Կապանի ստադիոնը չի նորոգվում. սեփականատերը՝ ներկա վիճակի ու Վահե Հակոբյանի 6 մլն դրամ պարտքի մասին

Կապանի «Գանձասար մարզական կենտրոն» մարզադաշտում վերանորոգում չի իրականացվում: Այս մասին «Հայկական ժամանակ»-ի հետ զրույցում ասաց սեփականատեր Գագիկ Օհանջանյանը: Նախկինում Հայաստանի ֆուտբոլի ֆեդերացիայի նախագահ Արթուր Վանեցյանը հայտնել էր, որ մարզադաշտը կվերանորոգվի, գլխավոր քարտուղար Արմեն Մելիքբեկյանն էլ 2018-ի դեկտեմբերին կայացած իր ասուլիսում նշել էր, որ եռակողմ բանակցություններ կան: Հույս էր հայտնել, որ արդյունքները դրական կլինեն եւ ասել, որ ֆեդերացիան խոտածածկի հարցում պատրաստ է օգնել, սակայն, Օհանջանյանի խոսքով, ամեն ինչ այնպես է, ինչպես նախկինում:

«Ոչ մի բան, բացարձակապես ոչ մի բան: Նույն վիճակում է: Ոչ մի բան էլ պարզ չէ՝ գալու են խաղան, թե ինչ են անելու: Մարզադաշտը սեփական է, ես ինչպե՞ս կարող եմ տալ, որ վերանորոգեն: Պետք է գան խոսեն, պայմանավորվեն, եթե առնում են, առնեն, եթե վարձակալում են... ոչ մի բան պարզ չէ»,- ասաց նա:

Օհանջանյանը նշեց, որ ֆեդերացիայից ոչ մեկ իր հետ չի հանդիպել: Ինքն էլ չի փորձել կապ հաստատել: Մարզադաշտը 2017 թ. փետրվարից որոկազրկված է, քանի որ ենթակառուցվածքները չեն համապատասխանում ՀՖՖ չափանիշներին. տրիբունաները, խոտածածկը, հանդերձարանները եւ սանհանգույցն անմխիթար վիճակում են: Նախկինում այնտեղ տնային հանդիպումներն էր անցկացնում «Գանձասար-Կապան» ֆուտբոլային թիմը, սակայն ստիպված տեղափոխվեց Երեւան: Օհանջանյանը համաձայն չէ մարզադաշտի վերաբերյալ ՀՖՖ կարծիքի հետ: Նշում է, որ խնդիրներ կան միայն տրիբունաների հետ կապված: Այդ հարցը լուծելու համար Կապանի նախկին քաղաքապետ Աշոտ Հայրապետյանի միջոցով առաջարկ է արել Սյունիքի նախկին մարզպես, «Գանձասար-Կապանի» նախագահ Վահե Հակոբյանին, սակայն արձագանք չի եղել:

«Դաշտը նորմալ վիճակում է: Մարզադաշտը վերանորոգման ենթակա չէ: Տրիբունաների հարցն է, այն էլ նախկին մարզպետը՝ Վահե Հակոբյանը, «Գանձասար մարզական կենտրոնին» գումար է պարտք: Մի քանի անգամ ասել եմ՝ այդ պարտքի փոխարեն, բերենք այդ նստարանները տեղադրենք, պրծնենք: Ու էլի ոչ մի բան չկա: Վարձակալության գումարը չի տվել: 3 ամսվա գումար չի տվել՝ 6 մլն դրամ: Խոսակցություն է եղել, իրենց ասել եմ, առաջվա քաղաքապետին՝ Աշոտ Հայրապետյանին, մի քանի անգամ ասել եմ՝ այդ գումարի տեղը բերեն տրիբունաները կարգավորեն, խաղերն այստեղ անցկացնեն: Սուտ բաներ են, որ դաշտը քանդված է, միայն խոսակցություններ են: Այսօր Հայաստանում այս խոտածածկի նման խոտածածկ չկա»,- ասաց Օհանջանյանը:

Սեփականատերը նշեց, որ, անկախ նրանից, որ մարզադաշտում խաղեր չեն անցկացվում, ինքը շարունակում է խնամել այն: Ասաց, որ ընկերների հետ միասին այստեղից-այնտեղից գումար են հայթայթում ծախսերը հոգալու համար:

ՀԺ-ն փորձեց վերանորոգման ծրագրերի հետ կապված մանրամասներ ճշտել Արմեն Մելքիբեկյանից: Նա ասաց, որ վերջին ասուլիսից հետո առանձնապես ոչինչ չի փոխվել: Նշեց, որ ավելի ուշ կկարողանա մանրամասներ ներկայացնել:

Տպել
902 դիտում

Կնոջ բերանը փակել են, ամուսնուն՝ դանակահարել․ ոստիկանները բացահայտել են ավազակային հարձակումը (տեսանյութ)

Մարգահովիտ գյուղի հարակից անտառում հնարավոր է ապօրինի ծառահատում է եղել

Տիգրան Ավինյանը ապրիլից 10 օրով արձակուրդ կգնա

Օֆշորային գործը վերաբացելուց հետո ՀՔԾ-ն փորձում է կապ հաստատել Միհրան Պողոսյանի հետ

«Վարդանանց» ԲԿ-ի Սևանի մասնաճյուղում համակարգչային շերտագրության ծառայություն է բացվել, Դիլիջանում՝ պոլիկլինիկա

Վթարվել է Ախթալայի ԼՀԿ-ի պոչատարը. պոչանքները փողոց են լցվել

Օրվա կադրը. կեծ-կեծ շագալաթ, շագալաթավ կաթ. սուրճի ապարատ՝ Կապանում

Տ. Ավինյանը և Լ. Մերեդիթին քննարկել են ՀՀ-ում էներգետիկ արդյունավետության բարձրացմանը վերաբերող հարցեր

Վարչապետը ծանր տպավորություն էր ստացել Ռանչպարից, քանի որ գյուղում մարդիկ կան, որ իրենց հողերը չեն մշակում․ գյուղապետ

Նիկոլ Փաշինյանը և Աննա Հակոբյանը դիտել են «44 աստիճանի վրա» ներկայացումը

Ներման խնդրանքով եմ դիմում Ձեզ. Վիտալի Բալասանյանը բաց նամակով դիմել է Բակո Սահակյանին

Ես ակամայից եմ հայտնվել այդ միջավայրում ու հնարավոր է լինեմ քաղաքականության մեջ. Մարիամ Փաշինյան

Արման Թաթոյանն այսօր այցելել է ՀՀ սահմանն ապօրինի հատած ադրբեջանցուն

Ա. Միրզոյանը գերմանացի գործընկերներին ներկայացրել է Բեռլինի դպրոցների դասագրքերում Հայոց ցեղասպանության անդրադարձի հարցը

Դպրոցի նորընտիր տնօրենն այսօր աշխատանքի է ներկայացել ոստիկանների ուղեկցությամբ. կրթօջախում մթնոլորտը լարված է

Այլևս ծնողներիս հետ չեմ մեկնի. Մարիամ Փաշինյանը պարզաբանում է՝ ինչու մեկնեց Բրյուսել կառավարական ինքնաթիռով

Հայկ Մարությանը շնորհակալություն է հայտնել Օպերայի սրճարաններն ապամոնտաժած անձնակազմին

Դավիթ Տոնոյանը ԿԽՄԿ պատվիրակության ղեկավարի հետ քննարկել է Կարեն Ղազարյանի ճակատագիրը

Ինձ անվստահություն հայտնելու հարցը վաղվա օրակարգ ես եմ բերել. Լեւոն Բարսեղյան

Մայրս պնդեց՝ ինչպես յուրաքանչյուր մայր կուզեր նշել դստեր 20-ամյակը. Մարիամ Փաշինյանը՝ ծննդյան խնջույքի մասին