Պարենային և էներգետիկ անվտանգությունը մեր առաջնահերթություններ­ն են. Արայիկ Հարությունյան

26/12/2018 schedule11:46

«Ազատ հայրենիք» կուսակցության նախագահ, ԱՀ նախագահի հատուկ հանձնարարություններով ներկայացուցիչ Արայիկ Հարությունյանը Արցախի պետական համալսարանում հանդիպում է ունեցել տնտեսագիտության ֆակուլտետի ուսանողների հետ: Այս մասին հայտնում են Ազատ հայրենիք կուսակցությունից

Ողջունելով ուսանողներին՝ Ա. Հարությունյանն ասել է, որ Արցախի և Հայաստանի առջև ծառացած հիմնական մարտահրավերների հաղթահարումը պայմանավորված է տնտեսական զարգացման շարունակական ապահովմամբ: Նրա խոսքով, երբ ինքը նշանակվել էր ԱՀ վարչապետի պաշտոնում, երկու հիմնական առաջնահերթություն է դրել իր առջև՝ ապահովել հանրապետության պարենային և էներգետիկ անվտանգությունը՝ զուգահեռաբար ապահովելով տնտեսական աճի բարձր տեմպեր:

«2007 թվականին երբ ստանձնեցի գործադիր իշխանության ղեկավարի պաշտոնը, հանրապետության համախառն ներքին արդյունքը կազմում էր 70 մլրդ դրամ: Թե՛ պարենային և թե՛ էներգետիկ անվտանգության առումներով լուրջ խնդիրներ կային: Հետևողական աշխատանքի շնորհիվ մեզ հաջողվեց բեկում մտցնել տնտեսության զարգացման ու կառուցվածքի փոփոխության հարցում, և համախառն ներքին արդյունքը ավելի քան քառապատկել: Այս տարի այն կկազմի մոտ 303 մլրդ դրամ, կամ մեկ բնակչի հաշվով ավելի քան 4200 ԱՄՆ դոլար»,- նշել է Ա. Հարությունյանը:

Խոսելով ՀՆԱ-ի աճի բարձր տեմպերի և կյանքի որակի համարժեք փոփոխության զուգահեռների մասին՝ բանախոսը նշել է, որ ֆինանսական եկամուտների առումով, իսկապես, անհամաչափություն կա, սակայն դրանց հարաբերակցության չափման համար բազմաթիվ այլ գործոններ կան:

«Տնտեսության զարգացման շնորհիվ մենք կարողացել ենք զգալիորեն կրճատել գործազրկությունը, կառուցել մեծ թվով դպրոցական և նախադպրոցական շենքեր, ստեղծագործական կենտրոններ, ճանապարհներ ու հանրային նշանակության բազմաթիվ այլ ծրագրեր իրականացնել: Մի քանի անգամ ավելացել է սոցիալական ծրագրերի թիվը: Արդյո՞ք այս ամենն ուղղված չէր կյանքի որակի բարելավմանը»,- ասել է Ա. Հարությունյանը:

Խոսելով Արցախի տնտեսության զարգացման հեռանկարների մասին՝ նա ընդգծել է, որ պետք է շարունակել պահպանել տարեկան միջինը 10 տոկոս տնտեսական աճի տեմպը: «Համոզված եմ, որ 2021թ.-ին պետական բյուջեի ծախսային միջոցները կհասնեն իմ երազած չափին՝ կազմելով ավելի քան 300 մլն դոլար, որը թույլ կտա լուծել սոցիալական խնդիրների հիմնական մասը, կտրուկ նվազեցնել աղքատության մակարդակը և իրականացնել ենթակառուցվածքային բավականին լուրջ ծրագրեր: Սա մեզ համար այսօր երազանք է, սակայն վաղն այն իրականություն է դառնալու»,- նշել է Ա. Հարությունյանը՝ պարզաբանելով և մանրամասնելով, թե ինչպես է նախատեսվում այդ ցուցանիշներին հասնել և ապահովել այդ արդյունքները:

Գյուղատնտեսության ոլորտում, ըստ Ա. Հարությունյանի, ստեղծված են հիմնական բարենպաստ նախադրյալները, և տարեցտարի ավելանում է գյուղատնտեսական համախառն արտադրանքը: «Արդեն ունենք գյուղատնտեսության զարգացման հայեցակարգ, դրանից բխող ծրագրեր, ինչպես նաև փորձ, որը թույլ է տալիս համարձակ հայտարարել, որ կառավարության կողմից ընդունված ծրագիրը խիստ իրատեսական է»,- ասել է Ա. Հարությունյանը:

Անդրադառնալով էներգետիկայի ոլորտին՝ նա նշել է, որ ոլորտը անվտանգային առումով մեծ կարևորություն ունի, ինչը պայմանավորված է արտաքին միջավայրից բխող մի շարք գործոններով: «Էներգետիկ անվտանգության ապահովման առումով, ելնելով էկոլոգիական խնդիրներից և ռեսուրսների ճիշտ կառավարման տեսանկյունից, մենք նախընտրեցինք հիդրոէլեկտրակայանների կառուցումը: Այս տարի էլեկտրաէներգիայի արտադրությունն արդեն գերազանցել է ներքին սպառման ծավալները, և առաջիկա տարիներին այն պետք է հասցնել մինչև 1 միլիարդ կՎտ/ժ արտադրության: Այդ պարագայում, ըստ մասնագիտական հաշվարկի, հնարավորություն կլինի աստիճանաբար հրաժարվել բենզինից, դիզվառելիքից և գազից՝ Արցախը էներգետիկ առումով ամբողջությամբ դարձնելով ինքնաբավ ու անվտանգ»: 

Հանդիպման ընթացքում Ա. Հարությունյանը պատասխանել է նաև ուսանողների հարցերին, որոնք վերաբերում էին տնտեսության տարբեր ոլորտներին և դրանց զարգացման հեռանկարներին:

Վերջում Ա. Հարությունյանը հանդես է եկել հայտարարությամբ՝ ուսանողներին առաջարկելով երեք ամսվա ընթացքում ներկայացնել բիզնես-նախագծեր, որոնցից լավագույն երեքը կստանան համապատասխան ֆինանսական աջակցություն: Բացի այդ, Ա. Հարությունյանը համալսարանի ղեկավարությանը առաջարկել է ընտրել բարձր առաջադիմությամբ սովորող 15 ուսանող, ինչպես նաև բարձր արդյունավետություն ունեցող 7 դասախոս, որոնց կտրամադրվի ամառային արձակուրդները ծովափնյա հանգստավայրերից մեկում անցկացնելու հնարավորություն, իսկ ևս երկու լավագույն ուսանողներ ճանաչողական այցով կմեկնեն Վենետիկ և Սուրբ Ղազար կղզի: 

Տպել
734 դիտում

Վթարի հետևանքով «Mercedes»-ը մասամբ հայտնվել է «Toyota Camry» մակնիշի ավտոմեքենայի վրա. կա տուժած

Հայբիզնեսբանկը միացել է կորոնավիրուսի տնտեսական հետևանքների չեզոքացման միջոցառումներին

Բոլորս ապրում ենք բարդ ժամանակներ. Նիկոլ Փաշինյանի խոսքը՝ ԵԱՏՄ տեսակոնֆերանսի ժամանակ (տեսանյութ)

Ապրիլի 9-ին Հանրապետության տարածքում վարակազերծվել են 490 հանրային վայրեր

Ո՞վ ես դու, պարզ ասում եմ՝ ո՞վ ես դու. Գյուլագարակի համայնքապետը մարզպետի հետ կապեց իր հրաժարականը

Արշակունյաց-Գարեգին Նժդեհ խաչմերուկում կանջատվեն լուսացույցները. փորձնական շրջանաձեւ երթեւեկություն կկազմակերպվի

Կորոնավիրուսով հիվանդ ընդունելուց հետո ախտահանում են շտապօգնության մեքենան (տեսանյութ)

Քաշաթաղի բուժմիավորումում մեկուսացված 6 քաղաքացի կա, 2-ը ջերմում են. ընդհանուր 9 անձի թեստի պատասխան է սպասվում

Հրաժարականի դիմում կներկայացնի Գյուլագարակ խոշորացված համայնքի ղեկավարը

Կորոնավիրուսի 16 նոր դեպք է հաստատվել. գրանցվել է եւս մեկ մահ. դեպքերի ընդհանուր թիվը 937 է

Հայտնաբերվել է «РГ-42» տեսակի հարձակողական բեկորային դիստանցիոն նռնակ

Հայաստան է վերադառնում FLEX ծրագրով ԱՄՆ-ի տարբեր նահանգներում գտնվող ավագ դպրոցի 34 աշակերտ

Ուկրաինայի հայ համայնքում COVID-19-ով վարակված մեկ ներկայացուցիչ կա

Երեւանում հողագործական աշխատանքներ իրականացնելիս հայտնաբերվել է նռնակի պայթուցիչ

Բորիս Ջոնսոնը վերակենդանացման բաժանմունքից տեղափոխվել է հիվանդասենյակ

Գյումրիի թաղամասերից մեկում իր տանը հայտնաբերվել է բնակչի դին

Կորոնավիրուսով վարակված անձանց հետ հնարավոր շփում ունեցած Արցախի ոստիկանության 4 ծառայողներ ինքնամեկուսացել են

Տավուշի մարզում կորոնավիրուսով վարակված 6 մարդ կա. մեկուսացած է 96, ինքնամեկուսացած՝ 188 մարդ. մարզպետ

Գյումրիում բժշկական դիմակով անձինք կողոպտել են ՀՀ ՊՆ N զորամասի կին զինծառայողին

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը