Ուսումնասիրություններով ներկայացվել է միայն երթուղային ցանցի՝ Եվրոպայից պատճենած տարբերակ. Հ. Կարապետյան

Երեւանի քաղաքապետարանի մամուլի քարտուղար Հակոբ Կարապետյանը պարզաբանել է քաղաքապետ Հայկ Մարությանի այսօրվա հայտարարությունները՝ արված ավագանու նիստի ժամանակ: Խոսքը տրանսպորտային ցանցի բարելավման խնդրի եւ նախկինում անցկացված ուսումնասիրությունների մասին է:

Հակոբ Կարապետյանի գրառումը ներկայացնում ենք ստորեւ.

Եվ այսպես, քաղաքապետ Հայկ Մարությանն այսօր Ավագանու առաջ մեկ անգամ եւս արձանագրեց, որ. 
 WYG բրիտանական խորհրդատվական ընկերությունը, որին դեռ 2016թ. պատվիրվել է $850 000-ով մշակել Երեւանի տրանսպորտային ցանցը, իր աշխատանքի համար որպես ելակետ վերցրել է հնացած տվյալներ՝ քաղաքի ուղեւորահոսքերի վերաբերյալ: Որպեսզի հասկանանք, թե որքան կարեւոր են այս ելակետային տվյալները, ասեմ, որ դրանց ճշգրտությունից է կախված, թե որքան ինչ տիպի, տարողունակության ավտոբուսներ է պետք գնել, ինչպես կահավորել կանգառները եւ ընդհանրապես, թե ինչքան կարժենա ամբեղջ ռեֆորմը:

 Նախնական ուսումնասիրությունների արդյունքում ներկայացվել է երթուղային ցանցի, վճարման համակարգի միայն մեկ տարբերակ՝ եվրոպական քաղաքներից պատճենած: Երեւանի պայմանների համապատասխան տեղայնացման կամ առաջարկվող տարբերակների բազմազանության, այլընտրանքի վերաբերյալ խոսք չկա: Ընդ որում, միասնական տրանսպորտային համակարգի նախնական առաջարկի մեջ մետրոյի գործոնը հաշվի չի առնվել: Այսինքն, մարդկանց առաջարկել են Երեւանի համար նոր, միասնական տրանսպորտային ցանց մշակել, բայց ՄԵՏՐՈՊՈԼԻՏԵՆԸ հաշվի չեն առել:

 WYG ընկերությունը համաձայն է, ավելին՝ շահագրգռված է նոր կետային ուսումնասիրություն կատարել՝ ուղեւորահոսքերի վերաբերյալ տվյալները շտկելու նպատակով: Այս ուսումնասիրությունների արդյունքը հայտնի կլինի ամենաուշը մինչեւ 2019թ. փետրվարի սկիզբ: 

 Եթե նոր ուսումնասիրության արդյունքում նախորդի համեմատ մինչեւ 20 տոկոս շեղում լինի, ապա հնարավոր կլինի շարունակել աշխատանքները ընկերության մշակած ցանցի նախագծի վրա, եթե շեղումը լինի 20 տոկոսից ավել, ապա, ըստ WYG ընկերությա՛ն իսկ ներկայացուցիչների պնդման, անհրաժեշտ է նոր ցանց մշակել, այլապես սխալ տվյալների հիման վրա արված մոտ $200 մլն արժողությամբ բարեփոխումը կլինի համապատասխանաբար սխալ եւ անարդյունավետ: 

 WYG-ը համաձայնել է կատարել կետային նոր ուսումնասիրությունը ԱՌԱՆՑ ԼՐԱՑՈՒՑԻՉ ՎՃԱՐԻ: Այն փաստը, որ ընկերույթունն այս նոր ուսումնասիրության համար լրացուցիչ գումար չի ակնկալում, լավագույնս ապացուցում է, որ ընկերությունն ինքը համոզված է, որ հին տվյալների վրա հիմնված աշխատանքը կարող էր լուրջ խնդիրներ առաջացնել նախ եւ առաջ իր համար: Թե ինչու տրանսպորտային հանձնաժողովի անդամները եւ խնդրով զբաղվող նախկին պաշտոնյաները երկու տարի շարունակ սրա վրա ուշադրություն չեն դարձրել, կարելի է միայն ենթադրություններ անել: 

 Այս պահի դրությամբ եւ նախկինում երբեւէ WYG-ը ավարտուն երթուղային ցանց չի՛ ներկայացրել: Ըստ ՆԱԽԱՊԵՍ սահմանված գրաֆիկի, խորհրդատվական ընկերության հետ աշխատանքները պետք է ավարտվեն մինչեւ 2019 թվական: Այսինքն, քաղաքապետ Հայկ Մարությանն ու նրա թիմը որեւէ ժամկետ չեն խախտել ու ռեֆորմները ՉԵՆ ՀԵՏԱՁԳԵԼ: Եթե նույնիսկ այսօր ավարտուն ցանցը թղթի վրա պատրաստ լիներ, դա դեռ չէր նշանակի, որ անմիջապես նոր տրանսպորտ ենք ունենալու: Թղթի վրա երթուղային ցանցն ունենալու արդյունքում դեռ պետք է հասկանալ, թե ինչ տիպի, տարողունակության եւ գնի շարժակազմ է պետք քաղաքին (ավտոբուսներ, տրոլեյբուսներ եւն): Դրանից հետո պետք է կազմակերպվի գնման գործընթաց՝ ընտրվեն այն ընկերություն/ները, որոնք մատակարարելու են ավտոբուսները: Քաղաքին նախնական հաշվարկներով պետք է 900-ից ավել ավտոբուս: Կարեւոր է նաեւ ֆիքսել, որ փուլային ներդնում հնարավոր չէ իրականացնել, ռեֆորմը պետք է անել միանգամից եւ ամբողջապես: Դժվար թե երկրագնդի վրա այդպիսի գործարան գտնվի, ձեզ մի քանի ամսում 900 ավտոբուս կարտադրի եւ կմատակարարի: Դրան գումարած՝ քաղաքի կանգառների, ճանապարհային այլ ենթակառուցվածքների կահավորումը: Հետեւաբար, ցանցը պատրաստ լինելու դեպքում դեռ բավական երկար ժամանակ է անհրաժեշտ՝ այն ներդնելու, պարզ ասած՝ նոր տրանսպորտ ունենալու համար: 

Սա, ի դեպ, վերաբերում է նաեւ այն հարցադրմանը, թե ինչու է քաղաքապետը վարչապետ Փաշինյանի հետ հայտնի հեռախոսազրույցում նշել 2-4 տարի ժամկետը: Պատասխան՝ որովհետեւ դա է միակ իրատեսական եւ ազնիվ հաշվարկների հիման վրա արված եզրակացությունը:

Տպել
4183 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)