Հոգնեցի․ Գեղակերտ համայնքի ղեկավարը հրաժարական է տվել

Լուսանկարում՝ ձախից՝ ընտրված գյուղապետ Ցոլակ Հակոբյանը, աջից՝ գյուղապետի պաշտոնակատար, պարտված թեկնածու Սերյոժա Առաքելյանը

Արմավիրի մարզի Գեղակերտ համայնքի ղեկավար Սերյոժա Առաքելյանը սույն թվականի հունվարի 15-ին հրաժարական է տվել, չնայած վերջինիս պաշտոնավարման ժամկետն ավարտվում էր մարտի 14-ին։ 

Ավելի վաղ հայտնել էինք, որ Արմավիրի մարզի Գեղակերտ համայնքում հոկտեմբերի 21-ին կայացած ընտրություններում գյուղապետի հաղթած թեկնածուն՝ Ցոլակ Հակոբյանը, մինչեւ դեկտեմբեր չէր ստանձնել իր լիազորությունները, եւ, հավանաբար, մինչեւ մարտի 14-ը չէր էլ ստանձնի։ 

Գյուղացիները անհանգստանում ու բողոքում էին այս իրավիճակից, դիմել էին անգամ ՀՀ կառավարություն ու տարածքային կառավարման եւ զարգացման նախարարություն՝ մոտ հազար ստորագրությամբ պահանջելով իրենց ընտրած գյուղապետի լիազորությունների ստանձնումն ու այս խնդրի լուծումը։ Նախարարությունից էլ համայնքի ղեկավարի լիազորությունները վաղաժամկետ ստանձնելու վերաբերյալ դիմումին ի պատասխան հայտնել էին, որ գյուղապետը վաղաժամկետ չի կարող ստանձնել լիազորությունները․ անհրաժեշտ է կամ սպասել գործող գյուղապետի պաշտոնավարման ավարտին կամ վաղաժամկետ դադարեցնել գործող գյուղապետի լիազորությունները։

Արդյունքում ստացվեց, որ պարտված գյուղապետը մինչեւ պաշտոնավարման ավարտը հրաժարական տվեց։ Արդեն նախկին գյուղապետից հետաքրքրվեցինք՝ ինչո՞ւ հրաժարականի դիմում գրեց՝ չսպասելով լիազորությունների ավարտին, վերջինս պատասխանեց․ «Հոգնեցի»։ Հարցին՝ ինչի՞ց հոգնեց, Սերյոժա Առաքելյանն ասաց, թե՝ ընտրված գյուղապետ Ցոլակ Հակոբյանի բողոքներից։

Ցոլակ Հակոբյանն արդեն ստանձնել է իր լիազորությունները, ավագանին անցել է աշխատանքի բնականոն հունին։ Հակոբյանը մեր զրույցում ասաց, որ շուտով հանդիպելու է ավագանու անդամներին, զրուցելու է նրանց հետ, ներմուծելու են արդեն հաստատված բյուջեն ու անցկացնեն առաջին նիստը։ Հակոբյանն ասաց, գյուղապետի գրաժարականից հետո ազատման դիմում են գրել նաեւ վերջինիս տեղակալը, հաշվապահն ու հողաշինարարը, չնայած նրան, որ ինքը որեւէ մեկի հանդեպ վատ տրամադրված չէ․

«Իրենց կամքով դիմում գրեցին, ես ասացի՝ բայց ինչո՞ւ եք գնում, մնացեք, կաշխատենք, մի գյուղի մարդիկ ենք, իրար ճանաչում ենք, ապրել ենք իրար հետ, ես չեմ ուզում ձեզ հանեմ, իրենք էլ ասացին՝ մենք չենք ուզում աշխատենք, մենք քեզ չենք ընտրել, քո կողմից չենք աշխատել, չենք ուզում, չենք կարող քո աչքերի մեջ նայել»,-ասաց գյուղապետը՝ հավելելով, որ ամեն օր էլ ասում է, որ կապ չունի՝ նախկինում ինչպես են աշխատել, հիմա բոլորը նորմալ ու իրար հետ պետք է սկսեն հարգանքով աշխատել։

Հ․Գ․ Հիշեցնենք, որ համայնքը 14 տարի ղեկավարած գյուղապետ Սերյոժա Առաքելյանը ՀՀԿ անդամ էր, սակայն կուսակցության շարքերը լքել էր թավշյա հեղափոխությունից հետո։

Տպել
1833 դիտում

Ընկերություն. Աննա Հակոբյանը լուսանկարներ է հրապարակել Գյումրիից

31-ամյա տղամարդը կայանված էվակուատորից գողացել է անվադողեր, մարտկոցներ և 80 լիտր դիզվառելիք

Դիլիջանում 36-ամյա քաղաքացին գլորվել և ընկել է ձորը

Կայացել է քննարկում «Հայաստանի Հանրապետությունում կրթության հեռանկարներն ու հիմնախնդիրները» խորագրով

24 տոննա կարագով բեռնված հայ-իրանական սահմանում այրվող բեռնատարը պատկանում է «Մարիաննա» ՍՊԸ-ին

Հայ-իրանական սահմանի միջպետական նշանակության ավտոճանապարհին ավտոմեքենա է այրվում. ճանապարհը երկկողմանի փակ է

1 աշխատակից ազատվել է աշխատանքից, 4-ին տրվել է գրավոր նկատողություն. Ուռուցքաբանության ազգային կենտրոնի արձագանքը

Օդի ջերմաստիճանը կնվազի 3-ից 4 աստիճանով, սպասվում է կարճատև անձրև և ամպրոպ

Պատանիները Վաղաշեն գյուղի նախկին դպրոցի շենքից գողություն են արել ու բռնվել

Ուկրաինական ավիաընկերությունն առաջարկում է Կիեւով Երեւանից միակցված չվերթներ դեպի Եվրոպա

ԱՀ պաշտպանության նախարարը հանդիպել է սպաների հետ

Նախարարը ներկայացրել է Հայկական հարվածային ԱԹՍ֊ներից մեկը` գործողության մեջ (տեսանյութ)

Անցած 7 օրում հակառակորդը հրադադարի ռեժիմը խախտել է 295 անգամ

Մահացել է «Պռոշյան կոնյակի գործարանի» մասնաճյուղի հրդեհի հետևանքով տուժածներից մեկը

Սեպտեմբերի 21-ին Տիգրան Մեծի պողոտա-Քրիստափորի փողոց խաչմերուկի տրանսպորտային լուսացույցները կտեղափոխվեն այլ հատված

Ամենաանհասկանալին նախկինների հրճվանքն է

Հրդեհի հետևանքով տուժած բնակիչը հոսպիտակացվել է

Աննա Հակոբյանը միացել է Վանաձորի կիրճում աշխատող խմբին (լուսանկարներ)

Հրդեհ Աբովյանում. այրվում է 3000 խմ կուտակած թափոն (տեսանյութ)

Քննություն է տարվում՝ 30-ամյա ծննդկանի մահվան հանգամանքները պարզելու ուղղությամբ. Քննչական կոմիտե