Ինչո՞ւ. աղջիկ երեխան անցանկալի է

02/02/2019 schedule15:50

Տպագրվել է «Հայկական Ժամանակ» օրաթերթի՝ 2006 թվականի փետրվարի 1-ի համարում

Եթե արհեստական միջամտություն չլինի, ապա ամբողջ աշխարհում իգական սեռի երեխաներն ավելի շատ կծնվեն: Դա ունի իր կենսաբանական պատճառաբանությունը եւ պայմանավորված է կնոջ ու տղամարդու քրոմոսոմներով: Սակայն աշխարհի շատ երկրներում, մասնավորապես՝ Հայաստանում, հակառակ միտումն է նկատվում: Ավելի շատ ծնվում են տղա երեխաներ: Դրա վառ ապացույցն է, օրինակ, մեր երկրում անցյալ եւ նախանցյալ տարիներին ծնված երեխաների սեռի մասին Ազգային վիճակագրական ծառայության տվյալները: Այսպես, 2004 թվականին ծնված 37 հազար 520 երեխայից 20 հազար 328-ը տղա են եւ միայն 17 հազար 192-ը՝ աղջիկ: 2005 թվականին ծնվել է 37 հազար 509 երեխա, այդ թվում՝ 20 հազար  219 տղա եւ 17 հազար 290 աղջիկ:

Փաստորեն, անցած երկու տարիներին էլ ծնված տղաների թիվը մոտավորապես 3000-ով գերազանցել է աղջիկների թվին: Ինչո՞ւ: Այդ ինչպե՞ս է պատահում: Ասում են՝ պատերազմ տեսած երկրների համար դա օրինաչափ է: Այսինքն՝ պատերազմից հետո բնությունը լրացնում է տղամարդկանց շարքերում առաջացած բացը: Գուցե սեռերի այսպիսի տարբերության հարցում առկա է նաեւ այդ երեւույթը, սակայն ծնված տղաների թվաքանակի առավելության պատճառն ավելի շատ մոր ցանկությամբ հղիության արհեստական ընդհատումներն են, եթե սեռը որոշելուց հետո պարզվում է, որ աղջիկ երեխա է ծնվելու:

Հայաստանի «գենդերիստները», որոնք զբաղվում են կնոջ ու տղամարդու իրավահավասարության խնդիրներով կամ, ավելի ճիշտ, նրանց իրավունքների անհավասարությունն ու կանանց նկատմամբ խտրականության դրսեւորումները վերհանելով, այս վիճակագրությունը տեսնելուց հետո մեկ անգամ եւս կասեին, թե կնոջ իրավունքները ոտնահարվում են նույնիսկ դեռ չծնված: Այս դեպքում արդեն՝ նրանց ապրելու իրավունքը: Պատմությանը շատ ավելի դաժան դեպքեր են հայտնի: Օրինակ, դեռեւս ոչ վաղ անցյալում՝ 20-րդ դարում, բեդվինները ավազի մեջ բացած փոսերի վրա էին ծննդաբերում, եւ եթե ծնված երեխայի սեռն իրենց ձեռք էր տալիս, վերցնում էին, եթե ոչ՝ ավազով ծածկում ու հեռանում: Այդ «բախտին», որպես կանոն, արժանանում էին իգական սեռի երեխաները:

Այդաստիճան դաժանություն մեզանում թերեւս չի հանդիպել, սակայն ամեն դեպքում աբորտները նույնպես անմեղ քայլ համարել հնարավոր չէ: Գինեկոլոգ-էնդոկրինոլոգ Ժաննա Հակոբյանը նշում է, որ կանայք առաջին հղիության դեպքում սովորաբար աբորտների չեն գնում եւ ծննդաբերում են՝ անկախ երեխայի սեռից, իսկ արդեն հետո ապագա երեխայի սեռը որոշիչ դեր է խաղում նրա լինել-չլինելու հարցում: Սեռը որոշելու հնարավորությունն էլ գիտությունը լիուլի ընձեռում է, եւ գրեթե անշեղորեն կարողանում են դա որոշել: Կարո՞ղ եք հիշել վերջին երկու տասնամյակում ձեւավորված որեւէ ընտանիք, որտեղ 4, 5 կամ լավագույն դեպքում 3 աղջիկ երեխա լինի: Հիշողության մեջ պրպտումները գոնե մեզ փակուղի են տանում:

