Որոշ ծնողներ ամաչում են բարձրաձայնել, որ երեխան շաքարային դիաբետ ունի, երեխաներն էլ մտածում են, որ մեղավոր են

Հայաստանում կան դիաբետիկ երեխաներ, որոնցից շատերի մասին ծնողները չեն ցանկանում բարձրաձայնել: Այս մասին իր մտահոգությունն է հայտնում «Քաղցրիկ երեխաներ» ԲԿ-ի Հայաստանյան ներկայացուցիչ Մարիամ Տերբալյանը:

«Ինչքան խորանում ենք՝ հասկանում ենք, որ Հայաստանում կա շատ լուրջ խնդիր. ծնողներն ամաչում են, որ իրենց երեխան ունի շաքարային դիաբետ, երեխաներն էլ մտածում են, որ մեղավոր են այդ հարցում: Շաքարը թաքցնելը լուրջ հետեւանքներ կարող է առաջացնել»,- մեր զրույցում նշեց Մարիամ Տերբալյանը՝ հավելելով, որ «Քաղցրիկ երեխաներ» կազմակերպությունն աշխատում է այդ ուղղությամբ, հոգեբանական դասընթացներ է անցկացվում երեխաների ծնողների հետ:

Նորաստեղծ «Քաղցրիկ երեխաներ»-ը գործում է 2018 թվականի հունիս ամսից, նպատակն է՝ Հայաստանում ապրող անչափահաս դիաբետիկներին տրամադրել արյան մեջ շաքարը չափող սարքեր ու ասեղներ: Ծրագիրն իրականացվում է Էստոնիայում բնակվող Հայկ Մուրադյանի հետ համատեղ, որն էլ «Քաղցրիկ երեխաներ»-ի հիմնադիր նախագահն է:

«Երբ շաքարային դիաբետի պատճառով հայտնվեցի էստոնիայում, հասկացա, որ այնտեղ դիաբետիկների համար ամեն ինչ շատ ավելի հեշտ է. ստրիպներն, ինսուլինը ամեն ինչ նրանք ստանում են 90 տոկոս զեղչով: Միտք առաջացավ, որ նույնը կարող էր լինել Հայաստանում, սակայն այդ ամենը կապված է բժշկական ապահովագրության հետ, այնտեղ ապրող յուրաքանչյուր մարդ ունի բժշկական ապահովագրություն: Հասկացա, որ ապահովագրության գործոնն իրականացնել Հայաստանում դժվար թե ստացվի, իսկ բարեգործություն՝ հնարավոր կլինի: Որոշեցի, որ ինչքան ինձ են տալիս անվճար գլյուկոմետրեր ու ստրիպներ, այդքան էլ ես ուղարկեմ այստեղի երեխաներին»,-պատմեց «Քաղցրիկ երեխաներ»-ի հիմնադիր նախագահը:

Հայկ Մուրադյանն իր անունով դուրս գրված 1300 տուփ գլյուկոմետր է ստանում, ամեն տուփում՝ 50 հատ: Շաքարը չափող նույն սարքերից գնում են նաեւ նորաստեղծ կազմակերպության գումարներով, ապա ուղարկում Հայաստան:

«Քաղցրիկ երեխաներ» ԲԿ-ի Հայաստանյան ներկայացուցիչը պատմում է, որ դիաբետիկ երեխաների հասցեները սկզբնական շրջանում փորձել են իմանալ Մուրացանի թիվ 1 հիվանդանոցից, որտեղ եւ առաջին անգամ բուժում է ստացել Հայկ Մուրադյանը: Այս պահին մոտ 12 երեխայի են օգնում հիվանդությունը հաղթահարել: Շուտով նրանց կավելանա եւս 6-ը: Շաքարը չափող սարքերը երեխաներին հասցվում են նրանց ծնողների միջոցով:

«Յուրաքնաչյուր երեխայի համար ամսական տալիս ենք անհրաժեշտ քանակություն: Նրանց այդ սարքերը հիվանդանոցն էլ է տալիս, սակայն գրեթե միշտ չի բավարարում եւ ծնողները ստիպված են լինում առնել»,-ասաց Մարիամ Տերբալյանը: «Քաղցրիկ երեխաներ»-ի տրամադրած շաքարը չափող սարքի մեկ տուփը Հայաստանում արժե 8 հազար դրամ:

«Քաղցրիկ երեխաներ»-ի Հայաստանյան ներկայացուցչի խոսքով՝ սկզբնական շրջանում ծանոթների միջոցով են իրականացրել ծրագիրը, հետաքրքրվել են, թե ով ունի դիաբետիկ երեխա, այնուհետեւ հասցեներով գտել, կապ հաստատել: Համագործակցում են «Գյումրու «Մոր եւ մանկան Ավստրիական Հիվանդանոց»-ի հետ, որտեղ 17 երեխա է հաշվառված, նրանցից 6-ին օգնում են:

«Հայաստանում ապրող դիաբետիկները ունեն լուրջ խնդիր. պետության կողմից նրանց տրամադրվող գլյուկոմետրերն ու ստրիպները խիստ սահմանափակ են ու չեն բավականացնում երբեք: Մեր նպատակն է՝ ծրագրի ընդլայնում, դիաբետիկ երեխաների բացահայտում, ինչպես նաեւ նրանց եւ նրանց ծնողների հետ հոգեբանական դասընթացների իրականացում»,-եզրափակեց Մարիամ Տերբալյանը:

Տեսանյութը՝ «Քաղցրի երեխաներ»-ի պաշտոնական էջից

Տպել
943 դիտում

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին