Մալիշկայում անգամ գյուղապետի հրաժարականից հետո կրքերը չեն հանդարտվում

Լուսանկարում՝ Մալիշկայի նախկին համայնքապետը եւ Վայոց Ձորի փոխմարզպետը

Վայոց Ձորի Մալիշկա համայնքի ՀՀԿ-ական գյուղապետ Մհեր Մովսիսյանը թեեւ ամիսներ առաջ հրաժարական տվեց՝ մեկնաբանելով, որ չի ուզում գյուղում անախորժություններ լինեն, այնուամենայնիվ այս համայնքում կրքերը չեն հանդարտվում։

Սեպտեմբերին Մալիշկայի բնակիչները պահանջում էին գյուղապետ Մհեր Մովսիսյանի հրաժարականը, եւ չնայած վերջինս պնդում էր, որ իր դեմ բողոքի ակցիա շատ քչերն են անում, այնուամենայնիվ թողեց պաշտոնը։

Օրերս գյուղի բնակիչներից մեկը՝ Գարիկ Հակոբյանը, որն, ըստ էության, Մհեր Մովսիսյանի համակիրներից է, «Հայկական ժամանակ»-ի հետ զրույցում պատմեց, որ Մալիշկա համայնքի նախկին ղեկավարը հրաժարական տվեց բողոքի ակցիաներից հետո՝ ուղղակի չուզենալով հակառակ գնալ հրաժարական պահանջող մարդկանց կամքին, բայց հրաժարականից հետո էլ մինչ օրս հրահրումներ կան նախկին գյուղապետի դեմ։ Հակոբյանը չմանրամասնեց՝ մասնավորապես ինչ հրահրումների մասին է խոսքը, բայց ասաց, որ ինչ-որ անձինք, որոնք ներկայանում են հեղափոխականներ, ամեն առիթ օգտագործում են կոնֆլիկտ ստեղծելու համար, իսկ այդ մարդկանց աջակցում է Վայոց Ձորի փոխմարզպետ, ՔՊ-ական Ռազմիկ Տոնոյանը։

Կոնֆլիկտային իրավիճակն, ամենայն հավանականությամբ, պայմանավորված է հենց այս հանգամանքով, որ առաջիկայում՝ փետրվարին, Մալիշկայում տեղի են ունենալու համայնքի ղեկավարի արտահերթ ընտրություններ, իսկ նախկին գյուղապետը եւս ցանկություն ունի առաջադրվել։

Վայոց Ձորի փոխմարզպետ Ռազմիկ Տոնոյանը, սակայն, մեր զրույցում հերքեց Հակոբյանի խոսքերը՝ նշելով, որ «Քաղաքացիական պայմանագիրը» նման գործելաոճ չունի․

«Դրանք կեղծ լուրեր են։ Մենք անգամ դեռ չենք քննարկել՝ կուսակցությունն իր թեկնածուին առաջադրելու է առաջիկա ընտրություններում, թե ոչ։ Ովքեր էլ առաջադրվեն՝ գյուղացիներն ազատ են լինելու ընտրելու նրան, ում իրենք կցանկանան։ Թող գնան, եթե ուզեն՝ նախկին գյուղապետին ընտրեն»,-ասաց փոխմարզպետը՝ հավելելով, որ եթե փաստեր կան, թող փաստերով խոսեն։

Գյուղի մեկ այլ բնակիչ, որը ինչ-ինչ պատճառներով խնդրեց չհրապարակել իր անունը, մեր զրույցում ասաց, որ Մալիշկա գյուղը կարծես բաժանվել է երկու խմբի, եւ այդ երկու կողմերից էլ իրար դեմ լարված իրավիճակ են ստեղծել։ Մեր աղբյուրի փոխանցմամբ՝ մի կողմից նախկին գյուղապետը տարբեր շրջանակներում հայտարարել է, որ դեռ վերադառնալու է, ու հարցեր լուծի, հեղափոխականների անվան տակ հանդես եկող մի խումբ մարդիկ էլ մյուս կողմից են ցեխ շպրտում այդ մարդկանց վրա։

«Հայկական ժամանակ»-ին չհաջողվեց կապ հաստատել նախկին գյուղապետ Մհեր Մովսիսյանի հետ, քանի որ առկա հեռախոսահամարն անհասանելի էր, իսկ մեր աղբյուրի փոխանցմամբ էլ՝ Մովսիսյանը փոխել է հեռախոսահամարը։

Հիշեցնենք, որ Մհեր Մովսիսյանը որպես մեղադրյալ է ներգրավված մի քանի քրեական գործերով։

Նախ՝ ոստիկանության կոռուպցիայի եւ տնտեսական գործունեության դեմ ուղղված հանցագործությունների հակազդման վարչությունից նախորդ տարվա հունիսի 27-ին հայտնել են, որ Մովսիսյանը, իր պաշտոնեական դիրքը ծառայության շահերին հակառակ օգտագործելով, իր կնոջը եւ երկու որդիներին ձեւակերպել է Մալիշկայի համայնքապետարանի ենթակայության տակ գտնվող մարզադպրոցում՝ որպես մարզիչներ, սակայն վերջիններս փաստացի չեն հաճախել աշխատանքի եւ ամսական ստացել են ընդհանուր 800.000-900.000 դրամ:

Պարզվել է նաեւ, որ 2016-2017թթ. ընթացքում Մալիշկայի համայնքապետարանի ընթացիկ նորոգման եւ պահպանման համար դուրս է գրվել շուրջ 29.000.000 դրամ, սակայն իրականում աշխատանքները կատարվել են մասնակի, ինչի արդյունքում Մալիշկա համայնքի ղեկավարի կողմից յուրացվել են խոշոր գումարներ:

Նախորդ տարվա հուլիսի 17-ին էլ հատուկ քննչական ծառայությունը մեղադրանք է առաջադրել նախկին գյուղապետին այն բանի համար, որ նա, ըստ ՀՔԾ տեղեկությունների, 2017 թվականի խորհրդարանական ընտրություններից առաջ ընտրակաշառք է բաժանել գյուղում՝ դրա համար թեկնածուից ստանալով 13 միլիոն դրամ։ Մովսիսյանն ապահովել է 800 ձայն, թեկնածուին վերադարձրել է 5 միլիոն դրամ։

Այս տարվա ՏԻՄ արտահերթ ընտրությունները տեղի են ունենալու փետրվարի 17-ին։ Այս պահին Մալիշկա համայնքի ղեկավարի ժամանակավոր պաշտոնակատարը Գալուստ Դովլաթյանն է։ Նրանից առաջ ԺՊ է նշանակվել եւ հրաժարական տվել նախկին գյուղապետի դեմ բողոքի ակցիա իրականացրած ոմն Հունան Հունանյանը։

Տպել
2409 դիտում

Սուրեն Պապիկյանն ընտրվեց ՔՊ վարչության նախագահ

«Քաղաքացիական պայմանագրի» վարչության նոր կազմը հայտնի է. գլխավորում է Նիկոլ Փաշինյանը

Եթե ԱՄՆ-ն պատժամիջոցներ կիրառի մենք էլ պատասխան կտանք. Չավուշօղլու

Թթուջուր գյուղի անասնագոմերից մեկում հրդեհ է բռնկվել

Դավիթ Տոնոյանն այցելել է ԶՈւ մարտական հենակետերից մեկը

Պատահական հանդիպում մեր ստերջացրած շնիկների հետ. Հայկ Մարությանը տեսանյութ է հրապարակել

Հաշվարկ ենք անում. Ալեն Սիմոնյանը ՔՊ կուսակցության համագումարից լուսանկար է հրապարակել

Ծեծկռտուք Երևանի փաբերից մեկում. մեկ հոգի ձերբակալվել է, մեկն էլ հոսպիտալացվել (տեսանյութ)

«Քաղաքացիական պայմանագիր» կուսակցության անդամները սպասում են հաշվարկի ավարտին

ԵՄ-ն իրականացնելու է ՀՀ հյուսիսային 3 մարզերում զբոսաշրջության խթանման 13 մլն եվրո արժողությամբ ծրագիր

Հանդիպել են Նիկոլ Փաշինյանն ու Սամվել Կարապետյանը (տեսանյութ)

Շիրակի մարզի Փանիկ գյուղում ներգործության է ենթարկվել 1 կարկտավտանգ ամպ

Սևանա լճում հանգիստ նախընտրողները կարող են արդեն օգտվել Ալմաստ (Երևան)–Շորժա էլեկտրագնացքից

Առաջիկա 5 օրերին կեսօրից հետո ՀՀ տարածքում սպասվում է անձրեւ, ամպրոպ, տեղ-տեղ կարկուտ

Արդարադատության նոր նախարարի թեկնածուների վերաբերյալ վերջնական որոշում չկա. Ավինյան

Հալիձոր գյուղում սողանք է եղել, փակել Որոտան գետի հունը. «Սատանի կամուրջ» այցն արգելված է

Երեկոյան ՔՊԿ համաժողովը կներկայացնի նախագահի թեկնածուին. վարչության անդամների ընտրություններն ընթանում են

Քաղաքապետարանը տրասնպորտային նոր ցանցի նախագծի վերջնական փաթեթն ուղարկել է կառավարություն

Չեմ ողջունում Ռուսաստանի դեսպանի հանդիպումը Քոչարյանի հետ. Արարատ Միրզոյան

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում