Մաքսիմ Մանուկյանը պատրաստ չէր. մարզիչը բացատրում է՝ ինչու է ըմբիշն առանց մեդալի վերադարձել

Այս տարվա միջազգային առաջին մրցաշարից հայ հունահռոմեական ըմբիշներից առանց մեդալի էր վերադարձել միայն աշխարհի, Եվրոպայի չեմպիոն Մաքսիմ Մանուկյանը (87 կգ): Փետրվարի 1-3-ը Ֆրանսիայի Նիս քաղաքում կայացած ստուգատեսում նա 2 գոտեմարտ է անցկացրել: ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանն այսօր՝ փետրվարի 3-ին, լրագրողների հետ հանդիպման ժամանակ նշեց, որ նա վնասվածքից ապաքինվելուց հետո չէր հասցրել անհրաժեշտ մարզավիճակ ձեռք բերել:

«Մենք չէինք պլանավորել այդ մրցաշարում նրա մասնակցությունը, որովհետեւ բուժումներ էր անցնում, բայց հավաքի ընթացքում ասաց՝ ուզում եմ փորձել, ինձ թվում է՝ լավ կստացվի: Ճիշտն ասած՝ ես մի փոքր տատանվում էի, բայց նման մարզիկի կարծիքը պետք է ամեն դեպքում հաշվի առնենք. մրցաշարի պետք է մասնակցես, զգաս՝ ինչ վիճակում ես: Ասեմ, որ լիարժեք պատրաստ չէր այդ մրցումներին, եւ մրցումները դա ցույց տվեցին»,- ասաց մասնագետը:

Նիսի մրցաշարով հայ հունահռոմեականները սկսեցին նախաօլիմպիական տարվա իրենց միջազգային ելույթները: Վերադարձան 4 ոսկով, 2 բրոնզով: Ոսկե մեդալ նվաճեցին Ռուդիկ Մկրտչյանը (55 կգ), Կարեն Ասլանյանը (67 կգ), Հրանտ Կալաչյանը (72 կգ), Արսեն Ջուլֆալակյանը (77 կգ): Գեւորգ Ղարիբյանը (60 կգ) եւ Արթուր Շահինյանը (97 կգ) դարձան բրոնզե մեդալակիրներ: Մարզիչը նշեց, որ մինչեւ մրցումները նրանք ֆիզիկական մեծ ծանրաբեռնվածությամբ հավաք էին անցկացրել Ծաղկաձորում եւ այնպիսի մարզավիճակում էին, ինչպիսին անհրաժեշտ է մրցաշրջանի այս ժամանակահատվածում:

«Հավաքը քանի որ լուրջ ծանրաբեռնված էր, բնականաբար թիմը ոչ լիարժեք մարզավիճակով էր մասնակցում, բայց ասեմ, որ բոլոր նորմալ թիմերն էլ այս փուլում գտնվում են նման մարզավիճակում: Մեր գլխավոր նպատակը ոչ թե մրցաշարերին լիարժեք պատրաստ լինելն է, այլ ավելի շատ մեր նպատակն են լուրջ մրցումները՝ Եվրոպայի, աշխարհի առաջնությունները: Դրա համար տղաների մոտ կար ինչ-որ տեղ մկանային լարվածություն, եւ գոտեմարտում էին ոչ լիարժեք իրենց պատրաստականությամբ, բայց ամեն դեպքում նորմալ մասնակցեցին: Կային թերություններ, բայց ընդհանուր առմամբ գոհ եմ արդյունքներից: Մարզավիճակն այն էր, ինչ ինձ պետք էր»,- ասաց նա:

Փետրվարի 18-ից հունահռոմեականները հավաք են սկսելու Երեւանում՝ «Օլիմպավանում»: Այնուհետեւ որոշ մարզիկները մասնակցելու են փետրվարի 28-ից մարտի 3-ը Բուլղարիայում կայանալիք Դան Կոլովի եւ Նիկոլա Պետրովի անվան միջազգային մրցաշարին: Մարտի 3-ին մինչեւ 23 տարեկանների թիմը մեկնելու է Սերբիա, որտեղ մարտի 4-10 կայանալու է մինչեւ 23 տարեկանների Եվրոպայի 2019 թ. առաջնությունը: Դրանից հետո հավաքականը հավաք կունենա Բելառուսում ու այստեղ՝ «Օլիմպավանում», ու կմեկնի Ռումինիա՝ Բուխարեստ, որտեղ ապրիլի 8-14-ն տեղ է ունենալու Եվրոպայի 2019 թ. մեծահասակների առաջնությունը:

Տպել
519 դիտում

Վանում փախստականներ տեղափոխող ավտոբուս է կողաշրջվել․ 15 մարդ է զոհվել՝ այդ թվում երեխաներ

ԱԳ նախարար Զոհրաբ Մնացականյանը ելույթ է ունեցել Կրոնական հարցերով նախարարական հանդիպմանը

Շրջակա միջավայրի նախարարությունը JIKA-ի հետ համագործակցության նոր ծրագրեր է մշակվել

Արա լեռան մոտակայքում քաղաքացիները մոտոցիկլետներով իջել են ձորը և չեն կարողացել դուրս գալ

ՀՀ ոստիկանության պետի աշխատակազմի ղեկավարը կհանդիպի Շիրակի մարզի բնակիչներին

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

Անշարժ գույքի կադաստրի պետկոմիտեի 5 ստորաբաժանումները կմիավորվեն մեկի մեջ, որը կտեղակայվի Վանաձորում

Արցախի խորհրդարանը կգումարի արտահերթ նստաշրջան

Հակոբ Արշակյանը Թեհրանում մասնակցում է «Սմարթ Իրան» կոնֆերանսին

ՀԱՕԿ-ը որոշել է էլ ավելի աբսուրդային քայլեր ձեռնարկել. բռնցքամարտի ֆեդերացիայի նախագահ

Մարդու իրավունքների պաշտպանն ընդունել է ՀՀ-ում Ֆրանսիայի արտակարգ և լիազոր դեսպանին

Իջեւանում «բողոքի ակցիաների» հրահրման գործում իր դերն ունի ԱԺ նախկին կարկառուն ՀՀԿ-ական պատգամավորներից մեկը

Առանց միացյալ ջանքերի չեմ պատկերացնում, որ որևէ տեղ կհասնենք. Զարեհ Սինանյանն այցելել է «Ռուսաստանի հայերի միություն»

Այս պահին ոստիկանության տեսադաշտում 36 մարդ կա, որոնցից 22-ը բերման են ենթարկվել. Օսիպյան