Ներկայիս «Արցախը» կանվանափոխվի, կստեղծվի այլ «Արցախ». վերադասավորումներ ՀՀ ֆուտբոլում

ՀՀ Բարձագույն խմբի առաջնությունում հանդես եկող «Արցախ Երեւան» ֆուտբոլային ակումբը, որը նոր սեփականատեր ունի, հաջորդ մրցարջանում նաեւ նոր անվանում կունենա: Այս մասին «Հայկական ժամանակ»-ի հետ զրույցում նշեց ակումբի արդեն նախկին հիմնադիր-նախագահ, սեփականատեր Սեւան Ասլանյանը: Նա պարզաբանեց, որ նոր սեփականատերը՝ Կարեն Աբրահամյանը, վերցրել է թիմը, բոլոր ենթակառուցվածքները՝ բացի անվանումից: «Արցախ Երեւան» անվանուն օգտագործելու է մինչեւ 2018-19 մրցաշրջանի ավարտը, որից հետո անվանափոխվելու է: Իսկ նույն բրեդով՝ «Արցախ Գորիս» անվանունով, նոր ակումբ կհիմնվի, որի մարզաբազան կլինի Արցախում՝ Ասկերանում, սակայն այն կներյացնի Գորիսը:

«Մենք պլանավորել էինք, որ 2018-19 առաջնությունից հետո տեղափոխվելու ենք Արցախ: Եկավ պահը, ու մեզ ասացին, որ կա մարդ, որն ուզում է նոր թիմ ստեղծել ՀՀ-ում: Հանդիպեցինք, առաջարկեցինք, որ նորը ստեղծելու փոխարեն վերցնի այս թիմը, որն արդեն ստեղծել ենք՝ թիմը, ֆուտբոլիստները՝ ենթակառուցվածքները: Իսկ անունն արդեն իրենք կորոշեն: Նրանց հետ պայմանավորվածություն ունենք, որ թիմը պետք է անվանափոխվի, որովհետեւ «Արցախ Գորիսով» մենք ենք հանդես գալու»,- ասաց Ասլանյանը:

Նա նոր սեփականտիրոջ մասին չխոսեց: Նշեց, որ առքուվաճառք չի եղել: Պարզապես նոր սեփականատիրոջ հետ համաձայնության են եկել «Արցախ» անվանումն օգտագործելու ու որոշ այլ հարցերի շուրջ: Ընթացիկ մրցաշրջանում Բարձրագույն խմբում հանդես եկող Կարեն Աբրահամյանի թիմը 2019-20 մրցաշրջանում կրկին հանդես կգա Բարձրագույն խմբում, իսկ Ասլանյանի «Արցախ Գորիսը» կմասնակցի Առաջին խմբի առաջնությանը:

«Արցախ Գորիսը» հիմնականում կազմված է լինելու մոտ մեկուկես տարի առաջ Արցախում Ասլանյանի ու Հրաչ Յագանի հիմնած առաջնության խաղացողներից: Նրանք թեեւ պրոֆեսիոնալ ֆուտբոլիստներ չեն, սակայն որոշակի փորձ են ձեռք բերել ու, ըստ Ասլանյանի, ժամանակն է նրանց պրոֆեսիոնալ մակարդակում հանդես գալու հնարավորություն տալու համար: Արցախի լիգայում հիմա կա 8 թիմ, ստեղծվում է եւս 4-ը, եւ դրանց լավագույն ֆուտբոլիստները կհամալրեն «Արցախ Գորիսը», գուցե նաեւ լինեն լեգեոներներ: Նրանք կմարզվեն ու կապրեն Արցախում:

«Մենք տեղափոխվում ենք տուն, ու ուզում ենք Արցախում նորից արթնանա ֆուտբոլը: Այնտեղ հիմա շինարարություն է գնում: Արցախի համար Ասկերանում կառուցոմ ենք նոր բազա: Կա դաշտ, կառուցվում է բազա, որտեղ թիմը մայիսից ապրելու ու մարզվելու է: Բայց տնային խաղերն անցկացնելու է Գորիսում»,- ասաց Ասլանյանը:

Նա նաեւ ընդգծեց, որ սա Արցախում ֆուտբոլը զարգացնելուն ուղղված միակ նախաձեռնությունը չէ: Արդեն գոյություն ունեցող 8 եւ ստեղծվող 4 թիմերի համար նրանք փորձում են սեփականատերեր, հովանավորներ գտնել, որոնք կնպաստեն դրանց մարզադպրոցների հիմնմանն ու զարգացմանը: Մի մասի համար ներդրողներ գտնվել են: Ասլանյանը նշում է, որ նրանք, ովքեր կցանկանան փոքր բյուջե պահանջող թիմեր ունենալ Արցախում, կարող են կապ հաստատել իր կամ Յագանի հետ:

Արցախի մարզադպրոցներին էլ խորհուրդ է տալիս համագործակցել հայկական թիմերի հետ: Նա բացատրում է, որ, եթե, օրինակ, արցախյան մի թիմ աշխատում է «Փյունիկի» հետ, ապա «Փյունիկը» ցանկության դեպքում այդ մարզադպրոցի սանին առաջինը ձեռք բերելու իրավունք կունենա, եթե չցանկանա, «Արցախ Գորիսը» կարող է վերցնել խաղացողին: Նման տարբերակով «Արցախ Գորիսն» աշխատելու է «Ասկերանի» հետ:

«ՀՀ-ում բոլոր սեփականատերերի հետ խոսել եմ, բոլորին էլ հետաքրքիր էր Արցախում ֆուտբոլի զարգացումը»,- ասաց Ասլանյանը:

«Արցախ Գորիսը» համագործակցելու է նաեւ Գորիսում հիմնվող ֆուտբոլի ակադեմիայի հետ, որը ստեղծվում է Գորիսի քաղաքապետարանի, Հայաստանի ֆուտբոլի ֆեդերացիայի, շվեյցարացի բարերարների (որոնց անունը Ասլանյանը չի ուզում նշել) համատեղ ջանքերով: Գորիսում նաեւ նորոգվում է դաշտը, որտեղ «Արցախ Գորիսն» անցկացնելու է տնային հանդիպումները:

Ասլանյանն «Արցախ Գորիսի» հիմնադիրներից մեկն է: Դեռ հայտնի չէ՝ ով է լինելու նախագահը: Թիմի մարզչի հետ կապված խոսելն էլ, ըստ Ասլանյանի, դեռ վաղ է:

Ինչ վերաբերում է ներկայիս «Արցախին»՝ «Արցախ Երեւանին», ՀՀ Բարձրագույն խմբի առաջնությունում 16 տուրերից հետո այն 12 միավորով եզրափակում է մրցաշարային աղյուսակը. 9-րդ տեղում է: Գավաթի խաղարկությունից դուրս է մնացել: Թիմի մասին տեղեկություններին մինչեւ ընթացիկ մրցաշրջանի ավարտը ֆուտբոլասերները կարող են ծանոթանալ ֆեյսբուքյան այս էջում: Մրցաշրջանի ավարտից հետո սա լինելու է նորաստեղծ «Արցած Գորիսի» էջը:

Տպել
1020 դիտում

Կնոջ բերանը փակել են, ամուսնուն՝ դանակահարել․ ոստիկանները բացահայտել են ավազակային հարձակումը (տեսանյութ)

Մարգահովիտ գյուղի հարակից անտառում հնարավոր է ապօրինի ծառահատում է եղել

Տիգրան Ավինյանը ապրիլից 10 օրով արձակուրդ կգնա

Օֆշորային գործը վերաբացելուց հետո ՀՔԾ-ն փորձում է կապ հաստատել Միհրան Պողոսյանի հետ

«Վարդանանց» ԲԿ-ի Սևանի մասնաճյուղում համակարգչային շերտագրության ծառայություն է բացվել, Դիլիջանում՝ պոլիկլինիկա

Վթարվել է Ախթալայի ԼՀԿ-ի պոչատարը. պոչանքները փողոց են լցվել

Օրվա կադրը. կեծ-կեծ շագալաթ, շագալաթավ կաթ. սուրճի ապարատ՝ Կապանում

Տ. Ավինյանը և Լ. Մերեդիթին քննարկել են ՀՀ-ում էներգետիկ արդյունավետության բարձրացմանը վերաբերող հարցեր

Վարչապետը ծանր տպավորություն էր ստացել Ռանչպարից, քանի որ գյուղում մարդիկ կան, որ իրենց հողերը չեն մշակում․ գյուղապետ

Նիկոլ Փաշինյանը և Աննա Հակոբյանը դիտել են «44 աստիճանի վրա» ներկայացումը

Ներման խնդրանքով եմ դիմում Ձեզ. Վիտալի Բալասանյանը բաց նամակով դիմել է Բակո Սահակյանին

Ես ակամայից եմ հայտնվել այդ միջավայրում ու հնարավոր է լինեմ քաղաքականության մեջ. Մարիամ Փաշինյան

Արման Թաթոյանն այսօր այցելել է ՀՀ սահմանն ապօրինի հատած ադրբեջանցուն

Ա. Միրզոյանը գերմանացի գործընկերներին ներկայացրել է Բեռլինի դպրոցների դասագրքերում Հայոց ցեղասպանության անդրադարձի հարցը

Դպրոցի նորընտիր տնօրենն այսօր աշխատանքի է ներկայացել ոստիկանների ուղեկցությամբ. կրթօջախում մթնոլորտը լարված է

Այլևս ծնողներիս հետ չեմ մեկնի. Մարիամ Փաշինյանը պարզաբանում է՝ ինչու մեկնեց Բրյուսել կառավարական ինքնաթիռով

Հայկ Մարությանը շնորհակալություն է հայտնել Օպերայի սրճարաններն ապամոնտաժած անձնակազմին

Դավիթ Տոնոյանը ԿԽՄԿ պատվիրակության ղեկավարի հետ քննարկել է Կարեն Ղազարյանի ճակատագիրը

Ինձ անվստահություն հայտնելու հարցը վաղվա օրակարգ ես եմ բերել. Լեւոն Բարսեղյան

Մայրս պնդեց՝ ինչպես յուրաքանչյուր մայր կուզեր նշել դստեր 20-ամյակը. Մարիամ Փաշինյանը՝ ծննդյան խնջույքի մասին