Սիրելի՛ 9-րդ դասարանցիներ, իմացե՛ք. նախարարը դիմում է քննություններից վախեցող աշակերտներին

Կրթության եւ գիտության նախարար Արայիկ Հարությունյանը անակնկալ այցով այսօր մեկնել է Արարատի մարզի մի քանի դպրոցներ: Այս ամիսը ԿԳՆ-ում նախապես հաստատված ժամանակացույցով նվիրված է նշված մարզի կրթական խնդիրներին:

Նախարարը հասցրել է լինել հինգ դպրոցներում եւ, օրինակ, պարզել է, որ բացակայությունների թիվը մեծ չէ: Ջերմաստիճանն, ըստ նրա, պատշաճ մակարդակի էր, թեպետ եղել են միջանցքներ ու մեկ ճաշարան, որտեղ ցուրտ էր: Տնօրեններին հրահանգվել է ապահովել բավարար ջերմաստիճան, որպեսզի երեխաները դասարանից դասարան կամ ճաշարան անցնելիս չմրսեն:

Արայիկ Հարությունյանը նկատեց, որ ինչպես առողջապահության նախարարն էլ արձանագրել է, մարզերում բացակայությունների թիվը փոքր է (ի տարբերություն Երեւանի): Բայց ընդհանուր առմամբ կարծիք կա, որ այդ բացակայությունների պատճառն ավելի շատ համացանցում տարածվող խուճապային տրամադրություններն են՝ կապված սուր շնչառական վարակների հետ: Արարատի մարզի իր այցելած դպրոցներում ԿԳ նախարարը տեսել է, որ բոլոր մուտքերի մոտ բուժքույրերը հերթապահում են, որպեսզի հիվանդ երեխաներ դասարաններում չլինեն:

Մարզում նախարարին հանդիպել են այնպիսի դպրոցներ, որոնց ֆիզիկական պայմաններն այնքան էլ բարվոք չէ, ունեն վթարայնության տարբեր աստիճաններ եւ վերանոգորման կարիք: Ամեն անգամվա պես վրդովեցրել է նաեւ այն փաստը, որ դպրոցների մի մասը հարմարեցված չէ հաշմանդամություն ունեցող սովորողների համար: Այդպիսի մի աշակերտի նա հանդիպել է, որը տեղաշարժվել է ուրիշի օգնությամբ: «Սա անընդունելի է, եւ համապատասխան միջոցներ պետք է ձեռնարկվեն, որ երեխան կարողանա ինքնուրույն տեղաշարժվել»,- ասաց Հարությունյանը:

Այցի ընթացքում նախարարը վերհանել է ուսումնական գործընթացում առկա երկու խնդիր: Առաջինի մասին դեռ նպատակահարմար չի համարում խոսել, երկրորդի վերաբերյալ ասաց. «9-րդ դասարանցիներին ուսուցիչները եւ ծնողները վախեցնում են ավարտական կենտրոնացված քննությամբ: Սա անթույլատրելի է: Սիրելի՛ 9-րդ դասարանցիներ, իմացե՛ք (հարյուր անգամ ասել եմ, եւս մեկ անգամ կրկնում եմ), սա սովորական քննություն է: Եվ որքան ձեզ վախեցնեն, այնքան արդյունքների վրա դա ազդելու է, որովհետեւ կաշկանդված գնալով քննության՝ դուք խնդիրներ եք ունենալու: Այնպես որ, գլուխներդ բարձր, դուխներդ տեղը պարապեք: Կգնաք քննությունների եւ կհավաստիանաք, որ որեւէ վախենալու բան չկա, եւ ամեն ինչ նորմալ է լինելու»,- աշակերտներին դիմեց Արայիկ Հարությունյանը:

Որոշակի խնդիրներ է հայտնաբերել դպրոցների գրադարաններում. «Խնդիրներ կան գրադարաններում, դրանք վաղուց չեն ստացել նոր գրականություն: Որոշ առումով Խորհրդային Միության ժամանակների գաղափարական գրքեր կան, որոնք երեխաները կարդում են: Չեմ կարծում, որ նոր ժամանակներում արժե, որ հնամաշ գաղափարախոսությունների գրքերը նրանք կարդան: Տարվա ընթացքում այդ դպրոցներին գեղարվեստական գրքեր կտրամադրենք»:

Կրթության եւ գիտության նախարարը նաեւ արձանագրեց, որ դպրոցներում հանդիպում է պայծառ երեխաների, անկախ նրանից՝ սովորում են Երեւանում, թե մարզերում: Ասաց, որ բուհերի ընդունելությանը կամ 9-րդ դասարանի քննություններին պատրաստվողներին պետք է աջակցել: Հանդիպում է նաեւ շատ լավ ուսուցիչների, որոնք նվիրված են իրենց գործին: «Նրանց հետ խոսեցինք խնդիրների մասին եւ կփորձենք միասին լուծել այդ խնդիրները»,- ասաց նա:

Տպել
6521 դիտում

Դատավոր Աննա Դանիբեկյանին հետապնդած երիտասարդներից մեկն ազատ կարձակվի

Գյումրեցի գործարար Գարիկ Ուզունյանը բերման ենթարկվեց. Կարեն Սարուխանյան

Իրանն ու ԱՄՆ-ն փոխանակվել են դատապարտյալներով

Կաշառքի գործով Ռազմիկ Աբրահամյանն ընդունեց մեղադրանքը, իսկ Արսեն Դավթյանը` ոչ

ՊԵԿ նախագահի տեղակալը խաղային ոլորտի միջազգային փորձագետների հետ քննարկել է հայկական խաղային շուկան

«Ես ասել եմ էտել, իրենք սխալ են հասկացել». Գյումրու N20 դպրոցի բակում ծառեր են հատվել, վնասը կփոխհատուցի տնտեսվարը

ՏԿԵ նախարարությունում քննարկվել են պղնձաձուլարանի կառուցման նախագծին վերաբերող հարցեր

Փարիզում հանդիպել է «Նորմանդական քառյակը». Ռուսաստանը չունի սպասելիքներ, Ուկրաինան ունի հարցեր

Երևանի շոկոլադի գործարանը ավելացրել է արտահանման ծավալները

Ցանկացած դատավոր ցանկանում է այս գործով չզբաղվել. Քոչարյանի պաշտպանը՝ դատավորի ինքնաբացարկի մասին

Նպատակ ունենք կրճատելու վաղաժամ մահացությունների թիվը. Տիգրան Ավինյան

Հանրապետության նախագահի, կառավարության և Ազգային ժողովի միջեւ շատ լավ աշխատանքային մթնոլորտ է ձևավորված. վարչապետ

Ննջասենյակում հայտնաբերվել է 1946 թ.-ին ծնված տղամարդու դի. ԱԻՆ

Համայնքի բնակիչների հրավերով այսօր Գեղարքունիքի մարզի Մեծ Մասրիկ գյուղում էի. Աննա Հակոբյան

«Եվա և Սյուզի» ՍՊԸ-ն կրթօջախների սննդամթերքը մատակարարել է տեխնիկական բնութագրի պահանջների խախտմամբ

Տիգրան Ավինյանը մասնակցել է Հայ-վրացական իրավական համագործակցության երրորդ ֆորումին

Արթուր Պետրոսյանը շուտով եվրոպական ակումբ կգլխավորի

Գվատեմալայի Կոնգրեսի պատվիրակությունն այցելել է Արցախի Հանրապետություն

«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու

Բնակչության դիմակայունության բարձրացման գործընթացում ԱԻՆ-ը կիրառում է ԵՄ փորձը