Քննությունները մոտենում են. տագնապած են ուսուցիչներն ու աշակերտները. 1 տեքստ, 36 առաջադրանք

Հանրակրթական դպրոցներում համոզմունք կա, որ այս տարի ավարտական քննություններն անցնելու են անհամեմատ խիստ պայմաններում, ու հատկապես՝  9-րդ դասարանի հայոց լեզվի քննությունը, որն, ինչպես հայտնի է, լինելու է կենտրոնացված՝ դպրոցից դուրս՝ առանձին քննական կենտրոններում՝ ԳԹԿ ներկայացուցիչների վերահսկողությամբ:

Ու դա նոր թափ է հաղորդել մասնավոր պարապմունքներին: Աշակերտները վախենում են, որ կտապալեն քննությունները: Մտավախություններ ունեն նաեւ ուսուցիչները: Երեւանի Վլ. Մայակովսկու անվան համար 7 դպրոցում այդ անհանգստությունները կրկնապատկված են, որովհետեւ այստեղ կան ռուսական դասարաններ, որտեղ սովորում են նաեւ օտարերարկրացի երեխաներ: Մեր այցելության պահին փոխտնօրենն իր աշխատաեսանյակում պարապմունք էր անցկացնում 9-րդ դասարանցի մի քանի աշակերտների հետ: Նրանք, սակայն, ազգությամբ հայեր էին եւ, բացի մեկից, այս դպրոց են հաճախում առաջին դասարանից: Ասացին, որ օրվա դասերն արդեն ավարտվել են եւ հետո են սկսել պարապել:

Մանկավարժները մեր զրույցում կարծիք էին հայտնում, որ կրթության ոլորտի պատասխանատուները շտապել են՝ որոշելով, որ հիմնական դպրոցում հայոց լեզվի ավարտական քննությունները պետք է հանձնեն կենտրոնացված կարգով: Միեւնույն ժամանակ պնդում էին, գիտելիքների ստուգումը իրենց մոտ անցկացվելու դեպքում էլ խստության պակաս չի զգացվել: Հայոց լեզվի եւ գրականության ուսուցչուհի, մեթոդմիավորման նախագահ Հասմիկ Դարբինյանը նկատեց, որ նախորդ երկու տարիներին 9-րդ դասարանցիների՝ այդ առարկայից քննությունը եղել է փոխադրության տեսքով, իսկ դրանից առաջ էլ թեստերն առավել մատչելի էին: Նա չի բացառում, ռուսական դասարաններում սովորող երեխաներն այս տարի չեն կարողանալու հաղթահարել անգամ նվազագույն դրական միավորի շեմը:

«Ռուսական դասարանում, նունիսկ հայկական դասարանում սովորող երեխաները չեն կարող այդ աստիճան խորը գիտելիքներ ունենալ, որ կարողանան քննություն հանձնել: Շատ լավ է, որ տանում են ԳԹԿ, բայց տանելուց առաջ երեխաներին գոնե բավականին ժամանակաշրջան էր պետք, որ սովորեին, գիտելիք ունենային: Ճիշտ կլինի, որ 9-րդ դասարանում լինի թելադրություն, իսկ այն երեխաների համար, որոնք ռուսական դասարանում են սովորում, ընդհանրապես պետք է հեշտացրած ծրագիր լինի, որովհետեւ իրենք կտապալվեն: Մենք աշակերտներ ունենք Չինաստանից, Կորեայից եկած: Երեխաները պետք է 7-9-րդ դասարանի ամբողջ նյութը իմանան, որ կարողանան տեղայնացնեն, թեստի վրա աշխատեն: Մի բան մի մոռացեք. եթե անցնում են նորամուծության, ժամանակ է պետք: Գոնե երկու տարի պետք է լինի, որ մարդը կարողանա հասցնել: Մի բան անելուց առաջ պետք է նախ եւ առաջ ուսուցիչների հետ քննարկել՝ ի վիճակի՞ ենք, կարո՞ղ ենք, թե՞ չէ: Շատ լավ է, որ գիտելիքը կարեւոր է, բայց գուցե ժամանակ տանք, որ երեխաները հասցնեն»,- ասաց Հասմիկ Դարբինյանը՝ ընդգծելով, որ 9-րդ դասարանի դասագիրքը նույնպես անհաջող ու թերի է: «Քննությունները պետք է մի քիչ հեշտացնել: Մեր մայրենին այնքան են բարդացնում, որ երեխաների մոտ ատելություն է առաջանում: Ինչու պիտի անգլերեն սովորեն, ձգտեն, ուզենան իմանալ, բայց հայերենից խույս տան»,- հարցադրում արեց նա:

Հայոց լեզվի եւ գրականության ուսուցչուհի, Մայակովսկու անվան դպրոցի փոխտնօրեն Նարինե Սարգսյանը, որն արդեն ընդհատել էր պարապմունքը, հավաստիացրեց, որ մնացած աշակերտներին նույնպես նախապատրաստում է առաջիկա քննությանը: «Ամեն միջոց կիրառում ենք. դասերից հետո, եթե չեն հասկացել, գալիս են, բացատրում ենք, տնային հանձնարարությունները տալիս ենք, զգուշացնում ենք՝ եթե չեք կարողանում կատարել, ոչինչ, մեզ հետ կապ պահպանեք, որեւէ կերպ կարողանանք ձեզ բացատրել: Թեստերում տրված է «կթղա» բառը, ռուսական դասարանում սովորող երեխան, որ հայերենի հետ առնչվում է ընդամենը դպրոցի շրջանակներում, չգիտի «կթղա» բառի բացատրությունը: Եվ այդպիսի ինչքան բառեր կան: Կան երեխաներ, որ տանը խոսում են ռուսերեն, հատկապես այլազգիներ կան, որոնց տանը ընդհանրապես չեն տիրապետում լեզվին, այդ երեխաների վիճակը իսկապես անելանելի է: Պրակտիկորեն պիտի ուսուցիչների կարծիքը նկատի ունենային, պիտի խորհրդակցեին, պիտի հետաքրքրվեին, չէ՞ որ բազմաշերտ է դպրոցը»,- ասաց նա:

Մեր զրուցակից ուսուցիչները նկատում էին, որ մշտապես, տարվա այս կամ այն ժամանակահատվածում դպրոց է ընդունվում օտարերկրացի որեւէ երեխա, եւ իրենք կանգնում են բարդ խնդրի առաջ՝ աշխատել նորեկի հետ, որը հաճախ անգամ տառերը չի իմանում ու միեւնույն ժամանակ բավարար ուշադրության արժանացնել մյուսներին: «Ենթադրենք յոթերորդ դասարանում գալիս է նոր երեխա, դասարանում նստած է երեսուն աշակերտ, հիմա ուսուցչուհին աշխատի 30 աշակերտի հետ, թե այդ երեխայի հետ անցնի տառ: Սովորաբար դասարանում լինում է 5-6 աշակերտ, որոնք հայերենի տարբեր իմացություն ունեն, մեկը տառերը նոր է վերջացրել, մեկը նոր պիտի անցնի, ու դու պիտի հասցնես ամբողջ դասարանի հետ աշխատել 45 րոպեի ընթացքում»,- նկարագրեց Նարինե Սարգսյանը:

Գործընկերները հիշեցին, որ մոտավորապես տասը տարի առաջ Լեզվի տեսչության աշխատակիցն այցելում էր դպրոց եւ այն աշակերտների համար, որոնք նոր էին սկսում սովորել լեզուն, դասերից հետո կազմակերպում էին անվճար պարապմունքներ, նրանց հասցնում էին մի որոշակի մակարդակի, որը թույլ էր տալիս դասընկերների հետ քիչ թե շատ համընթաց առաջ գնալ: Ուսուցիչներն առաջարկում են այդ ավանդույթը վերականգնել, այլապես իրենք ֆիզիկապես ի վիճակի չեն այս պայմաններում աշխատել:

