Վահագն Հարությունյանին կալանավորելու որոշումը կբողոքարկվի. պաշտպանն ակնհայտ իրավունքի խախտում է նկատել

Մարտի 1-ի գործով քննչական խմբի նախկին ղեկավար, այս գործով որպես մեղադրյալ Վահագն Հարությունյանի պաշտպանը «ՀԺ»-ից է տեղեկացել, որ իր պաշտպանյալին կալանավորելու որոշում է կայացվել:

Այսօր գրել էինք, որ դեկտեմբերի 30-ին Երեւան քաղաքի ընդհանուր իրավասության դատարանը (Ավան եւ Նոր Նորքի նստավայր) Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու որոշում է կայացրել: Այսպիսով՝ դատարանը բավարարել է նախաքննական մարմնի միջնորդությունը՝ Հարությունյանին կալանավորելու վերաբերյալ: Մեր տեղեկություններով որոշումը կայացրել է դատավոր Արտուշ Գաբրիելյանը:

Մեր զրույցում պաշտպան Միհրան Պողոսյանն ասաց, որ ինքը դատարանից որեւէ ծանուցում չի ստացել ակնկալվող դատական նիստի մասին, ըստ նրա՝ նույնիսկ փորձ չի կատարվել իր հետ կապ հաստատելու: «Ես այդ ամենի մասին ծանոթացել եմ այսօր՝ ձեր կայքում հրապարակված տեղեկություններից: Քանի որ նախորդ տարվա վերջում տեղեկություններ հրապարակվեցին իմ պաշտպանյալի մեղադրանքը լրացնելու վերաբերյալ, մենք այսօր առավոտյան որպես առաջին աշխատանքային օր, կապվել ենք քննիչի հետ, որպեսզի մեզ հասանելիք փաստաթղթերը տրամադրվի մեզ եւ մենք պատրաստվենք դատական նիստին: Ամբողջ օրը չստացվեց քննիչի զբաղվածության պատճառով տվյալ փաստաթղթերը մեզ տրամադրել: Այսօր երեկոյան տեղեկացա, որ դեկտեմբերի 30-ին արդեն իսկ միջնորդության քննությունը տեղի է ունեցել եւ որոշում է կայացվել կալանավորումը որպես խափանման միջոց կիրառելու մասին: Այսինքն՝ այս պահի դրությամբ մենք ոչ միայն չունենք այդ դատարանի որոշումը, այլ նաեւ չունենք այն նյութերը, թե ինչի հիման վրա է նման որոշում դատարանը կայացրել: Այս պարագայում կրկին գործ ունենք այն արատավոր պրակտիկայի հետ, երբ ՀՀ դատարանները որոշակի հասարակական հնչեղություն պարունակող քրեական գործերով առանց պաշտպանական կողմի իրավունքի կամ այլ անձանց իրավունքի իրացման հնարավորություն ընձեռնելու ուղղակի կնիքում են վարույթն իրականացնող մարմնի ներկայացրած միջնորդությունները»,- ասաց Պողոսյանը: Նրա խոսքով՝ սա պաշտապանական իրավունքի ակնառու եւ կոպիտ խախտում է, քանի որ, ըստ նրա, Քրեական դատավարության օրենսգրքով, երբ քննության է առնվում հետախուզման մեջ գտնվող մեղադրյալի նկատմամբ կալանավորումը որպես խափանման միջոց կիրառելու միջնորդությունը, ապա դրա քննարկումը իրականացվում է պաշտպանի պարտադիր մասնակցությամբ: Մեր հարցին ի պատասխան Միհրան Պողոսյանն ասաց, որ բողոքարկելու են դատարանի այս որոշումը, քանի որ պաշտպանական իրավունքի ակնհայտ կոպիտ խախտում է տեղի ունեցել: «Այս պահին արձանագրում ենք, որ մենք դատարանի գործողությունների պատճառով զրկվել ենք արդյունավետ պաշտպանվելու իրավունքից»,- ասաց Վահագն Հարությունյանի պաշտպանը:

Վահագն Հարությունյանի մեղադրանքը ՀՀ հատուկ քննչական ծառայությունը լրացրել է երկու նոր մեղադրանքներով: Մասնավորապես, Հարությունյանը որպես մեղադրյալ է ներգրավվել ՀՀ Քրեական օրենսգրքի 308–րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) եւ 309-րդ հոդվածի 2-րդ մասով (Պաշտոնեական լիազորություններն անցնելը, որը զուգորդվել է բռնությամբ, զենք կամ հատուկ միջոցներ գործադրելով): Վահագն Հարությունյանը ավելի վաղ որպես մեղադրյալ է ներգրավվել նաեւ Մարտի 1-ի գործով կարեւոր ապացույցներ կեղծելու համար: Նրա նկատմամբ հետախուզումը չի դադարեցվել:

Տպել
914 դիտում

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ

Հայաստանում հաստատվել է կորոնավիրուսով վարակվելու 1174 նոր դեպք. մահացել է 21 մարդ

Մշակույթի գործիչները նամակ հանձնեցին ՌԴ դեսպանատուն

Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին. ՄԻՊ

Զինված ավազակային հարձակում Արարատի մարզում. թալանել են բենզալցակայանը

Աշտարակ-Ագարակ ավտոճանապարհին այրվել է ավտոմեքենա

Ազատության հրապարակից մեկնարկել է մտավորականների և արվեստագետների երթը դեպի ՌԴ դեսպանատուն

«Աստղիկ» ԲԿ-ում ռումբի տեղադրման մասին կեղծ ահազանգ է եղել

2020 թվականի դիվանագիտական ձախողումը հենված է բանակցային ողջ նախորդ ժամանակաշրջանի դիվանագիտական ձախողումների վրա

Սիսիան-Գորիս ավտոճանապարհը դժվարանցանելի է, Սյունիքի մարզում ձյուն է տեղում

Հրդեհ Վերին Անտառային փողոցում․ կան տուժածներ, այդ թվում՝ 8 ամսական եւ 3 տարեկան երեխաներ