Ավան վարչական շրջանի ղեկավարի տեղակալը կազատվի աշխատանքից. մեղադրվում է ՀՀԿ-ին ծառայելու մեջ

Երեւանի Ավան վարչական շրջանի ղեկավար Արա Դանիելյանն, ըստ էության, հաստատեց, որ իր տեղակալ Սամվել Ղումաշյանն ազատվելու է աշխատանքից:

Երեւանի ավագանու այսօրվա նիստում հարցն առաջ քաշեց «Լույս» խմբակցության ղեկավար Դավիթ Խաժակյանը՝ հիշեցնելով, որ Ղումաշյանը ժամանակին ակտիվորեն մասնակցել է Հանրապետական կուսակցության օգտին իրականացվող ընտրակեղծիքներին, հեղափոխության օրերին կազմակերպել է ցուցարարների մեքենաների «ջարդ»: Առաջինի հարցում համոզվել է անձամբ: Երկրորդի մասին խոսելիս հղում կատարեց «Հայկական ժամանակ» օրաթերթի համապատասխան հրապարակման վրա: «Ինչպես ենք շարունակում մեր գործունեությունը»,- քաղաքապետ Հայկ Մարությանին դիմելով՝ տարակուսեց Դավիթ Խաժակյանը:

Քաղաքապետն, ի պատասխան, խնդրի վրա հրավիրեց իրավապահների ուշադրությունը, իսկ Խաժակյանին հորդորեց այդ հարցում լինել հետեւողական: Նկատեց, որ քիչ չեն այն մարդիկ, որոնք աշխատել են ինչպես նախկին իշխանությունների հետ, այնպես էլ նորերի հետ են աշխատում: Նշեց, որ Ավան վարչական շրջանի ղեկավարի փոփոխությունը տեղի է ունեցել ամենավերջին հերթին, ուստի հանձնում-ընդունման գործընթացը դեռ ավարտված չէ: Ավելացրեց, որ եթե այսօր մարդիկ աշխատում են, ուրեմն նրանց ծառայությունները դեռ պետք են համայնքին, բայց դա չի նշանակում, որ դրա կարիքը լինելու է նաեւ վաղը: «Վարչական շրջանի աշխատանքները ղեկավարում է վարչական շրջանի ղեկավարը, եւ ինքն է որոշում իր կադրային քաղաքականությունը»,- արձանագրեց Հայկ Մարությանը:

Ավելի ուշ, լրագրողների հետ զրույցում, Ավան վարչական շրջանի ղեկավար Արա Դանիելյանը, անդրադառնալով իր տեղակալի հետագա պաշտոնավարման հարցին, հակասական պատասխաններ տվեց: Խոսելով մեքենաներ ջարդելու մասին, ասաց. «Այդ դեպքով հարուցված է քրեական գործ, եւ վճիռները կայացված է, ինչքանով տեղեկացված եմ: Այդտեղ միայն Ղումաշյանը չէ, այսպես կասեմ: Ղումաշյանի նման էլի անձնավորություններ կան: Այդ հանձնում ընդունման պահն է, ինչպես քաղաքապետը ասաց: Համարյա ավարտված է»:

Հաստատեց, որ Ղումաշյանի հետ աշխատել չի շարունակելու, միեւնույն ժամանակ նշեց, որ ինքը նրա մեղավորությունն ապացուցող փաստերի ծանոթ չէ եւ նա էլ չի ընդունում իրեն վերագրվողը: Ասաց, որ խոսակցությունների մակարդակում են նաեւ մյուս աշխատակիցներին ուղղվող համանման մեղադրանքները: Հետեւաբար, նրանց աշխատանքից ազատել չի կարող: «Իհարկե, եթե հիմք ունենամ, կազատեմ: Բայց առանց հիմքի այսօր շատ դժվար է համանքային ծառայողին աշխատանքից ազատել»,- ասաց Ավան վարչական շրջանի ղեկավարը: Ղումաշյանի դեպքում նույնպես հիմք չունի, բայց նրան ազատելու է: Ենթադրվում է՝ խնդիրն այն է, որ տեղակալը հայեցողական պաշտոն է եւ այս դեպքում փոփոխություններ իրականցնելն ավելի հեշտ է, քան համայնքային պաշտոն զբաղեցնող անձնանց պարագայում:

Տպել
1418 դիտում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը

Հույս ունեմ՝ վերջում չի պարզվի, որ նորից ՇՄԱԳ պետք է անենք, նոր մաքսատունը բացենք. վարչապետը կատակեց

Հայրենակիցներին կոչ եմ անում ակտիվ մասնակցել, քանի որ սա կարեւոր միջոցառում է. վարչապետ

Հայկական ԱԷԿ-ը կարող է հանգիստ աշխատել մինչև 2026 թվականը. Վլադիմիր Բրեդով

Վանաձորում քիչ առաջ կրակոցներ են հնչել. մեկ անձ վիրավորվել է

Համակարգի շնորհիվ կապահովվի երեխայի սահուն անցումը նախադպրոցական համակարգից դպրոցական համակարգ. Արայիկ Հարությունյան

Կառավարությունը 168 մլն դրամ հատկացրեց մարզերում ջրամատակարարման համակարգերի վերակառուցում իրականացնելու համար

Կառավարությունը գումար հատկացրեց Արարատի եւ Արմավիրի մարզերում 97 հորերի կոնսերվացման եւ 8 հորերի լուծարման նպատակով

2019-ի դրությամբ Հայաստանից ոչխարի մսի ու կենդանիների արտահանման ծավալների աճ է գրանցվել. փոխնախարար

Ռեջեփ Թայիբ Էրդողանը հոկտեմբերին կայցելի Ադրբեջան