Հ.Գ. ԳԹԿ պաշտոնական կայքէջում հրապարակված ուղեցույցից տեղեկանում ենք, որ հիմնական դպրոցի՝ 9-րդ դասարանի հայոց լեզվի ավարտական քննության թեստը բաղկացած է տեքստից եւ տեքստի հիման վրա կազմված 36 առաջադրանքներից: Տեքստը կարող է լինել գեղարվեստական կամ գիտահանրամատչելի: Գեղարվեստական տեքստը ընդգրկում է 300-400 բառ, գիտահանրամատչելի տեքստը՝ 200-300 բառ: Առաջադրանքներից 20-ը ընտրովի պատասխանով են (տրվում են 4 տարբերակներ, որոնցիցի միայն մեկն է ճիշտ), 15-ը՝ կարճ պատասխանով՝ տրված հարցի պատասխանի ինքնուրույն դուրսբերմամբ, 1-ը՝ շարադրանք:

Ընտրովի եւ կարճ պատասխանով յուրաքանչյուր առաջադրանքի ճիշտ պատասխանին տրվում է 1 միավոր: Թեստի առավելագույն միավորը 40 է, որը համապատասխան սանղակի միջոցով բերվում է 20 միավորանոց համակարգի: Թեստի առաջադրանքները լուծելու եւ պատասխանների ձեւաթուղթը լրացնելու համար հատկացվում է 120 րոպե:

Տպել
10265 դիտում

Մերձավանի համայնքապետի ԺՊ-ի և «Ադիբեկ» ՍՊԸ տնօրենի ջանքերով համայնքում ճանապարհների բարեկարգումներ են իրականացվում

Գյումրին տոնածառ ու տոնական միջոցառում կունենա, կլինի հյուրասիրություն ավագանու անդամների և կառույցի աշխատակիցների համար

Կոկաին ու մեթադոն Երևան առաքած տղամարդը կալանավորված է. ոստիկանության և ՊԵԿ բացահայտումը (տեսանյութ)

Գիտության ոլորտի ֆինանսավորման աճը պետք է նպաստի ոչ միայն աշխատավարձի բարձրացմանը, այլև կոնկրետ արդյունքներ արձանագրմանը

ՀՀ նախագահ Արմեն Սարգսյանը հանդիպել է Վանո Սիրադեղյանի դստեր հետ

Աշխատանքներ են տարվում մոլորված և Ադրբեջանի ԶՈՒ վերահսկողության տակ հայտնված արցախցուն վերադարձնելու ուղղությամբ. ԱՀ ԱԱԾ

«Արմավիր» ՔԿ-ում կարկանդակների միջոցով թմրանյութեր փոխանցելու փորձ է արվել (լուսանկարներ)

Ռազմական օդաչուներն ուսումնավարժական թռիչքներ են իրականացնում (լուսանկարներ)

Այս ընտրությունները լոկ համայնքի ղեկավար ընտրելու համար չեն, դրանք քաղաքական թիմի ընտրություններ են. Արսեն Թորոսյան

Հայաստանում նոր մասնավոր թատրոն է հիմնադրվել. ովքեր են գաղափարի հեղինակները և հետագայում ում անունը կկրի այն

157 ապօրինի հատված ծառեր՝ «Տաշիրի անտառտնտեսության» մասնաճյուղերում. դատախազությունում քրեական գործ է հարուցվել

2022-ին գիտության ֆինանսավորումը այս տարվա համեմատ կաճի շուրջ 85 տոկոսով. վարչապետ (տեսանյութ)

Նախագահական նստավայրում տեղի է ունեցել դատավորների երդման արարողություն (տեսանյութ)

Երևան-Սպիտակ ավտոճանապարհին բազմաթիվ բեռնատարներ են արգելափակվել (լուսանկարներ)

