Կազմակերպողները գեներալ Մանվելի հետ կապ ունեցող մարդիկ են. Արշալույսի համայնքապետը` իր դեմ տեղի ունեցող ցույցերի մասին

Արդեն շուրջ 3 օր է՝ Արմավիրի մարզի Արշալույս համայնքի մի քանի տասնյակ բնակիչներ բողոքի ակցիա են իրականացնում համայնքապետարանի դիմաց: Նրանք դժգոհ են իրենց գյուղապետ, Մանվել Գրիգորյանի եղբորորդի Զարզանդ Գրիգորյանից եւ պահանջում են նրա հրաժարականը:

«Իրենց մի բան է հետաքրքրում, իրենք կարողանան լինել գյուղապետարանում, որ լավ ապրեն»,- այս մասին «Հայկական ժամանակ»-ի հետ զրույցում ասաց Արշալույսի համայնքապետ Զարզանդ Գրիգորյանը:

- Պարոն Գրիգորյան, ո՞րն է պատճառը, որ ժամանակ առ ժամանակ արշալույսցիները ձեր հրաժարականն են պահանջում:

 - Իմ կարծիքով՝ այս կազմակերպողները գեներալ Մանվելի հետ կապ ունեցող մարդիկ են: Ես 3 անգամ ընտրվել եմ, 3 անգամն էլ գեներալ Մանվելը թեկնածու է առաջադրել այստեղ, 3 անգամն էլ այս մարդիկ սատարել են գեներալ Մանվելի թեկնածուին: Հիմա ո՞ւմ կողմից եղան իրենք:

Իրենք իրենց ասելով քայլել են ու կարծում են, որ ես պիտի մի 20 տարի այստեղ չլինեմ, որպեսզի իրենք դառնան գյուղապետ, որ կարողանան լավ ապրել եւ պոմիդոր չհավաքեն: Դե մեր գյուղը ջերմոցային տնտեսությունով գյուղ է եւ պոմիդորը շատ է: Իրենք ասում են՝ մեր հայրերը պիտի պոմիդոր չհավաքեն, որ մենք ապրենք, մենք պիտի գանք գյուղապետարան, որ ապրենք:

- Այսօր է՞լ են ցույցեր իրականացնում:

- Ցույցեր չի, գյուղապետարանի դիմացն են փակել:

- Քանի՞ հոգի կա:

- Իրենք ընդհանուր կլինեն մոտ 20-25 հոգի մարդ:

- Որպես հիմնավորում ի՞նչ են նշում, ինչո՞ւ չեն ուզում, որ դուք շարունակեք պաշտոնավարել:

- Իրենց մի բան է հետաքրքրում, իրենք կարողանան լինել գյուղապետարանում, որ լավ ապրեն: Ես չեմ ուզում, որ մեր արած աշխատանքները` լուսավորության, մանկապարտեզների` քանդվի: Եթե իրենց ձեռքը ընկնի, անպայման քանդելու են, որովհետեւ իրենց կյանքում ոչ մի լավ բան չեն արել:

- Իսկ, եթե գյուղի բնակիչների մեծամասնությունը պահանջի, հրաժարական կտա՞ք:

- Բա մնամ ի՞նչ անեմ: Ես իրենց առաջարկություն եմ արել, շուտով ընտրություններ են լինելու, թող գնան, ժողովրդի հետ աշխատեն, տեսնենք՝ ով կընտրվի:

- Դուք դարձյալ թեկնածություն ե՞ք դնելու:

- Պարտադիր: Մի բան էլ ասեմ, նրանք դեկտեմբերի խորհրդարանական ընտրություններին 2 շտաբ բացեցին, մի շտաբը 41 ձայն տարավ, մյուսը՝ 70-ից մի քիչ ավելի ձայն:

- Իսկ դուք ինչ-որ թեկնածուի պաշտպանե՞լ եք այդ ընտրությունների ժամանակ:

- Մեր գյուղը ունեցել է նաեւ աղջիկ թեկնածու` Թագուհի Ղազարյանը, աջակցել ենք նրան եւ Արգիշտի Մեխակյանին:

- Ոստիկանությունը վերահսկո՞ւմ է իրավիճակը:

- Ոստիկանությունը հիմա այստեղ է, շատ օպերատիվ աշխատում է: Բայց այդ մարդիկ խմող են, կարող է այնպիսի օրինազանցություններ անեն, որ ոչ մեկին դուր չգա: Իրենք 18 տարի քանդել են այս գյուղը Մանվելի գլխավորությամբ:

- Դուք վատ հարաբերությունների մեջ եք չէ՞ Մանվել Գրիգորյանի հետ:

- Մենք արյունակցական կապ ունենք, բայց բարեկամներ չենք, բարի կամեցող չենք իրար, կարելի է ասել՝ թշնամանք կա: Դա էլ իր կողմից է գալիս: Իր կողմից է գալիս, որ ինքն այդ օրը ընկավ: Ոչ մեկ մեղավոր չէ, ինքն է մեղավոր: Ինքն իր անվան դիմաց գրեց այն հարց ու պատասխանը, ինչը այսօր կա: Մեր վարչապետն էլ մեր գյուղի այս ընդդիմադիրներին Արմավիր գնալու ճանապարհին ասել էր՝ տղերք ջան, գնացեք, ժողովրդի հետ խոսեք, ժողովուրդը պիտի ընտրի: Այս տարի էլ ընտրություն կա, էլ ինչո՞ւմն է բանը:

Տպել
2409 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին