3.5 մլն դրամ՝ քաղաքի մուտքին խորհրդանշական լուծում տեղադրելու համար (լուսանկարներ)

Վանաձորի քաղաքապետարանը դեռ տարիներ առաջ նախաձեռնեց ու սկսեց քայլեր ձեռնարկել՝ մարզկենտրոնի մուտքերին խորհրդանշական լուծումներ տեղադրելու նպատակով: Տարիներ առաջ քաղաքի՝ Ստեփանավանի կողմից եկող մուտքի վրա տեղադրվեց խաչքար, որը, սակայն, մեծ հաշվով բացասական ընդունվեց ոչ միայն քաղաքացիների, այլ նաեւ համայնքի ավագանու որոշ անդամների կողմից. նրանք քննարկումների ժամանակ բազմիցս նշում էին, որ խաչքարի տեղադրումը ամենաճիշտ որոշումը չէ: Բայց խաչքարը տեղադրվեց:

Օրեր առաջ էլ Վանաձորի քաղաքապետարանի կողմից ձեւավորվել է մարզկենտրոնի մուտքը Սպիտակի կողմից: Ի տարբերություն խաչքարի, այս անգամ տեղադրվել է կլոր գունդ, որը եւս միանշանակ դրական չի ընդունվում վանաձորցիների կողմից:

Վանաձորի քաղաքապետարանի քաղաքաշինության ու ճարտարապետության բաժնի պետ Սուրեն Աբովյանը ՀԺ-ի հետ զրույցում հայտնեց. «Իրականացվել է համայնքի 2018թ-ի բյուջեով, աշխատանքի իրականացման համար հայտարարվեց 5 մլն դրամ գումարի չափով մրցույթ, մրցույթը շահեցին շուրջ 3.5 մլն դրամով, հեղինակը ճարտարապետ Լեւոն Հախինյանն է»,-ասաց բաժնի պետը՝ հավելելով. «Դեռ նախորդ տարվա փետրվարին մենք ճարտարապետական մրցույթ էինք հայտարարել, ճարտարապետների խորհրդով ընտրեցինք հենց այս տարբերակն ու դրեցինք մրցույթի, շինարարն էլ շահեց ու կառուցեց»:

Բաժնի պետի խոսքով՝ համայնքի 2019թ-ի բյուջեով նախատեսված է կահավորել Վանաձորի մուտքը Ալավերդի քաղաքի կողմից (Մ-6 միջպետական ճանապարհ-հեղ.). «Ներկայումս քննարկման փուլում է, թե արդյոք նույնից կտեղադրվի, թե նոր լուծումներ կառաջարկվեն, նոր մրցույթներով»:

Աբովյանի խոսքով՝ տեղադրված շրջանը իրենից խորհրդանշում է երկրագունդը, որի վրա աշխարհի քարտեզի փոխարեն Վանաձորի քարտեզն է. «Սա նշանակում է, որ աշխարհի որ ծայրում էլ լինենք, Վանաձորը մեր տիեզերքի ու մոլորակի կենտրոնն է: Շրջանի վրա նաեւ ծառ կան, որը խորհրդանշում է կանաչ Վանաձորը, մյուս կողմում Մայմեխ սարն է, որն էլ խորհրդանշում է Վանաձորը լեռների մեջ»:

Գնահատելով արված աշխատանքը, վանաձորցիները սոցիալական ցանցի իրենց էջերում քաղաքապետարանին հորդորել են մտածել նաեւ քաղաքի մուտքը մաքրելու եւ բարեկարգելու մասին, այլապես, արվածը չի երեւում:

Տպել
948 դիտում

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է