«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

18/02/2019 schedule21:52

Փետրվարի 23-ին Լոռու մարզկենտրոն Վանաձորում կայանալիք «Իմ քայլը հանուն Լոռու մարզի» ներդրումային-բիզնես ֆորումի նախապատրաստական աշխատանքներն ավարտված են: Այս մասին լրագրողների հետ հանդիպման ժամանակ հայտարարել է Լոռու մարզպետ Անդրեյ Ղուկասյանը: Ֆորումին հրավիրված են Հայաստանի ու արտերկրի հայ և այլազգի մեծաթիվ գործարարներ ու ներդրողներ:

Ֆորումին ներկա է գտնվելու ՀՀ վարչապետ Նիկոլ Փաշինյանը՝ կառավարության ներկայացուցչական կազմի հետ:

«Մի քանի ամիս է՝ ինչ պատրաստվում ենք ֆորումին, ներկայացնելու ենք շուրջ 50 ծրագիր՝ տնտեսության տարբեր ոլորտների հետ կապված, լինելու է նաեւ էքսպո ցուցադրություն, որի ժամանակ ցուցադրվելու է լոռեցի արտադրողների արտադրանքը, լինելու է պանելային քննարկում մի քանի խոշոր բիզնեսմենների ու տնտեսական զարգացման նախարարի հետ, իսկ օրվա 2-րդ կեսին կներկայացվեն ծրագրերը»,-ասաց Անդրեյ Ղուկասյանը:

Մարզի ղեկավարը, որը նաեւ ֆորումի աշխատանքային խմբի ղեկավարն է, ասաց, որ ներկայացվելիք ծրագրերի վրա աշխատել են համապատասխան մարդիկ, դրանք ներկայումս բերված են ներկայանալի տեսքի:

Մարզպետը հիշեցրեց՝ Հայաստանում տնտեսական հեղափոխության սկիզբ է դրվել, իսկ այս ֆորումը Լոռու մարզի համար կարող է մեկնարկային լինել. «Մենք վստահ ենք, որ այս ֆորումով սկիզբ ենք դնում մեր մարզի տնտեսական հեղափոխությանը, սա մեր մարզի քայլն ու ներդրումների սկիզբն է»: Ֆորումին ներկայացվելու է 6 ծրագիր, որոնք արդեն կյանքի են կոչվել, դրանք կներկայացնեն անձամբ ներդրողները, որպես հաջողված ծրագրեր: Այնտեղ չի լինելու բարեգործություն կամ նմանատիպ այլ բան, սա բիզնես ֆորում է, փոխշահավետ համագործակցություն, հայտնեց Ղուկասյանը՝ վստահություն հայտնելով, որ գործարարները եւս կանեն իրենց քայլը: Մարզպետը հիշեցրրեց՝ Լոռու մարզպետարանն ու կառավարությունը պատրաստ են աջակցել լավագույն բիզնես գաղափարների իրականացմանը տարբեր հարթություններում:

Հիշեցնենք, որ ֆորումի ընթացքում կներկայացվեն մարզի առաջնահերթություն համարվող 4 (ՏՏ, գյուղատնտեսություն, տուրիզմ, արդյունաբերություն) ոլորտների զարգացմանն ուղղված գրավիչ ու բազմազան նախագծեր, որոնք կարող են դառնալ շահութաբեր բիզնեսի լավագույն առաջարկներ՝ ներդրողների համար: Լոռիում հնարավոր ներդրումային դաշտը գործարարներին կներկայացվի շուրջ 5 տասնյակ մեծ ու փոքր բիզնես նախագծերի/գաղափարների տեսքով: Լոռիում անցկացվող բիզնես ֆորումը կբացի 2019-ին Հայաստանի տարբեր մարզերում կայանալիք նույնատիպ ֆորումների շարքը՝ հավակնելով առաջինը լինելուց զատ նվաճել նաև լավագույնի կոչումը:

Տպել
920 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը