Ես եկել եմ այստեղ ձեւակերպելու, թե մենք ինչպես ենք պայմանավորվածության մեր բաժինը ի կատար ածելու. Փաշինյան

«Լուսավոր Հայաստան» խմբակցության պատգամավոր Անի Սամսոնյանը ԱԺ-ում կառավարության ծրագրի քննարկման ժամանակ վարչապետից հետաքրքրվեց՝ եթե այս տարիների ընթացքում կառավարությունը տնտեսական շոշափելի արդյունքներ չգրանցի եւ չունենանք լավ ցուցանիշներ, արդյո՞ք պետք է ասենք, որ քաղաքացիները չցուցաբերեցին տնտեսական ակտիվություն եւ քաղաքացիները չեղան այն ակտիվիստները, որոնք կգրանցեին լավ ցուցանիշներ` տնտեսության զարգացման գործում:

Սամսոնյանը նաեւ հետաքրքրվեց, թե ի՞նչ է իրականացվում, որպեսզի պրոբացիայի ծառայության համակարգը վերջապես ներդրվի եւ արդյո՞ք այս կառավարությունը դիտարկում է Նուբարաշեն ՔԿՀ-ի փակման եւ տեղափոխման հարցը:

Ի պատասխան վարչապետն ասաց. «ՀՀ քաղաքացիները չեն կարող չցուցաբերել տնտեսական ակտիվություն, որովհետեւ ՀՀ քաղաքացիներին այսօր ներկայացնող մարմինը` ԱԺ մեծամասնությունը եւ կառավարությունը, հռչակում են այդ ուղեգիծը եւ ստեղծելու են դրա հնարավորությունը: Ես ուզում եմ սա որպես նրբություն շատ հստակ արձանագրենք: Որովհետեւ այն քվեարկությունը, որ տեղի է ունեցել դեկտեմբերի 9-ի խորհրդարանական ընտրություններում, արձանագրվել է քաղաքացիների եւ կառավարության պայմանավորվածությունը, թե ինչ ենք մենք անելու առաջիկա տարիներին: Եւ որեւէ հիմք չկա ենթադրելու, որ ՀՀ քաղաքացիները պայմանավորվածության իրենց բաժինը չեն անի:

Ես այսօր եկել եմ այստեղ ձեւակերպելու, թե մենք ինչպես ենք պայմանավորվածության մեր բաժինը ի կատար ածելու եւ ինչպես ենք պատկերացնում այդ պարտավորությունների ի կատար ածումը նաեւ քաղաքացիների կողմից: Այդ նույն հարցը մեզ տալիս էին նաեւ քաղաքական հեղափոխության ժամանակ: Մենք ասում էինք՝ ժողովուրդ, երբ որ դուք ուզեք ցույց տալ ձեր կամքը, մենք կլինենք երաշխավոր, որ ձեր կամքը ի կատար կածվի:

Նույնը վերաբերվում է տնտեսական հեղափոխությանը եւ ես կարծում եմ, որ ՀՀ քաղաքացիները 2018 թվականի դեկտեմբերի 9-ի խորհրդարանական ընտրություններում ակնհայտորեն եւ հստակ ցույց են տվել իրենց կամքը` իրականացնելու տնտեսական հեղափոխություն: Իսկ, եթե պարզվի, որ տեղի չի ունեցել տնտեսական հեղափոխությունը, ՀՀ քաղաքացիները էլի իրենց կամքը կարտահայտեն եւ կլինեն դատավոր` ինչ է եղել, ինչու է եղել, ինչպես է եղել եւ ով է մեղավոր:

Եւ ՀՀ կառավարությունը եւ ես` անձամբ, ինչպես նախկինում, այսօր էլ պատրաստ եմ կրել պատասխանատվությունը՝ ՀՀ-ում քաղաքական, սոցիալական, անվտանգային, տնտեսական հետագա զարգացումների համար, եւ դա իմ անձնական պատասխանատվությունն է: Բայց ես իմ անձնական պատասխանատվությունը առաջին հերթին համարում եմ` օգնել ՀՀ յուրաքանչյուր քաղաքացու, որ նա հավատա իր ուժին եւ հաղթահարի այն խեղճությունը, որի մասին Հրանտ Մաթեւոսյանը գրել է»,- ասաց Փաշինյանը:

Վարչապետը նշեց, որ Նուբարաշեն ՔԿՀ-ի հետ կապված ունեն պլաններ: «Պրոբացիայի ծառայությունն էլ էֆեկտիվ չէ եւ ես, որպես նախկինում դատապարտված եւ ՔԿՀ-ում բավականին երկար ժամանակ անցկացրած անձ, կարող եմ ասել, որ այդ մեթոդները վստահ չեմ, որ երբեւէ կարող են արդյունք ունենալ: Իրավիճակը պետք է շատ խորությամբ հասկանանք, որպեսզի կարողանանք լուծել: Դա առանձին քննարկման թեմա է»:

Տպել
391 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները