Մարզպետին տրված բոլոր լիազորություններից օգտվելու եմ. Շիրակի մարզպետը հանդիպել է լրագրողների հետ

Մինչ կեսօր՝ վարչության պետերը, կեսօրն անց՝ լրագրողները: Շիրակի նորանշանակ մարզպետ Տիգրան Պետրոսյանը լրագրողների հետ հանդիպման ընթացքում ավելորդ լարվածության եւ անհանգստության կարիքը չունեցավ: Բոլորն իրար տես ու ճանաչ, օրեր առաջ էլ նույն հարթության վրա գտնվող գյումրեցիներ էին: «Ապրում եմ քաղաքի ծայրամասում, քարաշեն մի շենքում: Մսի կոմբինատից ձմռանը ոտքով գալ հնարավոր չէ, բայց տաք եղանակին կաշխատեմ նաեւ այդպես անել: 10 տարեկան մի մեքենա ունեմ եւ որոշակի խնայողություն, որով պետք է առաջիկայում հիպոթեքով բնակարան ձեռք բերենք: Դեռ նախորդ տարի էինք պլանավորում, չստացվեց: Ոչինչ չի փոխվել, բացի լուրջ ու ֆանտաստիկ նոր պատասխանատվությունից»,-ասաց Պետրոսյանն ու տեղեկացրեց, որ վարչապետ Նիկոլ Փաշինյանից հստակ հանձնարարականներ ունի, որոնց ուղղությամբ արդեն քայլեր է ձեռնարկում:Ինչո՞ւ վարչապետը նախընտրեց Ձեր թեկնածությունը, որոշի՞չ էին ԱԺ ընտրություններում Ձեր հավաքած քվեները, թե՞ Թավշյա հեղափոխությանը ձեր ակտիվ մասնակցությունը՝ ՀԺ-ի հարցին Պետրոսյանը պատասխանեց. «Եթե անկեղծ, կուզեի, որ այդ հարցին նաեւ Դուք պատասխանեք, այդ հարցը երեւի թե կարելի է տալ այն թիմին, նրանց, ովքեր այս որոշումը կայացրել են: Ես մտածում եմ, որ համ, համ, համ, այսինքն, հաշվի են առնվել շատ գործոններ, պատասխանատվության աստիճանն էն մրցանակը չի, որ ասեն՝ դու չես անցել ԱԺ, որի համար քեզ որպես խրախուսական մրցանակ տանք, պատասխանատվության ֆանտաստիկ մեծ բաժին: Վստահ ենք, որ շատ գործոններ են հաշվի առնվել, ձեր թվարկած գործոնները եղել են դրանցից մի քանիսը»,-ասաց Տիգրան Պետրոսյանը:Որոշ ժամանակ առաջ մարզպետարանի դռան դիմաց էիք պայքարում, հիմա արդեն ներսում եք՝ Ազատության ակնարկին, Պետրոսյանը պատասխանեց՝ չէինք պայքարում այսօր ներսում լինելու համար:

Անօթեւանություն եւ աղքատություն: Տիգրան Պետրոսյանն ասաց՝ մարզի այս առաջնահերթությունները վարչապետի հետ հերթականությամբ ընդգծել են: Լուծման ուղիները տեսել են ներդրումային ֆոնի ակտիվացման ճանապարհով:

«Սոցիալ-տնտեսական իրավիճակի փոփոխությունը առաջնահերթությունն է, մնացածն արդեն գործիքակազմերն են, թե մենք ինչպես ենք հասնելու այդ առաջնահերթությանը: Պարոն վարչապետի կողմից շատ հստակ ֆիքսվեց, որ պետական ամբողջ համակարգը տարածքներում, մարզերում ամբողջությամբ պետք է սպասարկի էն մարդկանց, ովքեր էսօր ի վիճակի են շահույթ գեներացնել, ստեղծել աշխատատեղեր, եւ մենք էդ մարդկանց ուղեկցող ընկերների նման պետք է աջակցենք եւ օրենքի շրջանակներում նաեւ նրանց շահերը պատպանենք: Ունենք դեպքեր, երբ հումանիտար աղետի եզրին են ընտանիքները, մարդիկ, եւ այդ իրավիճակը մարզի զարգացման վրա նեգատիվ է ազդում: Այսինքն, առաջնահերթությունը մեր պարագայում անօթեւանության եւ աղքատության հարցերն են: Էսօր էս կարճ ժամանակահատվածում եկել էին մարդիկ, ովքեր կանխիկ դրամ էին խնդրում, ու նոր իրականության մեջ մենք էդ պրակտիկայից հրաժարվելու ենք: Որքան էլ ծանր էր, բայց  առաջարկեցինք գրել դիմումներ եւ սպասել, բայց հրաժարվեցին»:

Ավանդույթ է, որ յուրաքանչյուր նոր մարզպետ իր թիմով՝ օգնական, խորհրդականով է գալիս: Կադրային ինչ փոփոխություններ է նախատեսում նոր մարզպետը: Ասաց, դեռ չգիտի: Հետո էլ դեռ իրեն, որպես մարզպետի, պաշտոնապես չեն ներկայացրել: Այս պահին դեռ ծանոթանում է աշխատակազմին, յուրաքանչյուրի աշխատանքի ծավալին ու ծանրաբեռնվածությանը:

«Էս փուլում բոլորին հայտնի է, որ օպտիմալացում բառն է օգտագործվում: Նաեւ մարզպետարաններն են դրան առնչվում, բայց էս պահին նաեւ ծավալների հետ կապված, մենք դեռ ոչինչ չենք ստացել, այսինքն, գործընթացը քննարկման փուլում է, եւ երբ ստանանք, կքննարկենք: Ես ինչքան գիտեմ՝ բոլոր բաժիններին է վերաբերում սա, նաեւ բաժիններ միացնելու, ավելի ամրապնդելու խնդիր կա: Անկեղծ ասած, էս թեմայով դեռ քննարկում չեմ ունեցել, բայց Տարածքային կառավարման նախարարն, ով գա ինձ ներկայացնելու, մենք էդ ժամանակ կունենանք էդ քննարկումն ու էդ հարցին կկարողանամ պատասխանել:»

Քանի՞ փոխմարզպետ է պետք մարզպետ Տիգրան Պետրոսյանին: Եվ արդյո՞ք օրակարգային է Ղարիբ Հարությունյանին փոխմարզպետ բերելու հարցը: Այս հարցը եւս հստակ պատասխան չուներ: «Ֆունկցիոնալությունը ո՞րն է փոխմարզպետի: Եթե ֆունկցիոնալ դասակարգումը մարզպետարանի  վարչությունների, բաժինների վրա տեխնիկական պրոցեսները իրենք կարգավորում են, մեկ փոխմարզպետը բավարար է: Բայց պետք է հասկանալ, թե ինչ ծանրաբեռնվածություն կա, ի՞նչ է նստում մարզպետի վրա որպես ծանրաբեռնվածություն, որը, ճիշտ կլինի չթողնել մի մարդու վրա, որոշակի առումով թողնել մեկ, երկու, փոխմարզպետների: Մարդուն բերել, տանելն ինքնանպատակ չի: Պետք է հասկանանք կառույցի փիլիսոփայության տիրույթը: Մեր կառույցի փիլիսոփայությունն ինձ համար պարզ կլինի, երբ որ նաեւ պարզ կլինի պետական կառավարման առնվազն կարճաժամկետ մոտեցումները միջնաժամկետի հետ եւ հեռանկարային մոտեցումները, էդ ժամանակ արդեն որոշումները կլինեն, դուք կտեղեկացվեք»,-ասաց մարզպետը: Նշենք, որ այս պահին Շիրակի մեկ փոխմարզպետ կա՝ Վարդան Գրիգորյանն, ով մարզպետ Կարեն Սարուխանյանի ԱԺ պատգամավոր դառնալուց հետո իրականացնում էր մարզպետի պարտականությունները: Երկրորդ փոխմարզպետ Արա Մելիքջանյանը հեռացել էր սեփական դիմումի համաձայն:

Կարեն Սարուխանյանն, օրինակ, նախընտրում էր ցանկացած խնդիր կարգավորել դատական ճանապարհով: Դուք ինչպե՞ս եք աշխատելու՝ լրագրողի հարցին Պետրոսյանը պատասխանեց. «Ես ունեմ իմ աշխատանքային ոճը, հստակ լիազորությունները: Եթե լինի իրավիճակ, որ այդ ունեցած լիազորությունների շրջանակներում պետք է իրավական ընթացք տալ, պետք է տանք: Մարզպետին տրված բոլոր լիազորություններից, իր բոլոր գործիքներով, օգտվելու եմ:

Իսկ ընդհանուր առմամբ, աշխատանքի ընթացքում խնդիր եղավ, խնդրի մասին կխոսենք, չեղավ՝ մարզի զարգացման»,- զրույցը եզրափակեց Շիրակի նորանշանակ մարզպետը:

Տպել
999 դիտում

Կան բազմաթիվ փաստեր, որ հակառակորդը սա պլանավորել էր վաղուց. Արայիկ Հարությունյան

Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ

Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ

Վալերի Դանելին. վերջին թռիչքը՝ դեպի անմահություն (տեսանյութ)

Ադրբեջանական ագրեսիան հետ մղելու ընթացքում զոհվել է եւս 23 զինծառայող. ԱՀ ՊՆ

Գորիսում քաղաքացին նետվել է «Մինա» հյուրանոցի տանիքից

Հավաքված սննդի ու պարագաների ծավալն այնքան մեծ է, որ մի մասը պահեստավորվում է (տեսանյութ)

Ադրբեջանի ռազմաքաղաքական ղեկավարության՝ շփման գծում ռազմական հանցագործություններ սանձազերծելու դեպքով հարուցվել է քրգործ

Ուղերձներ կհղվեն Ադրբեջանի ազգային փոքրամասնությունները ներկայացնող հանրային կառույցներին. ՀՀ հանրային խորհուրդ

Ընկերներս այսօր խոցել են թշնամու 1 զրահատեխնիկա, իսկ 3-ն առգրավել. Արցախի նախագահը տեսանյութ է հրապարակել

ՌԴ-ն կոչ է անում անհապաղ դուրս բերել Սիրիայից ու Լիբիայից բերված վարձկաններին ու ահաբեկիչներին հակամարտ գոտուց. ՌԴ ԱԳՆ

«Արարատ-Արմենիա» - «Ցրվենա Զվեզդա». սպորտային հաղթանակի սպասումով

Հայկ Գրիգորյանը աշխատանքային հանդիպումներ է ունեցել Արցախի նախագահ Արայիկ Հարությունյանի, ՔԿ նախագահի, ԱԱԾ տնօրենի հետ

Արցախին հարվածող «Բայրաքթարները» Էրդողանի ընտանեկան բիզնեսն են. mediamax

Մանրամասն ուսումնասիրել ենք, գիտենք՝ ինչի է ունակ «Արարատ-Արմենիան». Դեյան Ստանկովիչ

«Նոր Զովք» սուպերմարկետների ցանցը դադարեցնում է թուրքական ապրանքների վաճառքը

Վարչապետի գլխավորությամբ կայացել է Անվտանգության խորհրդի արտահերթ նիստ

Հաշմանդամություն ունեցող տատիկը 5000 դրամ է նվիրաբերել մեր զինվորներին. Հայակակ Արշամյանը հրապարակել է նրա նամակը

Սահակաշվիլին պետք է զրկվի ԵՊՀ պատվավոր դոկտորի կոչումից. Արայիկ Հարությունյան

Զոհրաբ Մնացականյանը շվեդ գոծընկերոջը ներկայացրել է Ադրբեջանի սանձազերծած ագրեսիայի հետևանքով ստեղծված իրադրությունը