Ռոբերտ Քոչարյանի պաշտպանները մինչ դատարանի որոշումը Վերաքննիչ բողոք են ներկայացրել

Ռոբերտ Քոչարյանի պաշտպանները մինչ դատարանի որոշումը Վերաքննիչ բողոք ենք ներկայացրել:

Այս մասին լրագրողների հետ զրույցում ասաց Քոչարյանի պաշտպաններից Արամ Օրբելյանը: Նա ասաց, որ դատարանի որոշումը դեռ չեն ստացել եւ հիմնավորումներին ծանոթ չեն: Հիշեցնենք, որ դատարանն այսօր եւս երկու ամսով երկարաձգել է Քոչարյանի կալանքը:

Նա ասաց, որ արդեն վերաքննիչ բողոք են ներկայացրել որոշ հանգամանքների մասով։ Մեր հարցին՝ կանխատեսե՞լ էիք ելքը, պատասխանեց․ «Ուղղակի «Ժողովուրդ» թերթն ամեն անգամ ունենալով ինֆորմացիա՝ գրում է արդյունքների մասին։ Դա երկու հնարավորություն է տալիս․ կամ թերթն այն աղբյուրն է, որի միջոցով փորձում են հասկացնել դատարանին, թե ինչ որոշում պետք է կայացնել, հուսով եմ դա չէ, կամ թերթն ունի հասանելիություն դռնփակ դատական նիստի դահլիճում կամ խորհրդակցական սենյակում տեղի ունեցող գործընթացներին, ինչի առիթով գրում է։ Սա առաջին դեպքը չէ, արդեն երրորդ դեպքն է, երբ մեկ օր առաջ նշվում է ելքի մասին։ Սա թերթին չի վերաբերում, սա վերաբերում է տեղեկատվական անվտանգության խնդիրներին...։ Այն փաստը, որ երկու միջնորդությունները դատարանը փորձել է միացնել եւ, ըստ էության, ցույց է տվել մոտեցում, որ հրաժարավել է արդարադատություն իրականացնել եւ հրաժարվել է քննության առարկա դարձնել գրավի միջնորդությունը, դրանից ելնելով պատրաստված է եղել բողոքը բացասական ելքի հետ կապված։ Հաշվի առնելով ճնշումները դատարանների նկատմամբ՝ շատ լավատեսական լինել չէինք կարող։ Դատարանը չի քննել մեր՝ գրավի միջնորդությունը»,- ասաց Արամ Օրբելյանը՝ հավելելով, որ նոր գրավի միջնորդություն ներկայացնել այս պահին տրամաբանական չէ, քանի որ դատարանը դիրքորոշում է հայտնել։ Բայց չի բացառվում հաջորդ շաբաթ ներկայացնեն։

«Որոշումը ստանալուց հետո վերջնական որոշում կունենանք ՄԻԵԴ երրորդ բողոքի հետ կապված, որի շրջանակներում պետք է բողոքարկման առարկա դառնա արդարադատություն իրականացնելուց խուսափելու հանգամանքը, երբ դեկտեմբերի 26-ին ներկայացված ազատության վերաբերյալ միջնորդությունը չի քննվում»,- ասաց Արամ Օրբելյանը։ Նա նաեւ նշեց, որ բողոքում կներառվի 18-րդ հոդվածի վերաբերյալ հարցը։ Բողոքը չի վերաբերվի բացառապես քաղբանտարկյալի գաղափարին, որովհետեւ 18-րդ հոդվածի խախտումը ներառում է կոնվենցիայով նախատեսված այլ խախտումներ եւս՝ ազատության իրավունք, արդար դատաքննության իրավունք։

Վերաքննիչ դատարան դիմած բողոքը վերաբերում է երկու հարցի. «Մենք փորձել ենք վերաքննիչ բողոքով հասկանալ՝ արդյոք գործը քննող դատարանի մակագրության գործընթացը կարող է համարվել օրենքի հիման վրա ստեղծված դատարան մեր Սահմանադրության եւ եվրոպական կոնվենցիայի իմաստով։ Եվ բացի այդ, առկա են ակնհայտ հանգամանքներ, որ 2008 թվականի արարքների համար պարոն Քոչարյանը կամ որեւէ այլ անձ չի կարող ենթարկվել պատասխանատվության 2009 թվականին փոփոխված օրենսդրության համաձայն: Մենք ունենք 7-ի գործով հստակ դեպք, ըստ որի՝ 7 անձնանց նկատմամբ նույն հոդվածով այդ մեղադրանքները վերացվել են։ Հետեւաբար, եթե պետության մեջ կա նույն հոդվածի հետադարձ ուժ տալու կամ չտալու խնդիր, եթե այն ժամանակ դատախազությունը հրաժարվել է 300.1 հոդվածով մեղադրանք առաջադրելուց՝ հաշվի առնելով, որ դրանք վատթարացնող են անձի վիճակը, ապա ինչու չի արվում նույնը։ Չի կարող մի դեպքում չունենալ հետադարձ ուժ, մեկ այլ դեպքում ունենալ», - ասաց Քոչարյանի պաշտպանը:

Հարցին, թե ըստ իրեն՝ կա՞ն ճնշումներ իրավական գործընթացի վրա, Օրբելյանը արձագանքեց. «Ցանկացած զարգացած երկրում այս պահին արդեն ԱԱԾ տնօրենը, ՀՔԾ պետը եւ վարչապետը նման հեռախոսազրույցից հետո չէին շարունակի պաշտոնավարել՝ անկախ նրանից՝ որքան էինք սիրում կամ չէինք սիրում նրանցից որեւէ մեկին։ Ձայնագրությունում ակնհայտորեն խոսվում էր դատարանի նկատմամբ ճնշման մասին»։

Երեկ ՀՔԾ-ն մերժել է պաշտպանական կողմի միջնորդությունը՝ Քոչարյանի նկատմամբ քրեական հետապնդումը դադարեցնելու վերաբերյալ: Մեր հարցին ի պատասխան Օրբելյանն ասաց, որ ՀՔԾ այդ որոշումը բողոքարկելու են:

Տպել
1080 դիտում

ՀՀ տարածքում կան փակ և դժվարանցանելի ավտոճանապարհներ. Լարսի ՌԴ կողմում կուտակվել է 100 բեռնատար

Հայ առաքելական եկեղեցին այսօր տոնում է Զատկի կամ Հիսուս Քրիստոսի հրաշափառ Հարության տոնը

Կաթողիկոսի առաջնորդությամբ Մայր Աթոռի միաբանությունը Սուրբ Գայանե վանքում մասնակցել է ճրագալույցի պատարագին

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր