Լավատեսական. մինչեւ մայիս գազը չի թանկանա

10/01/2019 schedule16:35

Տպագրվել է «Հայկական Ժամանակ» օրաթերթի՝ 2006 թվականի հունվարի 10-ի համարում

Դեռեւս Ամանորի նախաշեմին ՀՀ ռազմավարական գործընկեր Ռուսաստանը հայտարարեց, որ հունվարի 1-ից բարձրացնելու է Հայաստանին մատակարարվող գազի գինը: Սպասվում է, որ արդեն այս ամսվա վերջին կստորագրվի այն պայմանագիրը, որի համաձայն, Հայաստանը 1000 խմ գազի դիմաց նախկին 55 դոլարի փոխարեն կվճարի 110 դոլար: Եւ չնայած մեր իշխանությունները ժողովրդին դեռեւս մխիթարում են` ասելով, թե գազի սակագնի շուրջ բանակցությունները դեռ շարունակվում են, չափազանց մեծ է հավանականությունը որ ռուսական կողմը գնի մասով որոշումն արդեն կայացրել է: Նշենք, որ հարեւան Վրաստանը հունվարի 1-ից ռուսական գազը արդեն գնում է հենց այդ գնով: Բացառված չէ, սակայն, որ Հայաստանն էլ արդեն մտել է նույն գնային ռեժիմի մեջ եւ հունվարի 1-ից հետո սպառած յուրաքանչյուր 1000 խմ գազի համար վճարի 110 դոլար:

Այս հարցը, սակայն դեռեւս մնում է առկախված: Համենայնդեպս, «Հայռուզգազարդ» հայ-ռուսական համատեղ ընկերությունում չցանկացան մասնավորեցնել, թե հունվարի 1-ից մինչեւ վերջնական համաձայնագիրը ստորագրելու պահը մատակարարված գազի դիմաց ինչ գին է վճարելու Հայաստանը: Պատճառը, ինչպես նշեցինք, դեռեւս ընթացող բանակցություններն են: Դրանք հայկական կողմից վարում է հիմնականում «Հայռուսգազարդի» գործադիր տնօրեն Կարեն Կարապետյանը: Բանակցությունները, սակայն պարուրված են անորոշությամբ: Համենայնդեպս, հայտնի է միայն այն, որ հայկական կողմը վերջին ճիգերն է գործադրում է գազի սակագինը նվազեցնելու ուղղությամբ: Առայժմ` ապարդյուն: Իսկ քննարկվող մյուս հարցը արդեն թանկացած գազի դիմաց վճարման մեխանիզմն է:

Դեռեւս անցած տարի տեղեկություններ էին շրջում, որ ավելացված գինը փոխհատուցելու համար ռուսական կողմը Հայաստանին կարող է վարկ տրամադրել, որը ՀՀ-ն կփոխհատուցի գույքով, մասնավորապես` պարտքի դիմաց Ռուսաստանին կտրամադրվի մեր մեծ էներգետիկայի վերջին մոհիկանը` Որոտանի կասկադը: Սակայն սա միակ տարբերակը չէ, որ քննարկվում է բանակցությունների ընթացքում: Իսկ այս պահին միակ «մխիթարող» հանգամանքն այն է, որ առնվազն մինչեւ ապրիլ-մայիս ամիսները հայաստանցի սպառողներին մատակարարվող գազի գինը չի թանկանա: Բանն այն է, որ սպառողներին մատակարավող գազի գնի հնարավոր փոփոխությունից առնվազն 90 օր առաջ «Հայռուսգազարդը» պետք է հայտ ներկայացնի Հանրային ծառայությունները կարգավորող հանձնաժողով:

Հանձնաժողովից տեղեկացանք, որ «Հայռուսգազարդից» դեռեւս հայտ չի ստացվել: Դա, ամենայն հավանականությամբ, տեղի կունենա առաջիկա մեկ ամսվա ընթացքում, երբ կստորագրվի գազի նոր գնի վերաբերյալ վերջնական համաձայնագիրը: Ինչ վերաբերում է Վրաստանի տարածքով գազի տարանցման վճարի փոփոխությանը, ապա տարանցման վճարումները կատարում է մատակարար կողմը, այսինքն` «Գազէքսպորտ» ընկերությունը: Իսկ հույսերը, թե ռուսները կարող են փոխել Հայաստանին մատակարարվող գազի գնի վերաբերյալ կայացրած որոշումը, թերեւս պայմանավորված է ռուս-ուկրաինական «գազային պատերազմի» արդյունքով:

