Երեւանի N17 հատուկ դպրոցում տնօրենի նոր մրցույթ կանցկացվի. մինչ այդ կփոխվի պաշտոնակատարը

Երեւանի համար 17 հատուկ դպրոցի տնօրենի թափուր պաշտոնի մրցույթի արդյունքները չեղյալ են արվել: Առաջիկայում, այս էլ արդեն որերորդ անգամ, պետք է անցկացվի տնօրենի նոր ընտրություն:

Կրթության եւ գիտության նախարարի խորհրդական Գոհար Մամիկոնյանը մեզ հետ զրույցում ասաց, որ պատճառը մրցույթի ընթացակարգի խախտումն է: Դպրոցի տնօրենի պաշտոնակատարը հավակնորդներից մեկին՝ Նելի Պարոնյանին, չի տրամադրել հաստատության կանոնադրությունը, որն անհրաժեշտ է մրցույթին նախապատրաստվելու եւ դպրոցի զարգացման ծրագիր կազմելու համար: Այդ մասին թեկնածուն ասել էր մրցույթի ընթացքում, երբ ներկայացրած զարգացման ծրագիրը խորհրդի անդամների մոտ որոշակի տարակուսանք էր առաջացրել:

Նելի Պարոնյանն այն ժամանակ շեշտել էր, որ չի բողոքում: Հետագայում դա պնդել է նաեւ նախարարությունում: Հատուկ դպրոցի տնօրենի պաշտոնակատար Մարիետա Ավետիսյանը, մրցույթի օրը պատասխանելով մեր հարցին, վստահեցրել էր, որ ինքը տրամադրել է բոլոր այն տվյալները, որոնք թեկնածուն պահանջել է: Նույնը ավել ուշ հայտարարել է նաեւ նախարարությունում: Ամեն դեպքում այստեղ եզրակացրել են, որ հավակնորդի իրավունքները խախտվել են: Նախարարության ներկայացուցիչը, որը հետեւում էր դեկտեմբերի 12-ին անցկացվող այդ մրցույթի ընթացքին, տվել է բացասական եզրակացություն: Նաեւ որոշվել է, որ պետք է հայտարարվի նոր մրցույթ:

Նախորդ մրցույթին մասնակցում էին երեք թեկնածու՝ գրեթե մեկ տարի դպրոցը ղեկավարած Վերգինե Եսայանը, փոխտնօրեն Հայարփի Մինասյանը եւ N37 հիմնական դպրոցի նախկին տնօրեն Նելի Պարոնյանը: Վերջինը ստացել էր 0 ձայն: Մյուս երկու հավակնորդների միջեւ խորհուրդը չէր կարողացել ընտրություն կատարել եւ հայտարարվել էր, որ այդ իրավունքը պետք է փոխանցվի նախարարին:

ԿԳ նախարարի խորհրդականի տեղակացմամբ, այս ընթացքում քննարկվել է նաեւ, որ Պարոնյանը իրականում նպատակ չի էլ ունեցել ընտրվելու: Նախարարության համար անընդունելի է ներդրված թեկնածուների երեւույթը:

Մինչեւ Երեւանի համար 17 հատուկ դպրոցի տնօրենի թափուր պաշտոնի նոր մրցույթ հայտարարվելը եւ անցկացվելը նախարարի հրամանով նշանակվելու է տնօրենի նոր պաշտոնակատար: Նա լինելու է Մանկավարժական համալսարանի դասախոսներից մեկը եւ առաջիկա մրցույթին չի մասնակցելու:

Տպել
831 դիտում

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը

Խաբեությամբ տիրացել են Օրբելյանի 600 000 ԱՄՆ դոլարին. ոստիկանությունը քննություն է սկսել

111 երթուղու փոխարեն կլինի 42-ը. ներկայացվել է հասարակական տրանսպորտի նոր ցանցի վերջնական նախագիծը

Տիգրան Ավինյանը մասնակցեց էներգետիկ արդյունավետությանը և կայուն զարգացմանը նվիրված կլոր սեղանին

Դավիթ Տոնոյանն ընդունել է Միացյալ Թագավորության կառավարության փորձագետներին

Համայնքների սեփական եկամուտների գծով հավաքագրումներն աճել են 2 մլրդ 960 միլիոն դրամով