Ռոբերտ Քոչարյանը այդ օրերին երկու գործողություն է արել. պաշտպանը մանրամասներ է հայտնում

Ռոբերտ Քոչարյանը դատարանում երկու ժամ տեւած ելույթի ժամանակ անդրադարձել է իրեն առաջադրված մեղադրանքի բոլոր դրույթներին:

Այս մասին լրագրողների հետ զրույցում ասաց նրա պաշտպաններից Հայկ Ալումյանը:

Վերջինս հայտարարեց, որ ՀՔԾ-ի գործողություններից չեն ստացել տպավորություն, թե նրանք փորձում են պարզել մարտիմեկյան իրադարձությունների ժամանակ 10 զոհերի մահվան հանգամանքները։ «Մինչեւ հիմա չեմ տեսել, չեմ զգացել, որ ՀՔԾ-ն սպանվածների սպանության հանգամանքների շուրջ լուրջ քննություն իրականացնի: Երկու կողմից էլ զինված մարդիկ եղել են, մի կողմից ոստիկանություն, մյուս կողմից՝ ցուցարարներ եւ խռովարարներ»,- ասաց նա: Հայկ Ալումյանը հայտարարեց, թե երբ լսում է մարտի 2-ին Լեւոն Տեր-Պետրոսյանի եւ Ալեքսանդր Արզումանյանի միջեւ մարտի 1-ի իրադարձությունների վերաբերյալ հեռախոսազրույցը եւ Տեր-Պետրոսյանի խանդավառությունը, չի բացառում, որ զոհերից ոմանք կարող են սպանված լինել խռովարարների կողմից։ «Հենց դատավճիռներից մեկով հաստատվել է, որ, օրինակ՝ ցերեկը ոստիկանին ծեծել են ու ձեռքից խլել ատրճանակը։ Տեսել եք տեսանյութը, որ ցուցարարների շարքից մեկը կրակահերթեր է արձակում ոստիկանական ուժերի ուղղությամբ։ Հենց այդ ամեն ինչը պետք է պարզվի։  Պարզված չէ, թե որ կողմից է սպանվածը եղել...։ Դրա համար եմ ասում՝ մենք ենթադրությունների վրա չպետք է հիմնվենք։ Պետք է սկզբում քննվեն 10 զոհերի սպանության հանգամանքները, նոր մնացած հետեւություններն արվեն»։

Հարցին, թե Քոչարյանն իր ելույթում նշել է այն, ինչ ինքը ներկայացրե՞ց, Ալումյանը պատասխանեց՝ ոչ այս աստիճանի մանրամասնորեն: «Ինքն ասաց, որ ըստ էության ինքը այդ օրերին արել է երկու գործողություն՝ հրավիրել է փետրվարի 23-ի խորհրդակցությունը եւ մարտի 1-ին հայտարարել է արտակարգ դրություն: Արտակարգ դրություն հայտարարելու մասին իր հրամանագիրը մինչեւ այսօր Սահմանադրական դատարանում որեւէ մեկը չի վիճարկել, ավելին՝ ԱԺ-ն քննարկել է եւ գտել, որ արտակարգ դրություն հայտարարելը անհրաժեշտ է եւ օրինական: Իրեն մեղսագրվում է այդ խորհրդակցությունն անցկացնելը եւ արտակարգ դրություն հայտարարելը: Երկուսն էլ իրենց մեջ որեւէ բան չեն պարունակում, որը կարող էր գնահատվել որպես Սահմանադրական կարգի տապալում»,- ասաց պաշտպանը:

