Կա ծրարով փող տալու համակարգ եւ կա նաեւ, որ պաշտոնյա ես, բիզնես կունենաս, արտոնյալ պայմաններով կանես. վարչապետ

Այսօր ԱԺ-ում ՀՀ կառավարության ծրագիրը ներկայացնելուց հետո ՀՀ վարչապետին հարցեր տալու համար հերթագրվել են 53 պատգամավորներ:

«Իմ քայլը» խմբակցության պատգամավոր Վիկտոր Ենգիբարյանը վարչապետին հարց ուղղեց. «Մենք գիտենք, որ նախկինում պետական կառավարման ոլորտում եղել է օրինական մեխանիզմ եւ զուգահեռ գործել է ստվերային մեխանիզմ: Ստվերային մեխանիզմը գործել է շատ արագ, ճկուն, իսկ օրինականը եղել է դանդաղ եւ ոչ էֆեկտիվ նաեւ այն պատճառով, որ բոլոր հարցերի պատասխանները մարդիկ փնտրել եւ վերջնական լուծումներ գտել են Բաղրամյան 26-ից: Այսօր այդ ստվերային մասը չկա որոշումների կայացման գործընթացներում, կա դանդաղ եւ ոչ էֆեկտիվ կառավարչական համակարգը: Ինչպե՞ս եք դուք պատրաստվում արձագանքել այս մարտահրավերին: Մասնավորապես վերեւից ներքեւ լիազորությունները պատվիրակելու, որ նախարարությունների, մարզպետարանների, գյուղապետարանների բոլոր աշխատակիցները իմանան իրենց որոշումներ կայացնելու հստակ չափը, ժամկետը, մեխանիզմը ու անընդհատ հարցերի լուծումները դեպի վերեւ չփոխանցեն»:

Ի պատասխան հարցի վարչապետն ասաց. «Երբ ես նկարագրում էի հեղափոխության հաղթանակի փուլերը, ամենակարեւոր շրջադարձային կետը համարեցի ապակենտրոնացումը: Ըստ էության, ես ավելի շատ կխոսեի որոշակի լիազորությունների դե ֆակտո եւ դե յուրե հրաժարվելու անհրաժեշտության մասին: Շատ կարեւոր է արձանագրել, թե ինչ փոփոխություններ են այսօր տեղի ունենում ՀՀ-ում: ՀՀ-ում անցում է տեղի ունենում գերկենտրոնացած համակարգից դեպի ապակենտրոնացած համակարգ»:

Փաշինյանի խոսքով՝ ապակենտրոնացման տրամաբանությունը համապատասխանում է նաեւ ժողովրդավարության եւ լիազորությունների որոշակի պատվիրակման տրամաբանության: «Ես իմ խոսքում ասացի, որ մեր կառավարության համար շատ կարեւոր է ոչ անհրաժեշտ կարգավորումներից հրաժարվելը: Բայց ես նաեւ նկատի ունեմ ստվերային կարգավորումները: Շատ կարեւոր է մեզ համար իշխանության եւ տնտեսական գործունեության տարանջատումը: Պրոբլեմները առաջանում են այն ժամանակ, երբ, օրինակ, քաղաքապետը կամ վարչապետը, կամ նախարարը մրցակից է տնտեսական որոշակի ոլորտում որեւէ ուրիշ տնտեսվարող սուբյեկտի հետ: Եթե, օրինակ, որեւէ երկրի վարչապետը խոշոր բիզնեսմեն է եւ բնականաբար մրցակից է նաեւ ուրիշ բիզնեսմենների հետ, բնականաբար արդեն կարգավորումների դաշտում շատ հարցեր ստիպված են կարգավորել ստվերային դաշտում, որովհետեւ օրենքը այդպիսի հարցեր չի կարգավորում»:

Իմիջայլոց ասեմ ձեզ. պետական կառավարման համակարգում շատ դեպքերում աշխատավարձերը ինչո՞ւ են ցածր, շատ պարզ պատճառով, որովհետեւ բոլորը այն կանխավարկածով են, որ այդ պաշտոնյան պետք է իր պաշտոնի գործադրմամբ նաեւ փող աշխատի բիզնեսում, մասնավոր հատվածում: Դրա համար էլ նրանք երկար տարիներ չնչին աշխատավարձով աշխատում են: Կա ծրարով փող տալու համակարգ եւ կա նաեւ, որ պաշտոնյա ես, բիզնես կունենաս, արտոնյալ պայմաններով կանես, պետությունից աշխատավարձ մի ուզիր»,- ասաց Փաշինյանը:

Տպել
509 դիտում

Հրշեջ-փրկարարները մարել են ավտոմեքենայում բռնկված հրդեհը

Ոչ շտապբուժօգնությանը վերաբերող կանչերը պետք է ուղղորդվեն դեպի պոլիկլինիկաներ. Արսեն Թորոսյան

Բակո Սահակյանը հանդիպել է ԵԱՀԿ գործող նախագահի անձնական ներկայացուցչի հետ

Գյումրիի բնակարաններից մեկում հայտնաբերվել է բնակչի դին

Հայաստանում Սիբիրյան խոցի դեպք է արձանագրվել. վարակվել է Գեղհովիտ համայնքի 2 բնակիչ

ՊԵԿ-ի դիմաց բողոքի ցույց իրականացրած քաղաքացու ապրանքը չի մաքսազերծվել, քրգործ է հարուցվել. ՊԵԿ

Մեկին աշխատանքից ազատել ենք ոչ կոմպետենտության պատճառով, մյուսին չենք ընդունել աշխատանքի. վարչապետ

ՍԱՏՄ պաշտոնյաները չարաշահել են իրենց լիազորությունները. պետության շահերին էական վնաս է պատճառվել

«Հայկական ժամանակ»-ը խմբագիր է փնտրում

ՎՏԲ-Հայաստան Բանկն իր հաճախորդներին առաջարկում է կատարել բանկային գործարքներ ` Վիդեո Բանկինգի օգնությամբ

Ն. Փաշինյանը ԱՄՀ ներկայացուցչի հետ քննարկել է զարգացման երկարաժամկետ ռազմավարությունների տեսլականը

Ռեստորանում ծագած վիճաբանությունն ավարտվել է դանակահարությամբ. 29-ամյա երիտասարդը խոստովանել է

Ucom-ի ձայնային ծառայության բոլոր բաժանորդները կդիտեն uMediaroom շարժական հեռուստատեսություն՝ չվճարելով ՄԲ-երի համար

Սեփական անցյալից ուշադրությունը շեղելու տրյուկը

Փաշինյանի որոշմամբ Նաիրա Մարգարյանը նշանակվել է ՀՀ էկոնոմիկայի նախարարի տեղակալ

Հայ խաղաղապահները մասնակցել են բազմազգ զորավարժության նախապատրաստական փուլին

Հարկային վարչարարությունից մինչեւ կոռուպցիայի դեմ պայքար. Մհեր Գրիգորյանն ընդունել է ԱՄՀ-ի ներկայացուցչին

Արթուր Գրիգորյանի թույլ տված սխալի և անիմաստ համառության պատճառով «Լիդիանը» դիմել է դատարան. Ավինյանի պատասխանը

Հրդեհ Արայի լեռան ստորոտում. այրվում է խոտածածկույթ (տեսանյութ)

Կալավանի Ռոբերտ Ղուկասյանը նշանակվել է ՀՀ վարչապետի խորհրդական