Գիտական, գիտատեխնիկական գործունեության բազային ֆինանսավորումը կտրվի անցյալ տարվա պես․ Արայիկ Հարությունյան

Կառավարությունն այսօր որոշեց մեկ տարով երկարացնել գիտական ու գիտատեխնիկական գործունեության բազային ֆինանսավորումը՝ մինչեւ կհստակեցվեն մրցույթի պայմանները: 

Այսօր՝ փետրվարի 6-ին, ՀՀ կառավարության նիստից հետո ՀՀ կրթության եւ գիտության նախարար Արայիկ Հարությունյանը լրագրողների հետ հանդիպմանը հայտնեց, որ բուհերի դասախոսներին մտահոգող խնդրին լուծում է տրված: Հարությունյանն ասաց, որ որեւէ դասախոս չի կրճատվելու։

Նախարարը նշեց, որ այս որոշմանն են հանգել, քանի որ նախ որոշակի վերապահումներ ունեին գիտնականները, ապա մրցույթների կազմակերպման հետ կապված խնդիրներ կլինեին՝ ժամկետների առումով․

«Բազային ֆինանսավորումը կտրվի, ինչպես անցյալ տարի էր, հետագա ընթացքն արդեն ըստ իրենց վարկանիշավորման կլինի»,- ասաց Արայիկ Հարությունյանը՝ նշելով, որ իր համար գիտնականների մտահոգությունը մասամբ հասկանալի է, մասամբ՝ ոչ․

«Այս մրցույթի անցկացման ժամանակ նրանք մի փոքր ավելի ջանք պետք է գործադրեին եւ իրենց արդյունքները ցույց տային, բայց հիմա, նաեւ գիտության պետական կոմիտեի միջոցով, նրանց հետ քննարկմամբ այդ արդյունքներն ավելի երկար ժամանակում վեր կհանենք, կհասկանանք՝ որոնք են արդյունավետ աշխատում, եւ այլն»։

Արայիկ Հարությունյանը լրագրողների հետ զրույցում հայտնեց, որ այս պահին կա ԿԳ նախարարի հրամանի նախագիծ, որով գնահատվելու են ինստիտուտների, գիտահետազոտական կենտրոնների արած աշխատանքները, արդյունքները, նրանց պոտենցիալը, եւ արդեն ըստ այդ վարկանիշավորման` կառաջարկեն, որ 2020-ից ավելի արդյունավետ ֆինանսավորում լինի:

Նախարարի խոսքով՝ նախագիծը գիտնականների հետ լայն քննարկման կդրվի։

Լրագրողի հարցին՝ եթե նախորդ տարեվերջին ընդունվեց ֆինանսավորման մեթոդը փոխելու որոշում, ապա հիմա ինչո՞ւ է «մեղայականով» այլ որոշում բերվել, Արայիկ Հարությունյանը պատասխանեց․

«Սա կռիվ-կռիվ չէ, որ մեղայականով-չմեղայականով քննարկումներ լինեն։ Հասարակության ձայնը լսում ենք, ասում եք՝ ինչո՞ւ եք մեղա գալիս, չենք լսում, ասում եք` բիրտ ուժ եք կիրառում: Ըստ նպատակահարմարության ընդունվեց այս որոշումը, որը, կարծում եմ, եւ՛ Կառավարության, եւ՛ ԿԳՆ-ի, եւ՛ Գիտության կոմիտեի համար, որ մրցույթ պետք է անցկացներ, եւ՛ գիտնականների համար փոխադարձ ընդունելի որոշում էր: Մեր գիտահետազոտական կենտրոնների մեծամասնությունն ունիկալ են, այն բազային ֆինանսավորմամբ ու ծրագրերով, որ պետք է մրցույթ անցկացնեինք, մեծ մասը հաղթելու էր, բայց մենք ուզում ենք նաեւ մրցակցային դաշտ ստեղծել: Եթե կա մրցակցային դաշտ, ու չկան մոնոպոլիաներ, ունենում ենք ավելի լավ արդյունքներ, կքննարկենք, այս կարգն ավելի հղկված կլինի»։

Հարությունյանն ասաց, որ անցկացվելիք մրցույթի ժամանակ չափորոշիչները տարբեր են լինելու, օրինակ՝ վերջին տարիներին ցույց տված արդյունքները, ֆինանսավորում-արդյունք հարաբերակցությունը, գիտական պոտենցիալը, գիտնականների ներգրավվածությունը, աշխատանքի արդյունավետությունը եւ այլն։ ԿԳ նախարարը հավելեց, որ կարող է լինել մոտ 30 չափանիշ։

Նշենք, որ այսօր ԵՊՀ մի խումբ գիտաշխատողներ բողոքի ակցիա էին իրականացնում կառավարության դիմաց՝ պահանջելով գիտական եւ գիտատեխնիկական գործունեության բազային ֆինանսավորման ձեւի պահպանում։

Տպել
619 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)