Մեր դիտարկմանը՝ կադրեր կան, թե ինչպես է մինչ արտակարգ դրություն հայտարարելը զինտեխնիկա տեղակայվել Երեւանում, արդյոք դա չի՞ նշանակում, որ մինչ հրամանագիրն է բանակը ներգրավվել ներքաղաքական զարգացումներին, Ալումյանը բացասական պատասխան տվեց՝  հավելելով. «Մեղադրանքի մեջ կա իբր թե զինված ուժերը օգտագործվել են դեռեւես մինչեւ մարտի 1-ը: Բոլորը գիտեն, որ մինչեւ մարտի 1-ը զինված ուժեր հաստատ չեն օգտագործվել. իրեն մեղսագրվում է բանակն օգտագործելու գործընթացքը ի թիվս այլի, բոլորդ հո գիտեք, որ համենայնդեպս մինչեւ մարտի 1-ը բանակի օգտագործման մասին խոսք լինել չէր կարող: Մինչեւ մարտի 1-ը ռազմական դրություն Երեւանում որեւէ մեկը տեսե՞լ է։ Գլխավոր շտաբի պետը (Արտակ Դավթյանը) հայտարարեց, որ բանակին կրակելու հրաման չի տրվել։ Ոչ ոք չկա, որ ասի՝ բանակին այդ օրերին կրակելու հրաման է տրվել»։

Վերաքննիչ բողոքի քննությունը կշարունակվի փետրվարի 4-ին ժամը 12:00-ին:

Տպել
2585 դիտում

Սերժ Սարգսյանի, նախկին նախարարի եւ մյուսների գործն ուղարկվել է դատարան

«Ryanair»-ի՝ Միլան-Երևան չվերթի մի քանի տասնյակ ուղևոր մնացել է Միլանի օդանավակայանում

ԱՄՆ-ի և Թուրքիայի նախագահները հեռախոսազրույց են ունեցել

Վթար Գյումրի-Վանաձոր ավտոճանապարհին. մեքենաներից մեկը բռնկվել է, կա 3 տուժած

Զոհրաբ Մնացականյանը հանդիպում է ունեցել ԵԱՀԿ Մինսկի խմբի համանախագահների հետ

Վարդենյաց լեռնանցքը բեռնատարների համար փակ է, իսկ մարդատարների համար՝ դժվարանցանելի

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 2 հա տարածք

Արա գյուղ-Եղվարդ ճանապարհին մեքենան շրջվելով՝ հայտնվել է դաշտում. վարորդը մահացել է

Կրակոցներ Երեւանում. հայտնաբերվել են մեծ թվով պարկուճներ, գնդակներ, ատրճանակ, չկրակված փամփուշտներ

Արցախում կրակոցից 19-ամյա զինվոր է վիրավորվել. վիճակը գնահատվում է ծանր

Հայաստանից Վրաստան մեկնող մի խումբ ուղեւորների թույլ չի տրվել հատել սահմանը. մեքենայում գտնված 2 չինացիները ջերմել են

Մեջը ուժ չկա, առյուծի թևերը կապ չունեն կենդանու հետ, թրերը հայկական չեն. քննարկվում է ՊՆ նոր տարբերանշանը

Բժշկասանիտարական հսկիչ կետերը օդանավակայաններում մշտական հսկողություն են իրականացնում ՀՀ ժամանող ուղեւորների նկատմամբ

Տիգրան Ավինյանը Գորիսում մասնակցել է Հայոց բանակի օրվան նվիրված միջոցառումներին

Բերման ենթարկված Նարեկ Սամսոնյանն ազատ արձակվեց

Փոխվարչապետ Մհեր Գրիգորյանը Սիսիանում մասնակցել է Բանակի 28-րդ տարեդարձին նվիրված միջոցառումներին

Աշտարակում ջրի խնդիրն ապակենտրոնացված ձեւով են լուծել. քաղաքի ծայրամասերում մշտական ջրամատակարարում կա, կենտրոնում՝ չէ

Թրամփի փաստաբանները կարծում են՝ Զելենսկին ունեցել է հանդիպում ԱՄՆ-ի նախագահի հետ, նորի կարիքը չկա

«Էրեբունի պլազա» ներխուժած երիտասարդը ցանկացել է Սեդրակ Քոչարյանից պարզել, թե ինչու են իրեն ծրագրավորել. պաշտպան

Հայտնի են «Դեպի Եվրատեսիլ» նախագծի 20 մասնակիցները