Բազմոցն ինձ ավելի շատ հյուրասենյակ է հիշեցնում, կհրաժարվեմ. Մակունցը համեստ աշխատասենյակ է նախընտրում

7-րդ գումարման խորհրդարանի աշխատանքները բավականին եռանդով սկսվեցին: «Հայկական ժամանակ»-ի հետ հարցազրույցում նման տեսակետ հայտնեց «Իմ քայլը» խմբակցության ղեկավար Լիլիթ Մակունցը: Նրա խոսքով՝ ականատես եղանք մի երեւույթի, երբ պատգամավորները շահագրգռված են իրենց ոլորտներով:

«Հիմա մենք զբաղված ենք կադրային հարցերով: Մեզ անհրաժեշտ են լավ փորձագետներ, պրոֆեսիոնալներ, որոնց հետ կապված փնտրտուքների մեջ ենք եւ մեզ մոտ չի գործում ընկեր-ծանոթ-բարեկամ սկզբունքը: Մենք գտնում ենք, որ մեր աշխատանքների որակը կապված է հենց փորձագետներից: Զբաղված ենք նաեւ պատգամավորների օգնականների վերապատրաստումների հարցերով»,- ասաց նա:

Լիլիթ Մակունցը նշեց, որ այս պահին ձեւավորվում են նաեւ միջխորհրդարանական բարեկամական խմբերը: Միաժամանակ նշեց, որ պարզ չէ, թե որ խմբակցությունը որ խմբերն է ղեկավարելու:

Ի դեպ, որ 6-րդ գումարման ԱԺ-ում անհասկանալի էր, թե ինչպես են ընտրվել խմբերի ղեկավարները, մասնավորապես օլիգարխ Սամվել Ալեքսանյանին բաժին էր հասել հայ-իրաքյան բարեկամական խումբը: Մակունցից հետաքրքրվեցինք՝ նման անտրամաբանական իրավիճակների ականատես կլինե՞նք:

«Առաջին հերթին հաշվի է առնվելու պատգամավորների մասնագիտացումը, օտար լեզուների իմացությունը: Առաջնորդվելու ենք նաեւ այն հանգամանքով, թե տվյալ պատգամավորը որքան առավելություն կարող է ցուցաբերել այդ բարեկամական խմբում: Ձեւական ոչինչ չի լինելու: Փորձագետներին եւս կարող ենք ձեւական ներգրավել, բայց մենք նման խնդիր չենք դնում մեր առջեւ: Փորձում ենք անել այնպես, որ 7-րդ գումարման ԱԺ-ն իր որակներով մեծ արդյունքներ ցույց տա»:

Լիլիթ Մակունցն անդրադառնալով մեր այն հարցին, որ որոշ պատգամավորների դեռ աշխատասենյակներ չի հասել, ասաց. «Նախ, ես ուզում եմ շնորհակալություն հայտնել մեր խմբակցության պատգամավորներին, որ սպասում են եւ որեւէ խնդիր այդտեղ չեն տեսնում:

Սենյակների խնդիրը պայմանավորված է մի քանի հանգամանքով՝ նախկին գումարման ԱԺ-ի մի քանի պատգամավորներ դեռ չէին հասցրել իրենց իրերը տանել եւ այդ պատճառով չէին կարող մտնել այդտեղ: Ժամանակի խնդիր էր եւ լուծված է այդ հարցը: Որոշ դեպքում եղել են խնդիրներ անձնական տիրույթի հետ կապված, քանի որ սենյակները մեկը մյուսի մեջով անցնելու հարց է եղել, որն ընդունելի չի եղել պատգամավորների համար»:

Տեղեկություններին, որ ՀՀԿ-ական նախկին պատգամավորների «եվրո վերանորոգված» աշխատասենյակները վիճակահանության չեն դրվել եւ տրվել են հատուկ անձանց, Լիլիթ Մակունցը մեկնաբանեց. «Չկա նման բան, չկա նման մրցակցություն: Սենյակները բաժանվել են վիճակահանությամբ, բացառությամբ նրանց, որոնք ինչ-որ տեխնիկական հարցեր են ունեցել: Բոլոր պատգամավորները մասնակցել են վիճակահանությանը»:

Լիլիթ Մակունցն այժմ զբաղեցնում է ՀՀԿ նախկին խմբակցության ղեկավար Վահրամ Բաղդասարյանի աշխատասենյակը: Բաղդասարյանի գլխավերեւում Սերժ Սարգսյանի լուսանկարն էր: Մեր հարցին, թե իր սենյակում ում նկարն է լինելու, Մակունցն ասաց. «Լուսանկարներ կլինեն միայն իմ սեղանին, որը կլինի իմ ընտանիքի անդամներինը: Կբերեմ տարբեր նկարիչներից ինձ պատկանող նկարներ, որպեսզի միջավայրը տրամադրող լինի: Ինձ համար կարեւոր է, որ միջավայրը լինի աշխատանքային: Դա է պատճառը, որ ես բազմոցից կհրաժարվեմ, ես կունենամ միայն աշխատանքային սեղան: Ես չեմ որոշել, թե ինչ գույք պետք է ունենամ: Երկու օր առաջ, երբ մտա, տեսա, որ գույքն արդեն կար: Այս բազմոցն ինձ ավելի շատ հյուրասենյակ է հիշեցնում, դրա համար կհրաժարվեմ, որ ունենամ աշխատանքային մթնոլորտ»,- ասաց նա:

Տպել
4271 դիտում

Սա կարևորագույն իրադարձություն է պետության կյանքում. Ա.Բաբաջանյանը՝ ազգային անվտանգության ռազմավարության ընդունման մասին

ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին

Փրկարարները հայտնաբերել են Արզնի-Շամիրամ ջրանցքն ընկած 37-ամյա քաղաքացու դին

200 միլիոն դրամի ներդրում է կատարվել Ախթալա խոշորացված համայնքում

Արագածի փողոցում կատարված դանակահարության դեպքը բացահայտվել է. 23-ամյա երիտասարդ է ձերբակալվել

ԱՀ պաշտպանության նախարարն ընդունել է ծառայողական հետագա առաջխաղացման ներկայացված սպաներին

Մալաթիա-Սեբաստիա վարչական շրջանում ՔՏՀԱ Տեսչական մարմինը իրականացրել է հերթական վերահսկողական աշխատանքները

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման