ԱԺ «Իմ քայլը» խմբակցության պատգամավորը ցանկանում է խորհրդարանում նախաձեռնել ծովային օրենսդրություն

ՀՀ ԱԺ «Իմ քայլը» խմբակցության պատգամավոր Արմեն Փամբուխչյանը մոտ ապագայում օրենսդրական նախաձեռնությամբ հանդես կգա: Փամբուխչյանը ցանկանում է խորհրդարանում նախաձեռնել ծովային օրենսդրություն:

«Մենք դաշտ ենք ստեղծում, որից կարող է օգտվել աշխարհի ցանկացած երկրի բիզնեսմեն»,- այս մասին ՀԺ-ի հետ զրույցում ասաց Փամբուխչյանը:

- Պարոն Փամբուխչյան, դուք հայտարարել եք, որ մտադրություն ունեք խորհրդարանում նախաձեռնել ծովային օրենսդրություն: Դա ի՞նչ է իրենից ենթադրում:

- Դա իրենից ենթադրում է այն, որ Հայաստանն ունի այդ պարտավորությունները եւ միացել է այդ կոնվենցիային եւ այդ կոնվենցիային միանալուց հետո հաջորդ քայլը պետք է լինի օրենսդրության ստեղծումը: Եւ եթե չեմ սխալվում՝ փետրվարին նախարարի մակարդակով պետք է լինի ստորագրումը եւ արդեն ծովային օրենսդրության մշակման մասին պետք է մտածի Հայաստանը:

Ծովային օրենսդրությունը իրենից ենթադրում է, որ երկիրը, չունենալով ուղիղ ելք դեպի ծով, կարող է օգտվել ծովային բոլոր բարիքներից: Մասնավորապես` ունենալ իր սեփական դրոշով նավերը, ինչպես նաեւ դա բիզնեսի մաս է: Կան երկրներ, որտեղ հարկային դաշտը այդքան էլ լավը չէ բիզնես անելու համար եւ իրենք իրենց նավերը գրանցում են այլ երկրներում: Այդպիսի երկրների շարքում է Մոնղոլիան, որը ունի 500-ից ավելի նավեր: Ինչպես գիտեք՝ Մոնղոլիան նույնպես չունի ուղիղ ելք դեպի ծով: Մոնղոլիայում կան մոտ 500 գրանցված նավեր: Մոլդովայում նույնպես կան:

Ես տրանսպորտի, կապի եւ տեղեկատվական տեխնոլոգիաների փոխնախարար եղած ժամանակ ունեցել եմ հանդիպումներ եւ տեսել եմ, որ մարդիկ այլ երկրներից, մասնավորապես` Ուկրաինայից ծովային բիզնեսով զբաղվող մարդիկ ունեն հետաքրքրվածություններ՝ այստեղ իրենց ընկերությունը բացելու եւ իրենց նավերը գրանցելու: Ռուսաստանում նույնպես կան նման բիզնեսմեններ:

- Որքա՞ն ժամանակ է անհրաժեշտ, որպեսզի այդ օրենսդրությունը բերեք Ազգային ժողով:

- Կոնկրետ ժամանակ չեմ կարող նշել, որովհետեւ նախ պետք է գրվի օրենսդրությունը, որից հետո այն պետք է համապատասխանեցվի եւ նաեւ ելնելով մեր օրենսդրությունից՝ պետք է միանանք մի քանի այլ միջազգային կազմակերպությունների, որպեսզի ամբողջական սերտիֆիկացումը ստանա Հայաստանը: Մասնագետների հետ զրուցել եմ, ասել են, որ ամբողջ պրոցեսը կարող է տեւել մոտ 2 տարի:

- Ի՞նչ է սա տալու Հայաստանին:

- Հայաստանին 2 բան է տալու, մեկը՝ ֆինանսական մուտքերը բյուջե, քանի որ այդ նավը պետք է գրանցված լինի Հայաստանում, այսինքն մեր դրոշի համար կազմակերպությունը պետք է գումար վճարի: Մենք նույնպես պետք է նախնական գումար վճարենք դրոշի համար, որպեսզի իրավունք ստանանք ունենալ դա: Հետո արդեն մնացած ընկերությունները, որոնք կուզեն երթեւեկել Հայաստանի դրոշով, իրենք պետք է վճարումներ կատարեն, որը կգնա Հայաստանի բյուջե: Երկրորդը` հեղինակության հարց կլուծվի:

- Հաշվարկներ արվե՞լ են, թե ինչքան ներդրում պետք է արվի:

- Դա չի պարտավորեցնում, որ մենք պետք է անպայման նավ գնենք: Մենք դաշտ ենք ստեղծում, որից կարող է օգտվել աշխարհի ցանկացած երկրի բիզնեսմեն: Այսինքն, մենք ստեղծում ենք օրենսդրություն, տալիս ենք հնարավորություն, ստեղծում ենք դաշտ, որից կարող են օգտվել ոչ միայն այլ երկրի, այլ նաեւ հայ բիզնեսմենները:

Նշենք, որ հաշվի առնելով բոլոր երկրների՝ ծովային ելք ունենալու իրավունքը` Միավորված ազգերի կազմակերպությունը 1982 թվականի դեկտեմբերի 10-ին ընդունել է Ծովային իրավունքի կոնվենցիան: Հայաստանն այդ կոնվենցիային միացել է 2002 թվականին: Սակայն կոնվենցիան ստորագրելուց հետո անցել է ավելի քան 16 տարի, մինչդեռ համագործակցության արդյունքը, բացի կոնվենցիան ստորագրելուց, տեսանելի չէ:

Տպել
1294 դիտում

Եկել է դատական համակարգում վիրահատական միջամտություններ իրականացնելու ժամանակը․ վարչապետը ներկայացրեց օրակարգը

Պատրաստ եմ անհրաժեշտության դեպքում դատարանի նախագահի պաշտոնից ազատման դիմում ներկայացնել. Վարդազարյան

ՀԱՊԿ ԽՎ աշնանային նիստը տեղի կունենա Երևանում

Զելենսկին հայտարարեց Վերին Ռադան ցրելու և երկրում արտահերթ խորհրդարանական ընտրություններ անցկացնելու մասին

Արայիկ Հարությունյանը կմասնակցի 2020թ.-ին հանրապետությունում կայանալիք նախագահական ընտրություններին

ԲԴԽ նախագահ Գագիկ Հարությունյանին չեն թույլատրում դուրս գալ շենքից

ՄԻՊ-ը, Մակունցն ու Վարդանյանը ժամանեցին կառավարություն. խորհրդակցություն տեղի կունենա

Դատական համակարգի որոշումները խորապես անվստահելի են հանրության համար․ վարչապետը սկսեց իր ուղերձը (ուղիղ)

Քոչարյանին ազատ արձակած դատավորը 2014-ին 83 մլն դրամի անշարժ եւ շարժական գույք է նվիրատվություն ստացել

Եղեգնաձորում այս պահին ամեն բան հանդարտ է, քաղաքացիները խաղաղ իրացնում են իրենց իրավունքը. Թեւոսյան

Վարչապետը չէ, որ իրացնում է իր իրավունքը, սա ժողովրդի կամքն ու ցանկությունն է

Փաստաբան Էրիկ Ալեքսանյանին չթույլատրեցին դատարանից վերցնել Արմեն Գեւորգյանի գործով որոշումը. նա կդիմի գլխավոր դատախազին

Խոսակցությունը, թե սա սահմանադրական կարգի տապալում է, իրականությանը չի համապատասխանում. Նազելի Բաղդասարյան

Հենց նոր հեռախոսազրույց ունեցա Մեծի Տանն Կիլիկիո կաթողիկոս Արամ Ա-ի հետ. Նիկոլ Փաշինյան

Դատարանները 1 տարի ունեին ինքնամաքրման համար, բայց դա չեղավ. Լենա Նազարյան

Ռոբերտը ոչ թե մարդասպան է, այլ հայասպան ու ցեղասպան (տեսանյութ)

ԲՀԿ-ն հորդորում է վարչապետին չեղարկել իր կոչը և չխոչընդոտել դատարանների գործունեությունը

Ականատեսների պնդմամբ՝ դատարանի աշխատակիցն է կոտրել դատարանի պատուհանի ապակին

Քաղաքացիներն արգելել են դատավոր Գնել Զաքարյանի մուտքը Լոռու մարզի ընդհանուր իրավասության դատարան

Խորը մտահոգությամբ ենք հետևում ՀՀ-ում ստեղծված իրավիճակին. Գարեգին Բ-ի ուղերձը