Իջեւանի մանկապարտեզների աշխատակիցները բողոքում են, որ աշխատելու են մեկ ժամ ավելի

Իջեւանում գործող մանկապարտեզների աշխատակիցներից ահազանգեր ենք ստացել, որ այս տարվա սկզբից քաղաքապետարանը պարտադրում է աշխատել մեկ ժամ ավելի, իսկ հավելյալ վարձատրություն չի առաջարկում:

«Մեր աշխատաժամերը ավելացրել են՝ առանց աշխատավարձի բարձրացման: Օրինակ՝ Դիլիջանի մանկապարտեզներում աշխատում են ժամը 08:30-17:30-ը, բայց վարձատրվում են 78 000-80 000 դրամ: Իջեւանում մինչեւ հիմա աշխատել ենք ժամը 08:30-16:30-ը, իսկ հիմա՝ ժամը 08:30-17:30-ն են դարձրել: Ստանում ենք 55 հազար դրամ: Մեկը ես՝ աշխատում եմ կրտսեր խմբում՝ որպես դայակ: Պետք է երեք տարեկանից սկսած ինքնուրույն երեխաներ ընդունեն, բայց 2.5 տարեկանից ընդունում են, որ լրիվ պամպերս հագնող երեխեք են, բայց ես վարձատրվում եմ մյուս խմբերի պես»,

«Մեր գործընկերներից գնացել են քաղաքապետարան: Քաղաքապետի քույրը, որը մանկապարտեզների հետ է աշխատում, շատ կոպիտ պատախանել է՝ գնացեք, ես ժամանակ չունեմ ձեզ ընդունելու, սպիտակ թղթերը դրված են, ով չի ուզում աշխատել, թող դիմում գրի, դուրս գա: Քաղաքապետն էլ ասել է՝ հենց էդպես էլ լինելու է, բյուջե չունեմ, ով ուզում է, թող գնա աշխատի, ով չի ուզում, թող դուրս գա: Բա էդպիսի բա՞ն են անում: էստեղ մարդիկ կան, երկարամյա ստաժ ունեն, նման աշխատողներին կարելի՞ է այդպես պատասխանել եւ ուղարկել տուն»,

«Մենք որոշել էինք, որ այսօր գործադուլ անենք, ոչ մի երեխա չընդունենք, բայց չստացվեց: Չգիտեմ՝ վաղվա դրությամբ ինչ կանենք»,

«Այս քանի տարի է՝ աշխատավարձի բարձրացում չենք տեսնում: Քանի ահազանգում ենք՝ ասում են՝ բյուջե չունենք, չենք կարող: Բայց անընդհատ ընդունում են մարդիկ կես դրույքով՝ 27 հազար, 35 հազար դրամ աշխատավարձով, ու ասում են՝ բյուջե չունենք: Ընդունում են սոցաշխատող, հոգեբան, ռուսերենի մասնագետ, պարուսույց, նկարչություն, բայց որ ասեմ՝ այդ մարդիկ զբաղվում են իրենց աշխատանքով, ոչ: Մեզ նման չեն չարչարվում: Մենք խմբերի աշխատողներ ենք, կոնկրետ դաստիարակ եւ դայակներ ենք: Եվ մենք պահանջում ենք՝ հերիք է, ինչքա՞ն է մեր ինքնասիրությունը վիրավորվելու, ուզում ենք, որ այդ հարցը քննարկման դրվի, հաշվի առնեն մեր չարչարանքը: Ամեն խմբում 30 երեխա կա: Նախկինում՝ ավելի շատ են եղել»,

«Բողոք չունենք կոնկրետ քաղաքապետի կամ ինչ-որ անձի դեմ, պարզապես ուզում ենք մի հատ վերանայվի, այդ հարցին լուծում տրվի: Ես չգիտեմ՝ ինչի տեղ են մեզ դնում, ի վերջո մանկավարժ ենք, դաստիարակ ենք: Մարդիկ իրենց երկու երեխայի հետ չեն կարողանում տանը հարմարվել, մենք կրթում ենք, դաստիարակում ենք եւ՝ բարեխղճորեն: Անգամ մեզ ասում են, ընդմիջման ժամը կա, բայց ձեզ չի հասնում, որ դուք բացակայեք խմբից, ոչ մի աշխատող ոչ մի երեխայի չի թողնում հենց էնպես եւ դուրս գալիս»,

«Դաստիարակներն աշխատում են առանց հերթափոխի: Ու դուք պատկերացնում եք՝ մենք արդեն ինչքան սպառված ենք լինում, որ կոնկրետ հասնում ենք տուն ու սեփական երեխայի կրթության խնդիրներով արդեն էլ չենք կարողանում զբաղվել: Ամբողջ օրը այդ երեսուն երեխայի հետ, ու այսպես մեր ինքնասիրությունը վիրավորում են: Վերջապես ինչքան լռենք, ինչքան կարելի է»,- միմյանց շարունակելով՝ ասում էին Իջեւանում աշխատող դաստիարակներն ու դայակները՝ անունները հրապարակել չցանկանալով:

Ու որքան էլ դժգոհում էին քաղաքապետարանում ստացվող կոպիտ վերաբերմունքից, որոշակի պարզաբանումներ նրանց տրվել են: Նաեւ ասել են, որ դաստիարակների աշխատավարձը փոքր-ինչ կբարձրանա: «Իրենք ասում են՝ կարող է դաստիարակի աշխատավարձը չնչին չափով՝ 5-6 հազարով բարձրացնեն: Բա էն դայա՞կը ինչ անի: Դայակն էլ բողոքում է, ասում է՝ ես 16:30-ին իմ գործը ավարտելու եմ, գնամ: Երեխաների հոգսերը դաստիարակը կարո՞ղ է միայնակ հոգալ»,- ասաց դաստիարակներից մեկը:

Իջեւանի քաղաքապետարանի աշխատակազմի քարտուղար Բորիս Թանանյանը մեզ հետ զրույցում ասաց, որ մանկապարտեզներում աշխատանքային օրը մեկ ժամով երկարաձգելը քաղաքային իշխանությունների նախաձեռնությունը չէ: Կրթության տեսչական մարմինը քաղաքապետարանում աշնանն անցկացրած ուսումնասիրությունների ընթացքում հայտնաբերել է, որ Իջեւանում գործող մանկապարտեզներում ամբողջությամբ չեն պահպանվում Աշխատանքային օրենսգրքի պահանջները: «Այսինքն «Աշխատանքային օրենսգրքի» խախտում է լինում, եթե 8 ժամ անընդմեջ աշխատելով՝ ընդմիջում չի ունենում մարդ»,- ասաց քաղաքապետարանի պաշտոնյան: Ու հիմա փաստորեն, աշխատաժամանակը մեկ ժամով երկարաձգվել է, որպեսզի մանկապարտեզի աշխատողները նաեւ ընդմիջում ունենան: Բայց միեւնույն է, ինչպես նախկինում, այժմ էլ այդ ընդմիջումը լինելու է երեխաների մոտ մնալով: «Երեխաների հետ դաստիարակի ընդմիջումը համարվում է ընդմիջում»,- պարզաբանել է կրթության տեսչական մարմնի աշխատակիցը:

Ինչ վերաբերում է աշխատավարձին, այս առումով նույնպես բացթողումներ են հայտնաբերվել: Կրթության եւ գիտության նախարարի 2017 թվականի նոյեմբերի 16-ի N1318-Ն հրամանով ամրագրվում է, որ մանկապարտեզներում դաստիարակի հաստիքային միավորը մեկ խմբի հաշվարկով պետք է լինի 1.2: Բայց նրանց աշխատավարձը հաշվարկվել է 1 միավորով, ինչպես նախատեսվում է դայակների դեպքում՝ ըստ նույն հրամանի: «Արդեն այս տարվանից ավագանու որոշմամբ այդ հաստիքային միավորները ճշտվել են, հաստիքացուցակները այդպես էլ կազմվել են, իսկ աշխատաժամանակը սահմանվել է մինչեւ 17:30-ը»,- նշեց Իջեւանի քաղաքապետարանի աշխատակազմի քարտուղարը: Իսկ թե հաստիքային միավորների վերանայման արդյունքում դաստիարակների աշխատավարձը որքանով կբարձրանա, նա դժվարացավ ասել:

