Պայքար Գյումրիում. ո՞վ կտիրանա նախկին զորակայանին

11/02/2019 schedule20:35

Գյումրիում 4 ներդրողներ պայքարում են մեկ տարածքի համար: Քաղաքապետարանը նրանց առաջարկում է Բուլվարային թաղամասում գտնվող նախկին զորակայանի տարածքը՝ իր կիսակառույցներով եւ շինություններով:

Նախկին զորակայանը, որը գնվում է Բուլվարայինում, նախկինում կոչվել է Ուռի գունդ: Այն կառավարության որոշմամբ դեռ 2000-ականների սկզբին է հանձնվել համայնքին: Գյումրու ծայամասում է գտնվում, հեռու եւ կտրված քաղաքի կենտրոնից, ծառապատ է եւ կան լճակներ: Քաղաքաշինական փաստաթղթերով նախկին զորակայանի 21 հա տարածքը հատուկ պահպանվող հատված է եւ նախատեսված է որպես հանգստի գոտի: Քաղաքապետարանն ուզում է, որ հենց հանգստի գոտի էլ դառնա Բուլվարայինի վաղուց լքված այդ անկյունը, սակայն գաղափարը կյանքի կոչելու համար ներդրողների օգնության կարիքն ունի: Առաջարկվում է կատարել ներդրում, կարգի բերել տարածքը որպես հանգստի բաց գոտի, որը հնարավորություն կտա բոլոր ցանկացողներին գալ, զբոսնել, քայլել ու հանգստանալ:

4 ներդրող առաջարկի իր փաթեթն է ներկայացրել՝ ՀԱԵ Սոցիալ-կրթական կենտրոնը, բելգիական «Նայկեռ» ընկերությունը, «Ա եւ Վ» ընկերությունը եւ շվեյցարական «Ֆրանկ Մյուլլեր»-ը:

ՀԱԵ Սոցիալ-կրթական կենտրոնը նպատակ ունի այդ ծառապատ տարածքում հիմնել Գթասրտության կենտրոն թմրամոլությամբ եւ ալկոհոլով տարված մարդկանց բուժելու նպատակով:

«Կազմակերպություններից մեկն էլ «Ֆրանկ Մյուլլեր»-ն է, շվեյցարական կազմակերպություն է, Սրմաքեշի կազմակերպությունն է, որը ներկայացրել է ռեկրեացիոն համալիր կառուցելու ծրագիր, լինելու են հյուրանոցներ, այգիներ, եւ այլ արտադրություններ մեր քաղաքի կարիքները բավարարելու եւ որոշակի աշխատատեղեր ստեղծելու համար: Ներկայացված է նաեւ ծրագիր «Ա եւՎ ընկերներ» ՍՊԸ կողմից: Իրենք նախատեսում են վերակառուցել լճակները, ունենալ հեծանվային ուղի, հյուրանոցներ, ռեստորաններ, պտղատու այգիներ հինել, մարզական հնարավորություններ ստեղծել, ձիարշավարան, դահուկային վազքուղի, կինոդիտման հնարավորություն»,- ասում է  Գյումրու քաղաքապետարանի գլխավոր ճարտարապետ Հենրիկ Գասպարյանը:

Երրորդ ընկերությունը եւս իր հստակ ծրագիրն ունի: Բելգիական «Նայկեռ» ընկերության ներկայացուցիչ Արտուր Պապիկյանն ասում է՝ նպատակ ունեն տարածքում հինել ռեստորանահյուրանոցային մեծ համալիր, եւ Եվրոպայից զբոսաշրջիկների մեծ հոսք ապահովել:

Այս ընկերությունը նաեւ տարածքում ֆերմաներ է հիմնելու եւ անասնաբուծությամբ է զբաղվելու՝ զբոսաշրջիկներին առաջարկելով սեփական արտադրության բնական մթերք: Իսկ դրա համար ի թիվս այլ ծրագրերի, ձուկ, խոզ, կով ու ձի է «Նայկեռ»-ը բուծելու Գյումրիում:

«Նախնական փուլում նախատեսվում է ներդնել 1 մլն եվրո, բայց քանի որ տարածքը թույլ է տալիս, այդ  համալիրը վերջնական տեսքի բերելու համար մենք կներդնենք այնքան գումար, ինչքան որ հարկավոր է: Մոտ 3 տարվա կտրվածքով նախատեսվում է 90 աշխատատեղ, իսկ հետագայում մոտ 150 աշխատատեղ ստեղծել: Պլանավորում ենք 5 տարում հասնել ծրագրի ավարտին: Այս ընկերութունն ունի նաեւ տուրիստական առաքելություն, եւ ոչ թե պետք է մենք ռեզորտների նման նստենք սպասենք, թե երբ պիտի տուրիստը գա, այլ ներհոսքը մենք պետք է կազմակերպենք: Մենք այստեղ նաեւ էկոտուրիզմը կզարգացնենք»,-ասում է «Նայկեռ» ընկերության ներկայացուցիչը:      

Գյումրու քաղաքապետարանի պատասխանատուն վստահեցնում է՝ ո՛ր ընկերությունն էլ հաղթող ճանաչվի եւ ինչ էլ կառուցվի, տարածքը կլինի ծառապատ բաց հանգստի գոտի՝ նստարաններով եւ  լուսավորությամբ ապահովված:

Տպել
460 դիտում

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը

Հեռացավ՝ իր հետ տանելով ավանդապաշտության ողջ դարաշրջան. Հասմիկ Պապյանը՝ Լագերֆելդի մասին

Կյանքից հեռացել է բարերար Ալեք Մանուկյանի դուստրը՝ Լուիզ Մանուկյան-Սիմոնը

Պատահական անցորդներին գրքեր են նվիրում նախարարներն ու վարչապետը (տեսանյութ)

Դատախազությունը բողոք կներկայացնի քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ

Արգենտինայի փոխնախագահը հայտնել է ՀՀ պաշտոնական այց կատարելու ցանկության մասին

Սեդրակ Քոչարյանին առաջարկել են ցուցմունք տալ, սակայն նա չի ցանկացել

Ղազարավան գյուղում բռնկված հրդեհը մեծ վնասներ է պատճառել

12-ամյա Հրաչյա Բադասյանը որոնվում է որպես անհետ կորած (տեսանյութ)

ԵՊՀ ռեկտորը չարաշահում է իր պաշտոնը. Restart

Փակ են Շիրակի ու Արագածոտնի մարզի շուրջ 20 գյուղերի միջհամայնքային ճանապարհներ

Նիկոլ Փաշինյանն ու Աննա Հակոբյանը գրքեր են նվիրում քաղաքացիներին (տեսանյութ)

Ոստիկանությունը նախկին պատգամավորին խորհուրդ է տալիս ձեռնպահ մնալ զուտ «ցնցող» բան գրած լինելու գայթակղությունից

Վճարեք կասեմ. Ֆլեշի Բարսեղը Սերժ Սարգսյանի հետ վերջին անգամ հանդիպելու մասին հարցին ի պատասխան

Գյումրու 2 մարզաուսումնական հաստատություններում 32.4 մլն դրամի վատնում կատարելու դեպքերով հարուցվել են քրգործեր

Մարտի 4-ից կհայտարարվի Հանրային հեռուստառադիոընկերության նախագահի մրցույթը. «Ա1+»-ի տնօրենը՝ իսկական Հանրայինի մասին

Հանդիպել են Լիբանանում ՀՀ դեսպանն ու երկրի վարչապետը

Աշտարակ քաղաքում վագոն-տնակ է հրդեհվել

«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

Ռուս սահմանապահն իր շան օգնությամբ գտել է Սյունիքում կորած քաղաքացու մարմինը