«Մարությա՛ն, հեռացի՛ր», «Ամաչում ենք, բայց գոռում ենք, որ լսվենք». իրացման գոտու բնակիչները փոխհատուցում են պահանջում

Երեւանի ավագանու այսօրվա նիստին զուգահեռ քաղաքապետարանի շենքի մոտ բողոքի ցույց էին անում Հյուսիսային պողոտայի տարածքի նախկի մի քանի բնակիչներ, որոնք հանրային գերակա շահի անվան տակ տարիներ առաջ վտարվել են իրենց տներից՝ այդպես էլ համարժեք փոխհատուցում չստանալով: «Մարությա՛ն, հեռացի՛ր»,- վանկարկում էին նրանք:

«Իմ քայլը» խմբակցության անդամ Էռնեստ Ավանեսովը նիստի ժամանակ ուշադրություն հրավիրեց այդ քաղաքացիների եւ նրանց մտահոգող խնդրի վրա: Ընդգծեց, որ տարեցներ են, առաջարկեց հնարավորության սահմաններում նրանց հետ հանդիպում կազմակերպել, լսել՝ անկախ այն բանից՝ խնդրի լուծումը քաղաքապետարանի տիրույթում է, թե չէ:

Իրավաբանական վարչության պետ Զավեն Առաքելյանը պարզաբանեց, որ հանդիպումներ բազմիցս են եղել, տրվել են մանրամասն պարզաբանումներ թե՛ գրավոր եւ թե՛ բանավոր: Նիստի ժամանակ եւս հնչեցրեց այդ պարզաբանումը, այն է՝ բնակիչների տներն իրացնելուց հետո Երեւանը ստացել է համայնքի կարգավիճակ եւ չի համարվում նախկին քաղաքի իրավահաջորդը:

Քաղաքապետ Հայկ Մարությանը, արձագանքելով Ավանեսովի դիտարակմանը, թե այս մարդկանց պետք է ճիշտ ուղղություն ցույց տալ, եթե նույնիսկ քաղաքապետարանը չունի նրանց օգնելու իրավասություն ու գուցե սա նոր մարդկանց խումբ է, պատասխանեց. «Այդպես էլ արվում է, վստահ եղեք: Այդ հարցում շատ նրբանկատ ենք: Նույն խումբն է, ես արդեն ձայնով ճանաչում եմ նրանց»:

Բողոքող քաղաքացիները մեզ հետ զրույցում նշեցին, որ այո, իրենց ընդունել են քաղաքապետարանում, բայց ստացված պատասխանը գոհացնող չեն համարում: Ասում էին, որ 2004-ին վտարվել են տներից, Ռոբերտ Քոչարյանը, Երվանդ Զախարյանն ու մյուսները դրա արդյունքում հարստացել են, իսկ իրենք դարձել թափառական՝ ընդամենը գրոշներ ստանալով կամ դա էլ չստանալով: Քաղաքացիներից մեկն ասում էր, որ Երեւանի կենտրոնում ապրելուց հետո ստիպված բնակություն է հաստատել Էջմիածնում, մյուսն ասում էր՝ ապրում է աղջկա տանը եւ այլն: Նրանք պնդում էին, որ Երեւանին համայնքի կարգավիճակ տրվելուց հետո էլ մի խումբ բնակիչների փոխհատուցում է տրամադրվել, այնպես որ իրավահաջորդ չլինելու հիմնավորումը նրանց համար բավարար չէ: Զարմանում էին, թե ինչ է փոխվել միայն մի անվանում փոխելուց, մանավանդ որ այսօր էլ քաղաքապետարանի մուտքի մոտ կարդում են՝ «Երեւանի քաղաքապետարան»:

Փոխհատուցում պահանջող բնակիչների թիվն, ըստ նրանց, բավական փոքրացել է՝ ընդամենը 7-8 հոգի: Հայտարարեցին, որ քաղաքապետարանի մոտ են լինելու ավագանու նիստի բոլոր օրերին եւ արդեն պայքարում են ավելի քան 15 տարի: «Հոգնել ենք, մեծահասակ մարդիկ ենք: Մենք էլ ենք ամաչում, որ գոռում ենք: Բայց գոռում ենք, որ լսվենք»,- ասաց նրանցից մեկը:  

Տպել
3940 դիտում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը

Հույս ունեմ՝ վերջում չի պարզվի, որ նորից ՇՄԱԳ պետք է անենք, նոր մաքսատունը բացենք. վարչապետը կատակեց

Հայրենակիցներին կոչ եմ անում ակտիվ մասնակցել, քանի որ սա կարեւոր միջոցառում է. վարչապետ

Հայկական ԱԷԿ-ը կարող է հանգիստ աշխատել մինչև 2026 թվականը. Վլադիմիր Բրեդով

Վանաձորում քիչ առաջ կրակոցներ են հնչել. մեկ անձ վիրավորվել է

Համակարգի շնորհիվ կապահովվի երեխայի սահուն անցումը նախադպրոցական համակարգից դպրոցական համակարգ. Արայիկ Հարությունյան

Կառավարությունը 168 մլն դրամ հատկացրեց մարզերում ջրամատակարարման համակարգերի վերակառուցում իրականացնելու համար

Կառավարությունը գումար հատկացրեց Արարատի եւ Արմավիրի մարզերում 97 հորերի կոնսերվացման եւ 8 հորերի լուծարման նպատակով

2019-ի դրությամբ Հայաստանից ոչխարի մսի ու կենդանիների արտահանման ծավալների աճ է գրանցվել. փոխնախարար

Ռեջեփ Թայիբ Էրդողանը հոկտեմբերին կայցելի Ադրբեջան