցերի շուրջ պարզաբանումներ կատարելու եւ Գ. Հ.-ին (տուժողի անվան սկզբնատառերը փոխված են, խոսքը Մամիկոն Բագրատունու մասին է,-հեղ.) պատժելու նպատակով, նախնական համաձայնություն է ձեռք բերել մի խումբ անձանց հետ` վերջինիս առեւանգումը կազմակերպելու համար: Հիշյալ անձինք իրենց հանցավոր նպատակն իրագործելու դիտավորությամբ, Արամ Վարդանյանի ղեկավարությամբ եւ անմիջական մասնակցությամբ 2017թ. հուլիսի 17-ին Երեւան քաղաքի Նորագավիթ թաղամասում գտնվող սուպերմարկետի շրջակայքից բռնության գործադրմամբ առեւանգել են Գ. Հ.-ին (Մամիկոն Բագրատունուն) եւ տեղափոխել Երեւան քաղաքի բնակարաններից մեկը, որտեղ Արամ Վարդանյանը ծեծի է ենթարկել վերջինիս եւ զենքով սպառնացել սպանել նրան: Շուրջ 3 ժամ Գ. Հ.-ին անազատության մեջ պահելուց հետո Ա. Վ.-ն սպանության սպառնալիքի ներքո նրանից պահանջել է լքել Հայաստանի Հանրապետության տարածքը: Նույն օրը՝ 17.07.2017թ.-ին, Գ. Հ.-ն մեկնել է ՀՀ-ից եւ վերադարձել 2018թ. ապրիլ ամսին:

Արամ Վարդանյանի եւ նրա ընկերոջ՝ Գարեգին Իսկանդարյանի նկատմամբ որպես խափանման միջոց է ընտրվել գրավը:

Արամ Վարդանյանի նկատմամբ ոստիկանությունը հետախուզում էր հայտարարել: Հիշեցնենք, որ Արամ Վարդանյանը ձերբակալվել է 2018թ.  հուլիսի 30-ին Դուբայի օդանավակայանում, իսկ հոկտեմբերի 1-ին Միացյալ Արաբական Էմիրություններից էքստրադիցիայի ենթարկվել Հայաստան։

Տպել
13701 դիտում

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ

Չաուշի փողոցում մեքենա է այրվել. վարորդը հոսպիտալացվել է

Ադրբեջանցին հեռացավ առանց ձեռքսեղման. Հովհաննես Բաչկովի հաղթական մենամարտի տեսագրությունը (տեսանյութ)

Տոկիո-2020 Հովհաննես Բաչկովը հաղթեց ադրբեջանցուն ու դուրս եկավ քառորդ եզրափակիչ

Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Տեսչական մարմինը դիտարկումներ է իրականացրել հանրային տրանսպորտի հավաքակայաններում

Տիգրան Ավինյանն աշխատանքային շրջայց է կատարել Երևանի 33-րդ (Ֆիրդուսի) թաղամասում

Արմեն Սիմոնյանը Երկաթուղայինի օրվա առիթով պատվոգրեր է հանձնել համակարգի մի շարք աշխատողների

Արմեն Շեկոյանի հոգեհանգստի արարողությունը տեղի կունենա հուլիսի 31-ին, հուղարկավորությունը՝ օգոստոսի 1-ին

ԳԹԿ-ն նախաձեռնում է ստեղծել հայոց լեզվի ավարտական և միասնական քննությունների թեստերի նոր առաջադրանքների պաշարներ

Վահան Քերոբյանը Վրաստանի գործընկերոջ հետ խոսել է արագընթաց գնացքի գործարկման հնարավորության մասին

ՄԱԿ-ում Հայաստանի մշտական ներկայացուցիչը նամակ է հղել կառույցի Անվտանգության խորհրդի նախագահող Նիկոլա Դե Ռիվիերին