Ղազախստանում իրավիճակը գնալով հանդարտվում է, ազգամիջյան երանգ ու դրամատիկ զարգացում չկա․ ՀՀ դեսպան

Վերջին օրերին Ղազախստանում լարված իրավիճակ է ստեղծվել, որի պատճառը ղազախական Կարագանդա քաղաքի «Հին Հռոմ» անունով ռեստորանում տեղի ունեցած աղմկահարույց սպանությունն է։ Այս դեպքից հետո Ղազախստանում բողոքի ակցիաներ են կազմակերպվել տեղի հայերի դեմ, որոշ տեղեկությունների համաձայն՝ անգամ ագրեսիվ կոչեր են հնչել։

Դեպքը տեղի է ունեցել դեկտեմբերի 31-ի, լույս հունվարի 1-ի գիշերը։ Ղազախստանի Կարագանդա քաղաքի ռեստորաններից մեկում վիճաբանություն է տեղի ունեցել, որն ավարտվել է սպանությամբ․ սպանվածը 23-ամյա ղազախ երիտասարդ է, եւս երեք անձ տուժել է։ Վեճի մասնակիցների հստակ թիվը հայտնի չէ, բայց, ըստ որոշ տեղեկությունների, ծեծկռտուքին մի քանի տասնյակ մարդիկ են մասնակցել։

Դեպքի առիթվ հարուցվել է քրեական գործ՝ Ղազախստանի ՔՕ 99 հոդվածի (սպանություն) եւ ՔՕ 293 (խուլիգանություն) հոդվածի հատկանիշներով։ Հարուցված քրեական գործի շրջանակում ձերբակալել են երկու հայի եւ մեկ ղազախի՝ Քաիր Նադիրբեկովին, Թորգոմ Մալխասյանին, Սոխակ Մալխասյանին։ Եվս մեկ հայի՝ Նարեկ Գուրուրյանի նկատմամբ համապետական հետախուզում է հայտարարվել։

Այս ֆոնին վերջին մեկ շաբաթում տարատեսակ լուրեր ու մտահոգություններ տարածվեցին, թե խնդիրն, ըստ էության, ազգամիջյան երանգ ունի։ Ի դեպ՝ ազգամիջյան թշնամանք հարուցելու վերաբերյալ եւս քրեական գործ է հարուցվել։

Տիրող իրավիճակի վերաբերյալ հայտարարությամբ է հանդես եկել թե՛ Ղազախստանում ՀՀ դեսպանությունը, եւ թե՛ ՀՀ ԱԳՆ փոխնախարար Շավարշ Քոչարյանը։ Վերջիններս նշել են, որ ՀՀ ԱԳՆ-ն եւ Ղազախստանում ՀՀ դեսպանությունն առաջին իսկ պահից մշտական կապի մեջ են գտնվում Ղազախստանի իշխանությունների, պատկան մարմինների հետ՝ որոշում կայացնողների մակարդակով: Ըստ հայտարարությունների՝ երկուստեք որդեգրվել է նույն դիրքորոշումը, որ սա կենցաղային քրեական երեւույթ է, որին ազգամիջյան նրբերանգ տալու որեւէ փորձ պետք է խստորեն բացառել։ ՀՀ ԱԳՆ-ն կոչ է արել չտրվել պոպուլիզմի եւ սադրանքների գայթակղությանը, քանի որ սա գերզգայուն հարց է, որին ազգամիջյան երանգ տալու բոլոր փորձերը դատապարտելի եւ անհանդուրժելի են։

Այսօր մեր զրույցում Ղազախսատանում ՀՀ դեսպան Գագիկ Ղալաչյանը նշեց, որ իրավիճակը Ղազախստանում գնալով հանդարտվում է։ Նա ասաց, որ երեկ բողոքի ակցիաներ չեն եղել եւ հավանաբար չեն էլ լինի։ Դեսպանը եւս մեկ անգամ շեշտեց, որ դեպքին ազգամիջյան երանգ տալը արվում է ոչ պաշտոնական աղբյուրներից եւ միտումնավոր՝ կրքերը բորբոքելու նպատակով։

Ղազախստանում ՀՀ դեսպանը մեր զրույցում ասաց, որ այնտեղ ապրող հայերի դեմ ակցիաներ եղել են, որոնց ժամանակ ազգայնական ինչ-որ ուժերի կողմից հնչել են որոշակի ելույթներ, բայց ակցիաների մասնակիցները վերջին օրերին քչացել են։ Գագիկ Ղալաչյանը հավելեց, որ բողոքի ակցիաների ընթացքում ո՛չ նյութական, ո՛չ ֆիզիական վնաս չի հասցվել հայկական սեփականությանը, հայերի նկատմամբ էլ բռնություն չի եղել։

«Մենք տեղի իշխանությունների հետ շուրջօրյա սերտ կապի մեջ ենք, եւ նրանք երաշխավորում են մեր համայնքի բնակիչների եւ սեփականության, ունեցվածքի անվտանգությունը»,- ասաց դեսպանը։ Վերջինս նշեց, որ այս պահին իրավիճակը հանգիստ է, ագրեսիվ դրսեւորումներ չկան, սակայն այլ հարց են սոցցանցերը, որտեղ էլ տարածվում է ապատեղեկատվությունը․ «Այդ թվում հայկական մի շարք կայքերում կարծես հին լուրերը ներկայացնում են նորի փոխարեն, այդպիսով կրքեր են բորբոքում, ինչն անցանկալի է։ Ես կոչ եմ անում ձեզ եւ ձեր գործընկերներին՝ լուրերն անպայման ստուգել պաշտոնական աղբյուներից եւ նոր հրապարակել»,-շեշտեց Ղալաչյանը։

Այսօր Ղազախական БАСЕ հեռուստաալիքը հայտնել էր, որ Ամանորի գիշերը ծեծկռտուքից ու երիտասարդի սպանությունից հետո քրեական գործում շրջանառվել են ադրբեջանցիների անուններ, սակայն հաջորդ օրը դրանք փոխարինվել են հայկական անուն-ազգանուններով։ Վերոնշյալի վերաբերյալ դեսպանն ասաց, որ դա, ամենայն հավանականությամբ, սովորական պրակտիկա է․ «Գուցե գործի ընթացքում նոր մարդիկ են ի հայտ եկել։ Մի բան վստահ կարող եմ ասել՝ այդ գործով ներգրավված են ոչ միայն հայեր, այլ նաեւ այլազգիներ, այդ թվում՝ ղազախներ, եւ այստեղ որեւէ ձեւով ազգային երանգ չկա, սովորական քրեական գործ է, չնայած մարդիկ այլ երանգ են տալիս»։

Մեր հարցին, թե արդյոք անաչառ քննություն կիրականացվի՞, դեսպանը պատասխանեց․ «Առավել քան վստահ եմ, որ անաչառ քննություն կլինի, քանի որ համապատասխան վստահեցում եմ ստացել Ղազախստանից, եւ Ղազախստանը, լինելով բազմագ պետություն, շահագրգռված չէ ազգային հարցեր մեջբերելու։ Այստեղ 30-ից ավելի ազգ կա, եւ կարեւոր է ազգերի համերաշխությունը»։

Այսպիսով՝ Ղազախստանում ՀՀ դեսպանը հայտնեց, որ կրքերը կարծես հանդարտվում են, եւ միակ խնդիրը մեր հայրենակցիների բնական անհանգստությունն է, որը ծագում է սոցցանցերում տիրող իրավիճակից, քանի որ մարդիկ տարատեսակ չճշտված լուրեր են կարդում ու վախենում․ «Դրամատիկ զարգացում չկա, կա բնական անհանգստություն»,-ասաց դեսպանը՝ նշելով գործի քննության ավարտից հետո հարցն, ըստ էության, կհանգուցալուծվի։

Նշենք, որ Ղազախստանում տիրող իրավիճակի վերաբերյալ հեռախոսազրույց են ունեցել երկու երկրների մարդու իրավունքների պաշտպաններն ու իրավապահները։

ՀՀ մարդու իրավունքների պաշտանի աշխատակազմից հայտնում են, որ Ղազախստանի Մարդու իրավունքների հանձնակատարը եւս նշել է, որ անթույլատրել է համարում դեպքին ազգամիջյան որեւէ երանգ կամ բնույթ տալը: Նա հավաստիացրել է, որ չի կարող որեւէ խոսք լինել ազգությամբ հայերի նկատմամբ խտրական վերաբերմունքի մասին՝ ելնելով նրանց ազգային պատկանելիությունց։ Ասկար Շակիրովը հայտնել է, որ այս հարցը գտնվում է իր անմիջական ուշադրության ներքո:

Ղազախստանի Ներքին գործերի նախարար Կալմուխանբետ Կասիմովը ՀՀ ոստիկանապետ Վալերի Օսպիյանին վստահեցրել է, որ անց է կացվելու արդար քննություն եւ դրա շրջանակում բոլոր գործողություններն իրականացվելու են օրենքի տառին համապատասխան: Կողմերը խոսել են նաեւ Կարագանդայում հունվարի 6-ին տեղի ունեցած ցույցերի մասին, որոնց վերաբերյալ տեղեկությունը տարածում գտավ նաեւ միջազգային լրահոսում: 

Ղազախստանի ներքին գործերի նախարարը նույնպես հեռախոսազրույցի ընթացքում նշել է, որ բողոքի ակցիաները ազգամիջյան բնույթ չեն կրել, եղել են ոչ մեծաքանակ ու գտնվել են իրավապահների հսկողության տակ. Ղազախստանի ներքին գործերի նախարարությունը վերահսկում է իրավիճակը:

Տպել
3383 դիտում

Հանրային քննարկման է ներկայացվել նախադպրոցական հաստատությունների տնօրենների հավաստագրման կարգը. ԿԳՄՍՆ

Արթուր Ղազինյանը 8-րդ անգամ չընտրվեց պաշտպանության և անվտանգության հանձնաժողովի փոխնախագահի պաշտոնում

Նորվեգիայի Թագավորության նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Ողբերգական դեպք Կոտայքում. ննջարանում հայտնաբերվել են ամուսինների դիերը, ինչպես նաև երկտող

Կորոնավիրուսի մեկօրյա մահերի թիվը դարձյալ բարձր է. գրանցվել է մահվան 37 նոր դեպք

Վրաերթ Երևան-Արմավիր ճանապարհին. տղամարդը հիվանդանոցում մահացել է

Ալբերտ Հովհաննիսյանին հետմահու շնորհվել է «Արցախի հերոս» բարձրագույն կոչում

ԱԱԾ-ն բերման է ենթարկել ՊԵԿ 4 պաշտոնատար անձի և նրանց 1 միլիոն դրամ կաշառք տված ևս 3 մարդու (տեսանյութ)

ՊԵԿ նախագահն ու վրաց պաշտոնյան քննարկել են հարկային և մաքսային ոլորտներին առնչվող հարցեր

Ոստիկանությունը պարզաբանում է անձնագրերի հետ կապված՝ օրենքներում նախատեսվող փոփոխությունները (տեսանյութ)

Մեքենաներից ազատ ևս մեկ հրապարակ. որպես ավտոկայանատեղի և գյուղմթերքի շուկա ծառայող տարածքը բարեկարգվում է (տեսանյութ)

ՀՀ կառավարությունը հաստատել է Արցախի տեղահանված կամ տունը կորցրած քաղաքացիներին դրամական օգնություն տրամադրելու որոշումը

Ռուսաստանը դադարեցնում է ՆԱՏՕ-ում իր առաքելության աշխատանքը. սառեցվում են դիվանագիտական բոլոր կապերը

