Շտապ օգնության մեքենաների 2 վթար՝ 1 ամսում. Թորոսյանը կարծում է՝ բարեփոխումները հրատապ են

Հունվարի 29-ի կեսգիշերի սահմաններում Երեւանում վթարի էր ենթարկվել շտապ օգնության ավտոմեքենաներից մեկը: Սա, ի դեպ, այս ամսվա ընթացքում արդեն երկրորդ այդպիսի դեպքն էր:

«Շտապբուժօգնություն» ՓԲԸ տնօրեն Թագուհի Ստեփանյանից տեղեկացանք, որ մեքենայում գտնվող անձնակազմը գրեթե չի տուժել եւ ստացել է միայն թեթեւ վնասվածքներ: «Բժիշկը գնացել է տուն, վարորդն ու բուժքույրն էլ են պատրաստվում: Նրանց վիճակը բավարար է»,- ասաց նա: Վթարի ենթարկված շտապ օգնության մեքենայում նաեւ եղել է հիվանդ քաղաքացի: «Միքայելյան» վիրաբուժության ինստիտուտից նա տեղափոխվում էր «Արմենիա» բժշկական կենտրոն: Թագուհի Ստեփանյանը նշեց, որ հիվանդը վթարից չի տուժել: Սակայն, անկախ ամեն ինչից, նրա վիճակը եղել է շատ ծանր՝ պայմանավորված ներքին արյունահոսությամբ, ուստի «Արմենիա» բժշկական կենտրոնում ենթարկվել է հրատապ վիրահատության՝ կյանքի ցուցումով:

Մեր զրուցակիցը չի կարծում, թե շտապ օգնության մեքենաների վթարները վերջին շրջանում դարձել են հաճախակի: Կատարվածը համարում է ընդամենը համընկնում:

«Ինձ թվում է ուղղակի համընկել է: Խոսում են հաճախակիացած դեպքերի մասին: Այդքան հաճախ նման դեպքեր չեն լինում, ուղղակի այդպես ստացվեց, որ այս ամիս երկու վթար տեղի ունեցավ»,- նկատեց Թագուհի Ստեփանյանը: Նաեւ հավելեց, որ վարորդներից դժգոհություններ չի լսել՝ շտապ օգնության նոր մեքենաների հնարավոր թերությունների վերաբերյալ: Հիշեցնենք, որ ծառայության ավտոմեքենաները վերջերս են նորացվել եւ հարց էր առաջանում՝ գուցե դրանք ինչ-ինչ տեխնիկական խնդիրնե՞ր ունեն:

Ինչ վերաբերում է շտապ օգնության մեքենայի մասնակցությամբ պատահարի նախորդ դեպքին, այն տեղի էր ունեցել հունվարի 5-ին: Մեքենայում հիվանդ չի եղել: Բժիշկն ու բուժքույրն էապես չէին տուժել, ի տարբերություն վարորդի, որը «Հերացի» համալսարանական կլինիկայում ենթարկվել էր վիրահատության: Թագուհի Ստեփանյանի խոսքով երկու վարորդներն էլ երկարամյա աշխատանքային փորձ ունեն եւ նախկինում երբեք վթարային իրավիճակներում չեն հայտնվել: Ունեն վարորդական իրավունքի համապատասխան կարգ: «Նաեւ աշխատանքի ընդունվելուց առաջ վարորդները մեզ մոտ փորձաշրջան են անցնում: Այսինքն՝ մոտեցումները բավականին խիստ եւ կոշտ են»,- ընդգծեց տնօրենը: Նշված երկու դեպքերում էլ շտապ օգնության մեքենան անցել է կարմիր լույսի տակով եւ, խույս տալով հանդիպակաց ընթացող ավտոմեքենայից, վթարի ենթարկվել:

Շտապ օգնության ավտոմեքենայի վթարին ֆեյսբուքյան իր էջում անդրադարձել է առողջապահության նախարար Արսեն Թորոսյանը, որն աշխատանքային այցով գտնվում է Բելառուսի Հանրապետությունում: Նա նաեւ շեշտադրել է համապատասխան ծառայության ոլորտում որոշակի փոփոխությունների անհրաժեշտությունը:

«Քիչ առաջ տեղեկացա Երեւան քաղաքում տեղի ունեցած շտապօգնության մեքենայի հերթական վթարի մասին։ Հետ վերադառնալուն պես լուրջ հետեւություններ կարվեն Երեւանի շտապօգնության ծառայության կազմակերպման հարցերի շուրջ՝ չնայած որ այն գտնվում է Երեւանի քաղաքապետարանի, այլ ոչ թե առողջապահության նախարարության ենթակայության տակ։ Սա արդեն նման երկրորդ դեպքն է վերջին մեկ ամսվա ընթացքում, ինչը պարզապես անթույլատրելի է։ Վիրավորներին շուտափույթ ապաքինում եմ ցանկանում։ Շտապօգնության ծառայության ղեկավարությանը կոչ եմ անում ապահովել շտապօգնության մեքենաների վարորդների կողմից երթեւեկության բոլոր կանոնների ԽՍՏՈՐԵՆ պահպանումը, երթեւեկության այլ մասնակիցների նկատմամբ առավելություն ստանալու համար ՁԱՅՆԱՅԻՆ եւ ԼՈՒՍԱՅԻՆ ազդանշանների ՊԱՐՏԱԴԻՐ միացրած լինելը։ Մյուս վարորդներին կոչ եմ անում միշտ զիջել շտապօգնության մեքենաներին»,- գրել է Թորոսյանը:

Նախարարը կարծում է, որ շտապ օգնության ծառայությունը թե՛ Երեւանում եւ թե՛ մարզերում պետք է կառավարվի մեկ կենտրոնից, ինչը հնարավորություն կտա աշխատանքները կազմակերպել առավել արդյունավետ: Այդ մասին նա խոսել էր նաեւ իր վերջին ասուլիսի ընթացքում: Առայժմ «Շտապբուժօգնություն» ՓԲԸ-ն, ինչպես նշվեց, գտնվում է Երեւանի քաղաքապետարանի ենթակայության տակ, իսկ մարզերում այդ ծառայությունները գործում են բժշկական կենտրոնների կազմում:

«Իմ վերջին երկու արտասահմանյան գործուղումները ցույց տվեցին, որ շտապօգնության ծառայության արդյունավետության բարձրացման ճանապարհներից մեկը, մեր երկրի չափսերին մոտ երկրների կամ տարածաշրջանների համար, նաեւ դրա կենտրոնացումն է մեկ կազմակերպության շրջանակներում։ Նման նախաձեռնության մասին ինձ դեկտեմբերին հայտնեց ՌԴ Կալուգայի մարզի նահանգապետը եւ երկու օր առաջ՝ Բելառուսի առողջապահության նախարարը։ Նրանք երկուսն էլ ստեղծում են մեկ կազմակերպություն, որը շտապօգնության ծառայություն կմատուցի իրենց տարածաշրջաններում՝ մեկ հարկի տակ համախմբելով մինչ օրս գործող ապակենտրոնացված ՇՕ ծառայությունները»,- իր գրառման մեջ տեղեկացրել է Արսեն Թորոսյանը եւ շարունակել.

«Կարծում եմ մենք նույնպես պետք է գնանք այդ ուղղությամբ՝ ունենալով մեկ շտապօգնության ծառայություն ամբողջ Հայաստանի համար՝ հստակ գծված լիազորությունների եւ պատասխանատվությունների շրջանակով, ծառայության մատուցման վերանայված չափորոշիչով։ ՇՕ բարեփոխումների շուրջ աշխատանքները մեր մոտ սկսվել էին դեռ աշնան սկզբից, բայց հիմա ավելի կարագացվեն նաեւ վերջին շրջանի զարգացումների պատճառով։ Բարեփոխումների աշխատանքներում կօգտագործվի ինչպես միջազգային փորձը, այնպես էլ մեր ՇՕ ծառայության այն բուժաշխատողների գիտելիքները եւ փորձը, ովքեր պատրաստակամ կլինեն օգնել»։

Տպել
3142 դիտում

Բարեխղճորեն պետք է կատարել դեկտեմբերի կոմունալ վճարումները և տուրք չտալ դրանցից ազատվելու լուրերին․ տեղեկատվական շտաբ

Պինդ սեղմում եմ ձեռքդ, հա'յ զինվոր, անկախ բոլոր դժվարություններից ու կորուստներից, քո սխրանքն անմահ է․ Երվանդ Թարվերդյան

8 բալ ուժգնությամբ երկրաշարժ է գրանցվել Իրանի Խոյ քաղաքից 34 կմ հարավ-արևելք․ ցնցումները զգացվել են նաև ՀՀ մարզերում

Գյումրու փողոցները մաքրվում են տեղացած ձյունից

Ադրբեջանն ամբողջությամբ անջատել է Հայաստանից Արցախ գազամատակարարումը

Բանակը մեզ համար ընտանիքի պես է, յուրաքանչյուրը նրան պետք է վերաբերվի որպես ընտանիքի անդամի․ Սերգեյ Մովսիսյան

Պատմական ձեռքբերում է․ ՀՀ մարմնամարզության ֆեդերացիայի նախագահը՝ Եվրոպայի առաջնությունը Երևանում անցկացնելու մասին

Եթե բանակը կառուցված է այնպիսի արժեքների վրա, ինչպիսիք են փողը, քրեական բարքերը, ունի բացասական առաքելություն․ Միսկարյան

Գլխավոր դատախազ Աննա Վարդապետյանն այցելել է հայրենիքի պաշտպանների՝ «Զինվորի տուն» (լուսանկարներ)

Երկօրյա պաշտոնական այցով Հայաստան է ժամանել Եգիպտոսի նախագահը (լուսանկարներ, տեսանյութ)

Հայոց բանակն է հայ ժողովրդի անվտանգության հաստատուն երաշխավորը․ Տավուշում ծաղիկներ են խոնարհվել՝ ի հիշատակ հերոսների