Նախադպրոցական հաստատություններում մանկավարժները կընտրվեն մրցույթով. նոր նախագիծ

Պատերազմի վերաբերյալ Սամվել Բաբայանի հայտարարություններն ուղարկվելու են հետաքննության մարմնին. Գոռ Աբրահամյան

Թուրքիան նոր ռազմական գործողություն է սկսել քուրդ զինյալների դեմ

Հաշմանդամությունը՝ անկախ տեսանելի կամ ոչ տեսանելի լինելուց, մարդու մեկուսացման պատճառ չպետք է լինի. ՄԻՊ

Գյումրու բյուջեից Ամանորի առթիվ դրամական աջակցություն կստանան նաև անհետ կորած և գերեվարված զինծառայողների ընտանիքները

Հայաստանի ու Նիդերլանդների ԱԳ նախարարները խոսել են ղարաբաղյան պատերազմի հետևանքների ու հումանիտար խնդիրների մասին

Արմեն Սարգսյանն ընդունել է Հայաստանում Ռուսաստանի Դաշնության դեսպան Սերգեյ Կոպիրկինին

Մերկելը լքում է կանցլերի պաշտոնը պանկ ռոք-աստղ Նինա Հեյգենի երգի հնչյունների ներքո (տեսանյութ)

Մենք գալիս ենք՝ կյանքի որակի հեղափոխություն իրականացնելու. Պավել Ցուգունյան

Վանաձոր-Դիլիջան ճանապարհը փակ է, Հայաստանի մի մասի ավտոճանապարհներին՝ մերկասառույց

Արցախում կորոնավիրուսով վարակված 17 մարդու վիճակը ծայրահեղ ծանր է, գրանցվել է 1 մահ

Քարաթափման հետևանքով փակված Եղեգնաձոր-Գետափ ավտոճանապարհը միակողմանի բացվել է

Կորոնավիրուսի ցուցանիշները նվազում են. 1 օրում հաստատվել է 399 նոր դեպք, գրանցվել՝ 13 մահ

Հայաստանի և Հունաստանի ԱԳ նախարարները մտքեր են փոխանակել ԼՂ հակամարտության կարգավորման գործընթացի շուրջ

Նախագահի հրամանագրով՝ Եվրոպայի խորհրդում Հայաստանի մշտական ներկայացուցիչ է նշանակվել

Հերմինե Հարությունյանը վարչապետի աշխատակազմում պաշտոնի է նշանակվել

Խոշոր հրդեհ Չարենցավանում. բնակարանում հայտնաբերվել է կնոջ կիսամոխրացած դի

Նոյեմբեր ամսվա ընթացքում Արցախում 178 ծնունդ է գրանցվել. այս թիվը ռեկորդային է պատերազմից ի վեր. ԱՀ նախագահ

Հայաստանի մի շարք ավտոճանապարհների մերկասառույց է

Երևանի ու 7 մարզերի մի քանի տասնյակ հասցեներում հոսանքազրկումներ կլինեն

ԵԱՀԿ Մինսկի խմբի համանախագահող երկրների ԱԳ նախարարները ԼՂ-ի վերաբերյալ հայտարարություն են ընդունել (տեսանյութ)

Հայաստանի տարբեր ավտոճանապարհներին 7 մեքենա է դուրս բերվել արգելափակումից

Դավիթ Բեկի փողոցում տեղի է ունեցել ավտովթար՝ հրդեհի բռնկմամբ. տուժածներից մեկը ծանր վիճակում է

Իշխանության յուրացման փորձ կատարելու համար մեղադրվողների գործն ուղարկվել է դատարան

Գեղարքունիքի մարզպետն ու Ռուսաստանի դեսպանը քննարկել են տարածաշրջանում սոցիալ-տնտեսական զարգացման հարցերը

Արմավիրի մարզում պատվաստվել է 104 889 քաղաքացի