Բանկոմատների՝ պայթեցման, տեղափոխման, լազերով, ուժային գործիքներով վնասման ցանկացած փորձ կձախողվի. բանկերի միություն

04/02/2019 schedule18:18

Հայաստանի բանկերի միությունը հայտարարությամբ է հանդես եկել՝ անդրադառնալով բանկերի վրա ավազակային հարձակումների գործելու դեպքերին: Միության հանրային կապերի ծառայության տարածած հայտարարության մեջ շեշտվում է, որ բանկոմատների գազով պայթեցման, տեղափոխման, լազերով կամ ուժային գործիքներով վնասման ցանկացած փորձ կձախողվի՝ դրանով իսկ հանցագործության կատարումը դարձնելով անիմաստ:

Հայտարարությունը ներկայացնում ենք ստորև.

«Վերջին տարիներին ականատեսը եղանք բանկերի վրա ավազակային հարձակումներ կատարելու տարբեր միջադեպերի:

Այս արատավոր երևույթը ժամանակ առ ժամանակ հիշեցնել է տալիս իրեն ու բացասական ազդակներ հաղորդում մեր հասարակության խաղաղ կենսագործունեությանը:

Նկատի ունենալով խիստ դատապարտելի այդ արարքների հանրային հնչեղությունը՝ ցանկանում ենք փաստել, որ Հայաստանի բոլոր բանկերում առկա են անվտանգության ժամանակակից համակարգեր, իրականացվում է համակողմանի պահպանություն, ձեռնարկվել և ձեռնարկվում են անհրաժեշտ բոլոր միջոցառումները հնարավոր միջադեպերը կանխարգելելու, իսկ միջադեպերի դեպքում՝ հնարավոր հանցագործներին անմիջապես վնասազերծելու ուղղությամբ:

Հավելենք նաև, որ մինչ այժմ իրականացված նմանատիպ հանցագործությունների բոլոր դեպքերը բացահայտվել են:

Հայաստանի բանկային համակարգում պահպանության ամրապնդման և անվտանգության ապահովման նպատակով պարբերաբար ներդրվում են նորարարական տեխնոլոգիաներ. մասնավորապես, ՀՀ տարածքում թղթադրամների հափշտակումը կանխելու և բանկոմատների անվտանգությունն ապահովելու նպատակով բանկոմատները համալրվել են թղթադրամների ներկման համակարգերով: Այդ համակարգերը համարվում են ժամանակակից արդյունավետ միջոցներից մեկը, որոնք բանկոմատների վրա ցանկացած հարձակման փորձի դեպքում անհրաժեշտ պահին գունաներկում են բանկոմատում առկա բոլոր թղթադրամները չմաքրվող թանաքով՝ դրանով իսկ անհնար դարձնելով թղթադրամների հետագա օգտագործումը: 

Անվտանգության նշված համակարգերը երաշխավորում են, որ բանկոմատի մեջ գազի, ջրի, ցանկացած այլ նյութի մղման դեպքում հատուկ ներկանյութը անմիջապես կներկի բոլոր թղթադրամները, ընդ որում՝ յուրաքանչյուր թղթադրամի մակերեսի առնվազն 20%-ը: Այլ կերպ ասած՝ բանկոմատների գազով պայթեցման, տեղափոխման, լազերով կամ ուժային գործիքներով վնասման ցանկացած փորձ կձախողվի՝ դրանով իսկ հանցագործության կատարումը դարձնելով անիմաստ: Ընդ որում, այս ամենը ապահովում են համակարգերում այնպիսի ցուցիչների առկայությունը, ինչպիսիք են լույսի, ջերմաստիճանի, սեյսմիկության, 3G, դռան անօրինական բացման, բանկոմատների թեքման և այլն:

Բանկոմատներում տեղադրված ներկման համակարգերի առավելությունը կայանում է նաև նրանում, որ համատեղելի են պոլիմերային և կիսապոլիմերային թղթադրամների հետ:

Միաժամանակ պետք է ընդգծել, որ այս համակարգի արդյունավետությունն արդեն իսկ նկատվել է, քանի որ ձախողվել են բանկոմատների հափշտակության մի քանի դեպքեր:

Այս ամենով հանդերձ անհրաժեշտ ենք համարում իրազեկել, որ բանկերի անվտանգության համակարգերի ներկայիս վերազինման պարագայում նմանատիպ յուրաքանչյուր փորձ ունենալու է անփառունակ վախճան՝ իր բոլոր իրավական հետևանքներով»:

Տպել
1513 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)