Տպել
2264 դիտում

ԱԺ նախագահը հանդիպել է ԱՄՆ կոնգրեսականների հետ

Սիրիայի Մեծ Մուֆթին շնորհակալություն է հայտնել Հայաստանին հումանիտար օգնության համար․ ԱԳՆ

Երեւանում ընթացող Եվրո 2019-ում ՀՀ-ն այլեւս շանսեր չունի, կիսաեզրափակչի 1-ին մասնակիցը Ֆրանսիան է

Երբ ինքնաթիռի սրահում ծուխ լցվեց, ուղևորները խուճապի մատնվեցին․ Մոսկվա-Երևան չվերթի ողևոր (տեսանյութ)

Վերաքննիչը մերժել է Վահագն Հարությունյանին չկալանավորելու որոշման դեմ գլխավոր դատախազության բողոքը

ԲԴԽ անդամներն այսօր կհանդիպեն Դավիթ Գրիգորյանի հետ, քննարկելու՝ խուզարկությունն ինչպես է ազդել դատավորի անկախության վրա

Քաղաքապետարանը անորակ ճաքալցում արած ընկերությանը ստիպել է սեփական միջոցներով ասֆալտապատել փողոցը (տեսանյութ)

Իսկ «Հայանտառ» ՊՈԱԿ-ի տնօրենը կամ որոշ բարձրաստիճան պաշտոնյաներ տեղյակ չե՞ն եղել անտառահատումներից․ բնապահպան

Դատավոր Դավիթ Գրիգորյանի աշխատասենյակում քննչական գործողությունների վերաբերյալ տրվել է սուտ տեղեկություն․ պարզաբանում

Ջերմաստիճանը բարձր է լինելու․ ՀՀ-ում սպասվում է բարձր կարգի հրդեհավտանգ իրավիճակ

ԲԴԽ անդամ Նախշուն Տավարացյանի լիազորությունները չեն դադարեցվի. ԲԴԽ-ն հրապարակեց որոշումը

Մեկնարկում է «Մարդու իրավունքները և կանայք Հայաստանի զինված ուժերում» ծրագիրը․ հանդիպում ՊՆ-ում

Աննախադեպ. 3 հայկական թիմ Եվրոպա լիգայի որակավորման 2-րդ փուլում

Հայաստանը ցանկանում է բարձրացնել գյուղատնտեսության արտադրողականությունը․ քննարկում նախարարությունում

Օդանավից տարհանված ուղևորներից երկուսը գտնվում են մերձմոսկովյան Խիմկի քաղաքի հիվանդանոցում․ մանրամասներ

Շրջակա միջավայրին մեկ շաբաթում հասցվել է 3.8 մլն դրամի վնաս․ հաշվետվություն

ԻՆԵԿՈԲԱՆԿԸ հովանավորում է «ՍԵՎԱՆ ՍՏԱՐՏԱՓ ՍՏԱՐՏԱՓ ՍԱՄՄԻԹ 2019»-ը

Անտառի պահպանությունը ազգային անվտանգության հարց է․ Տավուշի ՀԿ-ների հայտարարությունը

13 անձ ձերբակալվել է, 11-ը որոնվում է․ ՔԿ-ն միջոցառումներ է իրականացնում Իջեւանում բախումների գործով

ՊՎԾ-ից եւ ՊԵԿ-ից ազատվել եմ իմ դիմումի համաձայն. Սոցապ ծառայության պետը մանրամասնում է վերջին ազատումների պատճառները