Եթե ուզում էի հավաքականում խաղալ, պետք է համաձայնվեի. Հայկ Մարտիրոսյան

Հայաստանի շախմատի տղամարդկանց հավաքականի վերջին՝ 5-րդ, անդամն այս տարի որոշվել է ոչ սովորական ձեւաչափով: Լեւոն Արոնյանը, Հրանտ Մելքումյանը, Գաբրիել Սարգսյանը հավաքականի կազմը համալրել էին բարձր գործակցով, Արման Փաշիկյանը՝ ՀՀ 2019 թ. չեմպիոն դառնալով, իսկ վերջին անդամին պետք է ընտրեր մարզիչը, եւ նա էլ որոշել է մրցախաղ նշանակել Հայկ Մարտիրոսյանի ու Ռոբերտ Հովհաննիսյանի միջեւ: Մարտիրոսյանը, որը հաղթել է 2.5-1.5 հաշվով, «Հայկական ժամանակ»-ի հետ զրույցում խոսեց ձեւաչափի մասին:

«Անկեղծ ասած, չէի սպասում, որ կարող էր մրցախաղ լինել, քանի որ երբեք այդպիսի դեպք չէր եղել, բայց հիմա գործում են ուրիշ օրենքներ, որոնց հետ մենք պետք է հաշվի նստենք: Մարզիչը որոշել էր, որ պետք է մրցախաղ խաղանք, եւ ես դեմ չէի, եւ եթե ուզում էի հավաքականում խաղալ, ապա ուրիշ տարբերակ չկար, պետք է համաձայնվեի: Մրցախաղը շատ լավ դասավորվեց ինձ համար: Բոլոր պարտիաներում հաղթած դրություններ ունեի, սակայն, երբ 2-րդ խաղում հաղթանակի հասա, արդեն ոչ-ոքի արդյունքն ինձ ձեռնտու էր, եւ ես հեշտությամբ կարողացա հաղթանակի հասնել»,- ասաց նա՝ ավելացնելով, որ, ինչպես միշտ, իր առջեւ բոլոր մրցաշարերում լավ հանդես գալու ու լավ խաղային որակներ ցուցադրելու նպատակ է դնում:

Հայկ Մարտիրոսյանի ու Ռոբերտ Հովհաննիսյանի միջեւ դիմակայությունը բաղկացած է եղել 4 պարտիայից: Մարտիրոսյանը հաղթանակ է տոնել 2-րդ պարտիայում, իսկ մյուս պարտիաներն ավարտվել են հաշտությամբ: Նա առավելություն եւ հաղթանակի հասնելու հնարավորություն ունեցել է նաեւ 1-ին եւ 3-րդ պարտիաներում: Շախմատիստը նշում է, որ կարողացել է կատարել իր առջեւ նախապես դրված առաջադրանքը:

«Ռոբերտն ուժեղ եւ փորձառում շախմատիստ է: Ես արդեն նրա հետ խաղալու փորձ ունեի եւ պատրաստվելիս գնահատել էի նրա ուժեղ եւ թույլ կողմերը: Կարծում եմ՝ իմ առջեւ դրված խնդիրը կատարեցի լիարժեք»,- ասաց նա:

Շախմատիստը դեռ Հայաստանի 2019 թ. առաջնությունում կարող էր ապահոված լինել տեղը հավաքականում, եթե հաղթող դառնար: Սակայն չկարողացավ պահպանել չեմպիոնի տիտղոսը: Առաջին հորիզոնականը զբաղեցրեց Փաշիկյանը, իսկ Մարտիրոսյանը 2-րդն էր: Նշում է, որ ՀՀ առաջնությունում իր համար որոշիչ է եղել առաջին պարտիան, որտեղ մրցակիցը Փաշիկյանն էր:

«Հայաստանի առաջնությունում ինձ համար ճակատագրական էր առաջին պարտիան, որովհետեւ հավասար դրությունում որոշեցի հաղթանակի համար խաղալ, եւ դա էր իմ սխալը. պետք է ոչ-ոքի ավարտեի: Հետո արդեն դժվար էր հասնել Արման Փաշիկյանի հետեւից, քանի որ նա հաղթանակներ էր տոնում, եւ մարզական բախտն էլ իր հետ էր, քանի որ գրեթե բոլոր պարտիաներում հավասար դիրքեր էր ստանում, ու նրա հակառակորդները չէին համաձայնվում ոչ-ոքիի, եւ դրա պատճառով պարտվում էին, ինչպես իմ դեպքում»,- ասաց նա:

ՀՀ տղամարդկանց հավաքականին 2019 թվականին սպասվում է Եվրոպայի թիմային առաջնությունը: Այս տարի կայանալու է նաեւ աշխարհի թիմային առաջնությունը, սակայն տղամարդկանց թիմը մասնակցելու իրավունք ձեռք չի բերել:

Տպել
892 դիտում

Առողջապահության նախարարն այցելել է «Սուրբ Գրիգոր Լուսավորիչ» բժշկական կենտրոն

Փրկարարները դուրս են բերել փոսն ընկած ավտոմեքենան

Բակո Սահակյանը Ստեփանակերտում մասնակցել է Սուրբ Հարության տոնի սուրբ պատարագին

Շրի Լանկայում Զատիկի տոնակատարության ժամանակ պայթյուններ են որոտացել, 160 մարդ է զոհվել (լուսանկարներ)

Սուրեն Պապիկյանն ու մարզպետները Կապանում այցելել են «Լամաքս» ընկերության արտադրամասեր

ՀՀ տարածքում կան փակ և դժվարանցանելի ավտոճանապարհներ. Լարսի ՌԴ կողմում կուտակվել է 100 բեռնատար

Հայ առաքելական եկեղեցին այսօր տոնում է Զատկի կամ Հիսուս Քրիստոսի հրաշափառ Հարության տոնը

Կաթողիկոսի առաջնորդությամբ Մայր Աթոռի միաբանությունը Սուրբ Գայանե վանքում մասնակցել է ճրագալույցի պատարագին

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