Մարմնամարզության Եվրոպայի առաջնության անցկացման իրավունքը շնորհվել է Երևանին․ Արայիկ Հարությունյան

Ադրբեջանցի «էկոակտիվիստները» կրակի վրա մաշմելոու են պատրաստում՝ ծաղրելով Լաչինի միջանցքի շրջափակումը․ Մարուքյան

ԼՂ ազատ և անարգել մուտքի ապահովման ճկուն պայմաններ են պետք բոլոր դերակատարների համար․ ԵԽ մարդու իրավունքների հանձնակատար

Ռազմահայրենասիրական խմբակների, տարբեր դասընթացների դադարեցման կամ կասեցման ծրագիր գոյություն չունի. ԿԳՄՍ նախարար

Մարտական եղբայրությունը դարեր շարունակ ամրապնդել է հայ-ռուսական սերտ կապերը․ ՀՀ-ում ՌԴ դեսպանությունն ուղերձ է հղել

Մեզ անհրաժեշտ է ուժեղ և պրոֆեսիոնալ բանակ՝ ուժեղ հոգով, ինտելեկտով, ժամանակակից տեխնոլոգիաներին տերապետելով․ վարչապետ

Վահե Ղազարյանն ընդունել է Սերգեյ Կոպիրկինին․ կողմերը համագործակցությունը շարունակելու պատրաստակամություն են հայտնել

Ինձ չի թվում, որ Լաչինի միջանցքն առանց ռուսների է փակվել․ Սասուն Միքայելյան

Հայոց բանակի դերն ու նշանակությունն անուրանալի է ՀՀ պաշտպանության և Արցախը հայկական պահելու հարցում․ Ռուբեն Վարդանյան

Լաչինի շրջափակման պատճառով 47 օր Գյումրիում մնացած արցախցի դերասանները վերադարձել են Ստեփանակերտ

Շիրակի մարզային և քաղաքային իշխանության ներկայացուցիչներն այցելել են Ազատամարտիկների պանթեոն (լուսանկարներ)

«Ցանկանում եմ բացառապես հաղթանակներ և անկոտրում կամք մեր զինվորներին». Լևոն Հովհաննիսյան

«Ամուր թիկունք կանգնենք մեր պաշտպաններին, ամրացնենք մեր տղաների հենարանը». Տիգրան Ավինյան

Երուսաղեմում հրեա ծայրահեղականները հարձակվել են հայկական ռեստորանի վրա, մանրամասներ դեպքից․ «Արմենպրես»

Քաղաքացիները հայ-վրացական սահմանն առանց անձնագրի կհատեն համաձայնագրի վավերացումից հետո միայն․ Վրաստանում ՀՀ դեսպանատուն

Մեր ամենօրյա աշխատանքով, ուժերի գերլարումով մշտապես լինելու ենք բանակի կողքին․ Հրաչյա Սարգսյան

Ամերիաբանկը հիփոթեքային շուկայի բացարձակ առաջատարն է 5-րդ տարին անընդմեջ

Արցախի շրջանների գազալցակայանները որոշակի ժամանակահատվածով կվերսկսեն աշխատանքը

Գոհունակությամբ փաստում ենք ՀՀ զինված ուժերի հետ մեր խորացող փոխգործակցության մասին․ ՀՀ-ում ԱՄՆ դեսպանություն

Մենք սխալվելու, հապաղելու իրավունք չունենք, միմյանց նեցուկ լինելով՝ պետք է հայացքներս ուղղենք դեպի բանակը․ Միքայելյան

Մենք կշարունակենք լինել ներգրավված և ճնշում գործադրել․ ԱՄՆ պետքարտուղարը կոչ է արել անհապաղ վերաբացել Լաչինի միջանցքը

Ադրբեջանական հատուկ ծառայությունները Ստեփանակերտի բնակիչներին տարհանելու հերթական կեղծ փաստաթուղթն են տարածում․ ԱՀ ԱԱԾ

ՀՀ կառավարության անդամները, ԱԺ պատգամավորներն ու բարձրաստիճան պաշտոնյաներն այցելել են «Եռաբլուր» (լուսանկարներ)

Առաջնային և հրատապ է ազգային ողջ ներուժի համախմբումը, որպեսզի Հայոց բանակը շուտափույթ հաղթահարի պատերազմի հետևանքները

ՀՀ վարչապետ Նիկոլ Փաշինյանն այցելել է «Եռաբլուր» պանթեոն (լուսանկարներ)

Բանակն ինքնաբավ կառույց չէ, հասարակության խտացված արտացոլանքը և պետական մտածողության բյուրեղացման արդյունքն է․ նախագահ

ՀՀ նախագահ Վահագն Խաչատուրյանն այցելել է «Եռաբլուր» զինվորական պանթեոն (լուսանկարներ, տեսանյութ)

Global Finance. Կոնվերս բանկն առևտրի ֆինանսավորմամբ Հայաստանի առաջատարն է

Բարդ ժամանակներ են, մեզ հզոր թիկունք, անվտանգ ու պաշտպանված սահմաններ են պետք․ Ալեն Սիմոնյան