Հիշեցնենք, որ ՌԴ-ն նույնքան հաստատակամ էր Ուկրաինային մատակարարվող գազի գինը 230-250 դոլար դարձնելու հարցում: Սակայն ինչ-որ «հրաշքով» Ուկրաինան գազը գնելու է 95 դոլարով: Այսպիսով, երկնագույն վառելիքի դիմաց նարնջագույն հեղափոխության հայրենիքը ավելի էժան է վճարելու, քան ՌԴ-ի ռազմավարական գործընկեր Հայաստանը, որի ղեկավարը Պուտինի հետ վերջին հանդիպման ժամանակ` գազի գնի վերաբերյալ քննարկումներից հետո գարեջուր էր խմում: Ավելի ճիշտ` պտտեցնում էր գարեջրի գավաթը:

Գառնիկ Գեւորգյան

Տպել
773 դիտում

Յունիբանկը բարձրացրել է «Ճկուն» ավանդի տարեկան տոկոսադրույքը մինչև 9%

ՀՀ-ն Մինսկ 2019-ի թիավարությունում որակազրկվել է մարզչի թերացման պատճառով

Իմ քվեն տեխնիկական պատճառով գրանցվել էր դեմ և ոչ թե կողմ. Ռուբեն Ռուբինյանը՝ ՌԴ-ի ԵԽԽՎ վերադառնալու մասին

ՌԴ և Վրաստանի հարաբերությունների վատանալու համար մեղավոր են իշխանությունները. Բուրջանաձե

Ո՛չ Ռոբերտ Քոչարյանը, ո՛չ նրա պաշտպանական խմբի անդամները չեն մասնակցի այսօրվա դատական նիստին. հայտարարություն

Դանակահարություն Արաբկիր վարչական շրջանում. մեղադրանք է առաջադրվել 32-ամյա տղամարդուն

Մանվել Գրիգորյանի պաշտպանը միջնորդեց գործը քննել դռնփակ. դատարանը մերժեց

Լոռու մարզում կինը ձեռքերով սեղմել է անչափահաս դստեր պարանոցին և խեղդամահ անելով սպանել նրան. ՔԿ

Սյունիքի մարզի Գորայքում արտահերթ ընտրություններ տեղի կունենան. փակել են միջպետական ճանապարհը, լարված իրավիճակ է

ԱԺ-ն երկրորդ ընթերցմամբ և ամբողջությամբ ընդունեց Հարկային օրենսգրքի փոփոխությունների փաթեթը

ՀՀ պաշտպանության նախարարի գլխավորած պատվիրակությունը մասնակցում է միջազգային ռազմատեխնիկական համաժողովին

Մանվել Գրիգորյանի ինքնազգացողությունը վատացավ. պաշտպանը խնդրեց, որպեսզի բժիշկը նրան թթվածին տրամադրի

ՄԱԿ-ը հարցեր է հղել Թուրքիային 1915-1923թթ. բռնի տեղահանված հայերի ճակատագրի և նրանց վախճանի մասին

Մանվել Գրիգորյանը քիչ առաջ անվասայլակով բերվեց դատարան

Վարչապետը Մասիսում ներկա է գտնվել Ֆրանկոֆոնիայի զբոսայգու և ընտանեկան մարզահամալիրի բացման արարողությանը

Հանուն ձեր մայրերի և քույրերի, եղե՛ք միմյանց նկատմամբ խնամքով, պատասխանատու և զգոն. Աննա Հակոբյանը՝ զինծառայողներին

Ավարտվեց Կոպա Ամերիկա 2019-ի խմբային փուլը

Իտալիան կընդունի 2026 թ. ձմեռային օլիմպիական խաղերը. ՄՕԿ-ը 925 մլն դոլար կտրամադրի

ՀՀ-ն Վրաստան-Ռուսաստան լարվածությունը հանելու համար պատրաստ է երկկողմ օդային ուղեւորափոխադրում իրականացնել. Ճաղարյան

Ստորագրվել է 35 որոշում՝ մաքսային գործի տարբեր բնագավառների վերաբերյալ. ՊԵԿ