ՀԴՄ ներկրող մի շարք կազմակերպություններ կարող են փակվել. ՊԵԿ-ը շտապեցնում է, իրենք` տուժում

Այսօր «Հայկական ժամանակ» օրաթերթի խմբագրությանն են դիմել «Անետսերվիս» ՍՊԸ ղեկավար Գրիգոր Մարկոսյանը, «Դոկտեխնիկ» ՍՊԸ ղեկավար Մերուժան Հովհաննիսյանը եւ «Բուրարսերվիս» ՍՊԸ ղեկավար Արման Մարգարյանը: Նրանք զբաղվում են հսկիչ դրամարկղային մեքենաների (ՀԴՄ) ներկրմամբ:

Նրանք դժգոհում են, որ Պետական եկամուտների կոմիտեն մրցակության անհավասար պայմաններ է ստեղծել: Մասնավորապես ՊԵԿ-ը բազմիցս նշել է, որ ցանկացած մարդ կարող է ներկրել նոր սերնդի ՀԴՄ-ներ, եթե դրանք համապատասխանում են տեխնիկական պահանջներին: Սակայն ՀԴՄ-ներ ներկրող ընկերությունների ղեկավարները մեր զրույցում ասացին, որ այդ պահանջների ընդհանուր փաթեթը ՊԵԿ-ն իրենց տրամադրել է 2018 թվականի դեկտեմբերի վերջին: Նրանք այժմ նմուշներ պետք է ներկրեն, որպեսզի ՊԵԿ-ը տեխնիկապես ստուգի, իսկ թե ինչքա՞ն ժամանակում են ստուգում, ներկրողների խոսքով՝ անորոշ է:

Հիշեցնենք, ՊԵԿ-ը հայտարարել է, որ 2019 թվականի հունվարի 1-ից սկսած բոլոր տնտեսվարողները պարտավոր են ունենալ նոր սերնդի ՀԴՄ-ներ:

Այսինքն, ըստ մեզ դիմած քաղաքացիների, ՊԵԿ-ը մի կողմից ներկրողներին հնարավորություն է տալիս նոր սերնդի ՀԴՄ-ներ ներկրել, իսկ մյուս կողմից շտապեցնում է տնտեսվարողներին, որպեսզի այդ սարքերը գնեն Հսկիչ դրամարկղային մեքենաների ներդրման գրասենյակ» ՊՈԱԿ-ից:

«Դոկտեխնիկ» ՍՊԸ-ի ղեկավար Մերուժան Հովհաննիսյանը նշեց, որ իրենք ՊԵԿ-ի առաջարկած գնից շատ ավելի մատչելի գնով են վաճառելու այդ սարքերը, դրա համար էլ ՊԵԿ-ը շտապեցնում է:

Նրանց խոսքով, այս ամենի արդյունքում իրենց աշխատանքը տուժելու է եւ իրենք ու էլի մի քանի ընկերություններ, որոնք զբաղվում են ՀԴՄ-ների ներկրմամբ, ստիպված են լինելու փակել իրենց ընկերությունները, ինչի արդյունքում ավելի քան 100 աշխատակից գործազուրկ կդառնա:

Նրանք պահանջում են, որ ՊԵԿ-ը մի քանի ամսով գոնե հետաձգի նոր սերնդի ՀԴՄ-ների ներդրումը, որպեսզի թե՛ տնտեսվարողները հնարավորություն ունենան ՀԴՄ-ներն ավելի մատչելի գնով ձեռք բերել եւ թե իրենք հնարավորություն ունենան իրենց գործունեությունը ծավալել. «Իսկ այսպես մենաշնորհի տպավորություն է ստեղծվում»,- նշում են նրանք:

Նշենք, որ 2019 թվականի հունվարի 1-ից բոլոր տնտեսվարող սուբյեկտները պարտադիր պետք է նոր սերնդի ՀԴՄ-ներով աշխատեն: Սա սահմանված է ՀՀ հարկային օրենսգրքի 457-րդ հոդվածի 5-րդ մասով: ՀՀ ԿԱ ՊԵԿ նախագահի 19.01.2018թ.-ի 21-Ա հրամանի համաձայն՝ Հսկիչ-դրամարկղային մեքենայի (մեկ հատի) իրացման գին է սահմանվել 160.000 դրամը: ՊԵԿ հայտարարության համաձայն՝ տնտեսվարողները կարող են հսկիչ դրամարկղային մեքենաների գինը վճարել ամբողջությամբ և միանվագ կամ իրենց ցանկությամբ, 2 տարվա ընթացքում տարաժամկետ վճարումներով՝ ամսական համամասնությամբ:

ՊԵԿ նախագահ Դավիթ Անանյանը լրագրողների հետ զրույցում նշել էր, որ ցանկացած ՀԴՄ, որը կունենա օրենքով սահմանված տեղեկատվությունը պարունակող կտրոնների տրամադրման ֆունկցիա, էլեկտրոնային հարկային հաշիվներ դուրս գրելու հնարավորություն, իդենտիֆիկացիոն քարտերը կարդալու հնարավորություն, կարող են բերվել ու գործարկվել:

«Նոր սերնդի հսկիչ-դրամարկղային PAX S 900 մակնիշի մեքենաները ձեռք են բերվել Չինաստանի «ՊԱՔՍ ԹԵՔՆՈԼՈՋԻ» ՍՊ ընկերությունից: Իսկ ՀՀ կառավարության 08.11.2012թ. թիվ 1419-Ն որոշման համաձայն՝ ՀԴՄ-ների ներկրումը իրականացրել է «Հսկիչ դրամարկղային մեքենաների ներդրման գրասենյակ» պետական ոչ առեւտրային կազմակերպությունը, սակայն ցանկացած տնտեսվարող սուբյեկտ, որը կարող է հարկ վճարողին առաջարկել բոլոր պայմաններին բավարարող ՀԴՄ-ներ, կարող է զբաղվել ՀԴՄ-ների ներմուծմամբ եւ վաճառքով:

Տպել
3350 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան