Ինչքանո՞վ է Ադրբեջանի գործող իշխանությունը լիազորված բանակցելու Ադրբեջանի ժողովրդի անունից. վարչապետ

Ադրբեջանը ինքն է ասում, որ իր երկրում կան քաղաքացիներ, որոնց բանակցություններում ներկայացնելու իրավունքը ինքը չունի: Այս մասին այսօր ԱԺ-ում ասաց ՀՀ վարչապետ Նիկոլ Փաշինյանը՝ պատասխանելով ԱԺ «Իմ քայլը» խմբակցության պատգամավոր Քրիստինե Պողոսյանի այն հարցին, թե ինչ նկատի ուներ վարչապետն՝ ասելով, որ Ադրբեջանի ղեկավարությունը չի ներկայացնում Ադրբեջանի ամբողջ ժողովրդի կարծիքը:

«Մենք ասում ենք, որ ՀՀ վարչապետը` կոնկրետ ես, կարող եմ բանակցել Ղարաբաղի հարցի կարգավորման համատեքստում` ՀՀ-ի անունից եւ չեմ կարող բանակցել Ղարաբաղի անունից: Ինչո՞ւ, որովհետեւ Արցախի ժողովուրդը ինձ չի ընտրել ՀՀ վարչապետ, կամ ՀՀ ԱԺ ընտրություններին չի մասնակցել: Հետեւաբար, ոչ ՀՀ ԱԺ-ին, ոչ էլ ՀՀ վարչապետին չի լիազորել որեւէ տեղ բանակցություններում հանդես գալ իր անունից:

Բայց մենք ասում ենք, որ Ղարաբաղի հարցի կարգավորման համատեքստում Ղարաբաղի անունից պետք է հանդես գա Ղարաբաղի ներկայացուցիչը եւ պետք է նստի բանակցային սեղանի շուրջ, որովհետեւ 1994 թվականի Բուդապեշտի ֆորմատով Ղարաբաղը ճանաչված է որպես բանակցային կողմ:

Սրան ի պատասխան Ադրբեջանն ասում է՝ մենք էլ կբերենք Ղարաբաղի ադրբեջանական համայնքի ներկայացուցիչներին, այսինքն, այն ադրբեջանցիներին, ովքեր ժամանակին ապրել են ԼՂ-ում: Մենք ասում ենք՝ այդ մարդիկ այսօր էլ են բանակցություններին մասնակցում, որովհետեւ նրանք հանդիսանում են Ադրբեջանի քաղաքացիներ, մասնակցում են ընտրություններին, իրենք են որոշում՝ ով է Ադրբեջանի նախագահը եւ իրենք բանակցային գործընթացում ունեն իրենց ներկայացուցչին՝ ի դեմս Ադրբեջանի նախագահի:

Եւ եթե հիմա, օրինակ, Ադրբեջանի նախագահը ի պատասխան մեր այն քայլի, որ հայկական կողմը Ղարաբաղի հետ է ներկայանում բանակցային գործընթացում, ինքն էլ ասում է՝ ես էլ Ղարաբաղի ադրբեջանական համայնքին եմ բերում բանակցությունների, մենք ասում ենք՝ մի րոպե, փաստորեն, ձեր երկրում կան քաղաքացիներ, որոնց ներկայացնելու լիազորություն եւ մանդատ դուք չունեք: Որովհետեւ, եթե ունեք մանդատը, ինչո՞ւ եք ձեզ հետ բերում, դուք հենա մանդատով ներկայացնում եք: Եթե իրենք ասում են՝ այո, կա այդպիսի իրավիճակ, մենք ասում ենք՝ մի րոպե, կարո՞ղ է էլի քաղաքացիներ կան ձեր երկրում, որոնց Ադրբեջանի նախագահը չի ներկայացնում: Ասենք, օրինակ, թալիշյան փոքրամասնությանը կամ Կիրովաբադի ու Ղազախի բնակիչներին ներկայացնո՞ւմ է Ադրբեջանի նախագահը, թե չէ:

Ինչո՞ւ է նման հարց ծագում. որովհետեւ Ադրբեջանը ինքն է ասում, որ իր երկրում կան քաղաքացիներ, որոնց բանակցություններում ներկայացնելու իրավունքը ինքը չունի: Հետեւաբար, եթե այդպիսի քաղաքացիներ կան, մենք հարց ունենք պարզելու, թե ինչքա՞ն լայն է այդ քաղաքացիների շրջանակը եւ ինչքանո՞վ է Ադրբեջանի գործող իշխանությունը լիազորված բանակցելու Ադրբեջանի ժողովրդի անունից: Շատ հստակ դիրքորոշում է, ինձ թվում է՝ որեւէ տարընթերցման տեղիք չի տալիս»,- ասաց վարչապետը:

Տպել
448 դիտում

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները

Գորիսում եւ Կապանում ցուցադրվել են սպառազինության և զինվորական տեխնիկայի նմուշներ

Մենք չենք կարող թույլ տալ Իրանին միջուկային զենք ունենալ. Թրամփ

Թբիլիսիում քամու հետևանքով երկաթյա կոնստրուկցիան ընկել է զբոսաշրջիկների վրա. կա 1 զոհ, 2 վիրավոր

Փրկարարները քաղաքացուն դուրս են բերել գետից եւ մոտեցրել շտապօգնության ավտոմեքենային

Ուժեղացված ծառայություն Շիրակում․ բաժիններ է բերվել 129 անձ, այդ թվում՝ «օրենքով գող». (տեսանյութ)

Ֆրանսիայի Շավիլ քաղաքում Շառլ Ազնավուրի անվան հրապարակ է բացվել

Ովքեր են պայքարում անկախ դատարանների դեմ եւ ինչու է դիմադրությունը կատաղի

ԵԽԽՎ-ում քննարկում են ՌԴ-ի ձայնի իրավունքի վերականգնումը. Վրաստանը, Ուկրաինան, Բրիտանիան ծայրահեղ քայլերի են պատրաստ

Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Կանաչապատման աշխատանքների ընթացքը գոհացուցիչ չէ. Հայկ Մարության