Վնասներ. թռչնագրիպի ֆինանսական հետեւանքները

11/01/2019 schedule15:25

Տպագրվել է «Հայկական Ժամանակ» օրաթերթի՝ 2006 թվականի հունվարի 11-ի համարում

Հարեւան Թուրքիայի արեւելյան շրջաններում տարածված թռչնագրիպի վարակի պատճառով առաջացած խուճապը կոնկրետ տնտեսական եւ ֆինանսական ազդեցություն է թողել նաեւ Հայաստանում: Հասարակության շրջանում արմատացած մտավախությունը բացասաբար է ազդել մեր տնտեսվարող սուբյեկտների, մասնավորապես՝ թռչնամիս եւ ձու արտադրող ընկերությունների վրա: Թռչնագրիպի վարակի մասին տեղեկատվության տարածումից հետո Հայաստանում եթե ոչ կտրուկ, ապա զգալիորեն նվազել են թռչնամսի եւ ձվի սպառման ծավալները: Չնայած դեռեւս ընկերությունները վերջնական հաշվարկներ չեն կատարել, թե բնեղեն եւ դրամական արտահայտությամբ որքան են կազմում իրենց կորուստները, սակայն միանշանակ է, որ բիզնեսի այս ոլորտը նոր տարին սկսել է վնասներով:

Ընդ որում, քանի դեռ շարունակվում է հավանական համարվել նաեւ Հայաստանում համաճարակի տարածման հնարավորությունը, մեր թռչնաֆաբրիկաների վնասները ավելանում են: Որքան էլ նրանք վստահեցնեն, թե իրենց ֆաբրիկաներում պահպանվում են սանիտարական բոլոր պայմաններն ու նորմերը եւ որեւէ համաճարակի տարածումը գործնականում բացառված է: Ընդ որում, այս ապրանքատեսակների սպառման ծավալները նվազել են ոչ միայն վերջին օրերին, այլեւ նախորդ տարվա հոկտեմբեր ամսին, երբ թռչնագրիպի դեպքեր արձանագրվեցին նաեւ Ռուսաստանում: Օրինակ՝ Հայաստանի ձվի շուկայում գրեթե 45 տոկոս սպառման տեսակարար կշիռ ունեցող «Լուսակերտի թռչնաֆաբրիկայի» (ԼԹՖ) արտադրած ձվի իրացումը այդ ժամանակ կրճատվել էր 3-5 %-ով, թռչնամսինը՝ 10-15 %-ով:

«Max Concern» ընկերության (որի կազմում է ԼԹՖ-ն) գործադիր տնօրեն Արմեն Վալյանն ասում է, որ գործնականում դժվար է ասել, թե հատկապես թռչնագրիպի շուրջ ծագած խուճապի պատճառով որքանով են նվազել թռչնամսի կամ ձվի իրացման ծավալները, քանի որ առկա են վաճառքի կրճատմանը նպաստող այլ գործոններ եւս: Բանն այն է, որ հունվարը համարվում է սննդամթերքի սպառման ծավալների կրճատման ամիս, քանի որ Ամանորից հետո նվազում է մարդկանց գնողունակությունը: Ավանդաբար թռչնամսի եւ ձվի շուկայում, ըստ պրն. Վալյանի, սպառման ծավալները դեկտեմբեր ամսի համեմատ նվազում են մոտ 3 անգամ:

Ինչ վերաբերում է թռչնաֆաբրիկայում եւ արտադրամասերում վարակի տարածման հնարավորությանը, ապա Արմեն Վալյանն ասում է, որ դա գործնականում բացառված է, քանի որ արդեն 3 ամիս է ընկերությունը գտնվում է կարանտինային ռեժիմում եւ թռչունները որեւէ կերպ չեն շփվում արտաքին աշխարհի հետ: Իսկ թե թռչնագրիպի շուրջ առաջացած խուճապի պատճառով որքանով նվազած կլինեն ընկերության արտադրանքի իրացման ծավալները, պարզ կլինի թերեւս փետրվարին: Իսկ որ նվազել են, թերեւս կասկածից վեր է: Այնուամենայնիվ, մինչեւ ընդհանրապես աշխարհում, եւ մասնավորապես՝ մեր տարածաշրջանում վերջնականապես չվերացվեն թռչնագրիպի օջախները,  թռչնամսի եւ ձվի արտադրությունը՝ որպես բիզնես կմնա կախված հասարակության տրամադրություններից: Նշենք, որ տարբեր հաշվարկներով տարեկան Հայաստանում սպառվում է 300-350 մլն. հատ ձու, իսկ թռնչամսի իրացման ծավալները հասնում են շուրջ 16 հազար տոննայի: 

Գառնիկ Գեւորգյան

Տպել
717 դիտում

Հրդեհ Արայի լեռան ստորոտում. այրվում է մոտ 1800 հա խոտածածկույթ

Արմավիրում հողային զանգվածի քանդման հետևանքով տեղի է ունեցել հողի դեգրադացիա. պատճառվել է 1.1 մլն դրամի վնաս

Քննարկել են բնակչության պաշտպանությանն ուղղված հարցեր. ԱԻՊԾ տնօրենն ընդունել է Արցախում ԿԽՄԿ առաքելության ղեկավարին

Այս տարի Սեւանա լճից 51 միլիոն խ/մ ջուր պակաս է բաց թողնվել. վարչապետ

«Կանեփ-կակաչ-2019» միջոցառման շրջանակում 2 օրում մոտ 2,5 տոննա բույս է ոչնչացվել (տեսանյութ)

Մի շարք համայնքներում գազամատակարարումը ժամանակավորապես կդադարեցվի

Խոշոր ավտովթար Վանաձորում. կան վիրավորներ (լուսանկարներ)

Փաստեր Նիկոլ Փաշինյանի կողմից հիշատակված ամերիկյան հանքի մասին

ԱՄՆ-ի նախագահը 10-րդ անգամ պապիկ է դարձել (լուսանկար)

Երեւանի քաղաքապետ Հայկ Մարությանը դատի է տվել Սոնա Աղեկյանին

92 մարտական հաշվարկ և 10 օպերատիվ խումբ երեկ պայքարել են ՀՀ տարբեր տարածքների 60 հրդեհները մարելու համար

Վրաերթ Երեւանում․ հետիոտնը փողոցը փորձել էր անցնել չթույատրված հատվածով

Արայի լեռան ստորոտի հրդեհը չի հաջողվում մարել. աշխատում է 82 հրշեջ-փրկարար, 75 բնակիչ, անտառի 18 աշխատակից

Արմավիրի մարզում ոստիկանության ուժեղացված ծառայության արդյունքում ձերբակալվել է շուրջ երեք տասնյակ մարդ

Երևանում և ևս 7 մարզում այսօր սպասվում են էլեկտրաէներգիայի անջատումներ

Հայաստան է այցելել ԱՄՆ Կանզաս նահանգի ազգային գվարդիայի պատվիրակությունը

Տիգրան Մանսուրյանի 80-ամյա հոբելյանին նվիրված «Մաեստրո Մանսուրյան» խորագրով համերգաշար կանցկացվի Երևանում

Դժվար է 37-ում շարունակել լինել ինքնուրույն ու մնալ միայնակ` չգնալով կոմպրոմիսի. Նազենի Հովհաննիսյան

Կոտայքում մեքենան ընկել է ձորը. հայտնաբերվել է ուղեւորներից մեկի՝ ՌԴ քաղաքացու մոխրացած դին

Ունենք ոստիկանություն, որը գործում է քաղաքական նպատակահարմարության սկզբունքից ելնելով․ Միքայել Նահապետյան