Իսկ նախկինում, երբ երեխայի սեռը նախապես պարզելու հնարավորություն չկար, նման ընտանիքներ գտնելու համար երկար մտածելու կարիք չէր լինի: Տղա երեխաներին նախապատվություն տալը Ժաննա Հակոբյանը բացատրում է մեր ազգային մենթալիտետով՝ միեւնույն ժամանակ նշելով, որ դրա պատճառները չենք էլ կարողանում բացատրել: Հաճախ իսկապես չենք  կարողանում բացատրել, դա պարզապես ենթագիտակցության մեջ է նստած: Թերեւս դրա արմատները ձգվում են մինչեւ հնագույն ժամանակներ, երբ տղա երեխայի ծնունդը համընդհանուր ուրախության պատճառ էր դառնում, իսկ աղջկանը՝ հակառակը, որովհետեւ, օրինակ, աղջկան ամուսնացնելիս ընտանիքը մեծ ծախսեր պիտի աներ՝ օժիտ եւ այլն: Բացի այդ, ընտանիքում ծնված յուրաքանչյուր անդամ դիտվում էր որպես հավելյալ աշխատուժ, իսկ աղջկան մեծացնելն ու նաեւ որպես աշխատուժ մեկ ուրիշ ընտանիքի տալն այնքան էլ չէր ոգեւորում նրա ծնողներին:

Աննա Զախարյան

Տպել
1327 դիտում

Փրկարարներն արգելափակումից դուրս են բերել ավտոմեքենաները

Անցնող շաբաթ հակառակորդը արցախա-ադրբեջանական հակամարտ զորքերի շփման գոտում հրադադարի ռեժիմը խախտել է շուրջ 220 անգամ

ՊԵԿ նախկին նախագահ Գագիկ Խաչատրյանին կանչել են Ազգային անվտանգության ծառայություն

ՀՀ ԱԳՆ Զոհրաբ Մնացականյանը հանդիպել է Միացյալ Թագավորության Եվրոպայի եւ Ամերիկայի հարցերով պետնախարար Ալեն Դանքնի հետ

Երեւանի Նոր Նորք վարչական շրջանում շղթայական ավտովթար է տեղի ունեցել

Երկրապահը պետք է լուծարվի․ Ժիրայր Սեֆիլյան

Զոհրաբ Մնացականյանը հանդիպել է Եգիպտոսի արտաքին գործերի նախարար Սամեհ Հասան Շուքրիին

ՀՀ տարածքում կան դժվարանցանելի ավտոճանապարհներ․ Վարդենյաց լեռնանցքում մառախուղ է

ՀՀ ՊՆ Դավիթ Տոնոյանն աշխատանքային այցով ժամանել է Արաբական Միացյալ Էմիրություններ

Յուրացման խոշոր դեպք է բացահայտվել Գեղարքունիքի Ջիլ համայնքում (տեսանյութ)

Խորհրդակցություն ԱԻՆ-ում. Շիրակի մարզում կկառուցվեն նոր հրշեջ-փրկարարական ջոկատներ

Արմեն Սարգսյանը հանդիպել է Ալբանիայի նախագահի հետ

«Հումորի լիգայի» լավագույն թիմերը հանդես կգան ներկայացմամբ

Դիմակները պատռելու ժամանակը. խմբագրական

Մանվել Գրիգորյանի պաշտպանը դադարեցնում է պաշտպանությունը զինվորի հացը յուրացնելու մասով

«Բոհեմ» թատրոնը նորամուծություն ունի, որով, ըստ Դուրյանի, առաջինն է ՀՀ-ում

Հրշեջները մարել են Երևանի Սեբաստիայի փողոցում բռնկված հրդեհը

Ավետիք Իսահակյանի անվան գրադարանը կընդլայնվի. ամեն օր մինչեւ 1500 այցելու է ունենում

Ռուսաստանաբնակ բժիշկ Գեւորգ Ստեփանյանի խափանման միջոցը փոխվել է

Ստաս Միխայլովը երեւանյան համերգի ընթացքում խոստանում է անակնկալներ