Մի քանի ժամ լույս չի լինելու Երևանի և 5 մարզերի մի շարք հասցեներում

Էջմիածնից Մասիս տանող ավտոճանապարհին տրակտորը շրջվել է մոտակա փոսը. վարորդին հոսպիտալացրել են

Վաղը Երևանի, Կոտայքի և Արմավիրի մարզերի մի շարք հասցեներում 36 ժամով կդադարեցվի ջրամատակարարումը

ՄԱԿ-ի Արդարադատության միջազգային դատարանում մեկնարկել են Ադրբեջանն ընդդեմ Հայաստանի գործով լսումները

Կամարիս համայնքում ավարտվել են կառավարության 2021 թվականի 3 սուբվենցիոն ծրագրերը

Կորոնավիրուսից մահացել է ԵՊՀ պրոֆեսոր Յուրիկ Գաբրիելյանը

Ջիլ գյուղում մոտ 8 տոննա անասնակեր է այրվել

ԱԱՏՄ-ն բազմապատկված ուժերով խստացված ստուգայցեր է իրականցրել․ վերահսկողություն է կատարվել 478 տնտեսավարողների մոտ

Դալարիկում մարզի առաջնահերթ խնդիրների լուծման ծրագրով փոխվել են մանկապարտեզի դռներն ու պատուհանները

Արշակ Կարապետյանը հանդիպել է զոհված, անհայտ կորած, գերության մեջ հայտված զինծառայողների և կամավորականների հարազատներին

Շուշիում այսօր տեղի ունեցած բանակցությունների արդյունքում Ադրբեջանը հայկական կողմին է փոխանցել ևս մեկ աճյուն

ԵԽ նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն

Սառնաղբյուր գյուղում այրվել է պահեստավորած անասնակերը

ՊՆ ռազմական ոստիկանությունում ամփոփվել են կատարված աշխատանքները

Նորվեգիան «Մոդեռնա» պատվաստանյութի զգալի խմբաքանակ կտրամադրի Հայաստանին․ Նորվեգիայի նորանշանակ դեսպան

Արտակ Դավթյանն ընդունել է ԿԽՄԿ պատվիրակության ղեկավարին․ քննարկվել են փոխգործակցության նոր ուղղությունները

Ալեն Սիմոնյանն ընդունել է ռուս պաշտոնյաների պատվիրակությանը․ անդրադարձել են տարածաշրջանային առաջնահերթություններին

ՊՆ վարչական համալիրում անցկացվել է միջգերատեսչական հանձնաժողովի նիստ (լուսանկարներ)

ԱԳ փոխնախարարն ընդունել է Միջազգային էներգետիկ խարտիայի գլխավոր քարտուղարին․ քննարկվել է Երևանում կայանալիք հանդիպումը

Հայաստան է ժամանել Ուկրաինայի Գերագույն ռադայի մարդու իրավունքների հանձնակատարը (լուսանկարներ)

Առողջապահության փոխնախարարը խորհրդակցություն է անցկացրել Սյունիքի մարզպետարանում, քննարկվել է պատվաստումների ընթացքը

Կորոնավիրուսի հետեւանքով մահացել Է Ամերիկայի նախկին պետքարտուղար Քոլին Փաուելը

Փոքր համայնքներում ընտրությունը քաղաքական գործընթաց չէր․ իրար աջակցելու, լավություն անելու համադրություն էր

Ադրբեջանը շարունակում է պատանդառության մեջ պահել հայ ռազմագերիներին, քաղաքացիական անձանց. Միրզոյանը ԵԽ պատվիրակությանը

Կայացել է հայ-ռուսական միջտարածաշրջանային համագործակցության հարցերով աշխատանքային համատեղ խմբի հանդիպումը

«Դիմակայություն»՝ կորոնավիրուսի եւ 44-օրյա պատերազմի մասին պատմող ֆիլմ է նկարվել. վաղը կլինի պրեմիերան

Վիրավոր և հաշմանդամություն ունեցող զինվորները կրթություն կստանան նորագույն տեխնոլոգիաների ոլորտում (լուսանկարներ)