Ում էր պետք Մաշադյանի որդու շուրջ աղմուկը

ՊԵԿ նախագահի տեղակալ Ռաֆիկ Մաշադյանի եւ նրա որդու՝ Հարություն Մաշադյանի անվան շուրջ կրքերը չեն հանդարտվում: Արդեն մի քանի օր է՝ մամուլում եւ սոցիալական ցանցներում ակտիվորեն քննարկվում է, թե ինչպես կարող էր «23 տարեկան տղան, ով հազիվ մի ԲՈՒՀ ավարտած լինի, չի ծառայել  բանակում, բայց նշանակվում է Երեւանի կայազորի զինվորական դատախազ»:

Քննարկումները, սակայն, էլ ավելի թեժացան, երբ հայտնի դարձավ, որ Ռաֆիկ Մաշադյանը «բարեկամական» կապ ունի ՀՀ վարչապետի տիկին Աննա Հակոբյանի հետ:

Համացանցնում սկսվեց ակտիվ քննարկվել, թե ինչպես կարող էր 23-ամյա Մաշադյանը նշանակվել դատախազ, եթե «օրենքով» դատախազ կարող է նշանակվել 25-65 տարեկան ՀՀ այն քաղաքացին, որն ունի իրավաբանական կրթություն եւ իրավաբանի մասնագիտությամբ առնվազն երկու տարվա աշխատանքային փորձ ունի:            

Ինչից սկսվեց

Փետրվարի 14-ին «Ժամանակ» օրաթերթը, հղում անելով իր տեղեկություններին, գրեց, թե ՊԵԿ նախագահի տեղակալ Ռաֆիկ Մաշադյանի տակավին երիտասարդ, բայց միլիոնատեր որդին՝ Հարություն Մաշադյանը, փետրվարի 4-ին նշանակվել է Երեւանի կայազորի զինվորական դատախազ: Ըստ նույն թերթի՝ երիտասարդն ավելի վաղ զբաղեցնում էր Լոռու կայազորի զինվորական դատախազի պաշտոնը։ Հաջորդ օրը ՀՀ գլխավոր դատախազության հանրային կապերի բաժնի պետ Արեւիկ Խաչատրյանը ֆեյսբուքյան իր էջում գրեց, որ Երեւանի կայազորի զինվորական դատախազի պաշտոնը զբաղեցնում է Արթուր Անտոնյանը, իսկ Լոռու կայազորի զինվորական դատախազի պաշտոնը՝ Կարեն Հարությունյանը: Ի դեպ՝ նշենք, որ Արթուր Անտոնյանն ու Կարեն Հարությունյանը այդ պաշտոնները զբաղեցնում են 2017 թվականից:

«Ժամանակ» օրաթերթի վերոնշյալ հրապարկումից երկու օր անց՝ փետրվարի 16-ին, «Իրավունք» թերթը գրեց, թե շրջանառվող լուրերի համաձայն՝ ՀՀ վարչապետ Նիկոլ Փաշինյանի տիկին Աննա Հակոբյանը եւ Ռաֆիկ Մաշադյանը բարեկամներ են, ավելի կոնկրետ՝ նրանց մայրերը մորաքրոջ աղջիկներ են:

Ըստ թերթի՝ դրանով է պայմանավորված այն հանգամանքը, որ Մաշադյանը սրընթաց հասնում է ինչ-որ պաշտոնների: Նույն օրը Աննա Հակոբյանը պարզաբանեց, որ Ռաֆիկ Մաշադյանը իր խորթ մորաքրոջ թոռն է. «Ես նրան վերջին անգամ տեսել եմ 2010 թվականին՝ հարազատի հուղարկավորության ժամանակ: Ամուսինս՝ ՀՀ վարչապետ Նիկոլ Փաշինյանը, մինչեւ վարչապետ դառնալը Ռաֆիկ Մաշադյանին հանդիպելու առիթ երբեւէ չի ունեցել, իսկ վերջինիս ՊԵԿ նախագահի տեղակալի պաշտոնում նշանակելու պահին գաղափար անգամ չի ունեցել նման կապի գոյության մասին»,-ասված է պարզաբանման մեջ: Այլ կերպ ասած՝ Աննա Հակոբյանն ու Ռաֆիկ Մաշադյանն արյունակցական կապ չունեն:

Արդեն հաջորդ օրը՝ փետրվարի 17-ին, «Հրապարակ» օրաթերթը գրեց այն, ինչ գրել էր «Ժամանակ» օրաթերթը եւ ինչը հերքվել էր դատախազության կողմից: ««Մորքուրի գանձը» Երեւանի կայազորի զինվորական դատախազի պաշտոնում» վերտառությամբ հոդվածում «Հրապարակը» գրել է. «Հարություն Մաշադյանը, որը զինվորական ծառայություն չի անցել, նշանակվել է Երեւանի կայազորի զինվորական դատախազ։ Մամուլում շրջանառվում էր, որ նա վարչապետի տիկնոջ՝ Աննայի բարեկամն է։ Մաշադյան հորը նույնպես Նիկոլ Փաշինյանն է նշանակել ՊԵԿ-ի նախագահի առաջին տեղակալ։ Սա ի՞նչ է նշանակում։ 23 տարեկան տղան, ով հազիվ մի ԲՈՒՀ ավարտած լինի, չի ծառայել բանակում, նշանակվում է Երեւանի կայազորի զինվորական դատախազ»:

Երբ «հայտնի դարձավ», որ Երեւանի կայազորի զինվորական դատախազն ու դատախազության դատախազը տաբեր բաներ են, «Հրապարակն» իր էլեկտրոնային կայքում «Երեւանի կայազորի զինվորական դատախազ» բառակապակցությունը փոխեց՝ այն դարձնելով «Երեւանի կայազորի զինվորական դատախազության դատախազ»:

Դատախազության պարզաբանումը: Պարզաբանում համար 2-ը: Պարզաբանում համար 3-ը...

Եթե դատախազությունը ավելի օպերատիվ եւ ծավալուն պարզաբանում ներկայացներ հանրությանը, ապա գուցե ապատեղեկատվությունը նման արագությամբ չտարածվեր սոցիալական ցանցերում եւ մամուլում:

Երեկ՝ միայն օրվա երկրորդ կեսին, ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում գրառում արեց, որ Հարություն Մաշադյանը ոչ թե Երեւանի կայազորի զինվորական դատախազն է, այլ դատախազության դատախազը. «Երկուշաբթի մանրամասն պարզաբանում կտրվի։ Բայց այս պահին՝ զուտ ապատեղեկտվության ու մանիպուլյացիայի հերթական արշավի տարածումը կանխելու համար նշեմ, որ Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ, որի նշանակման բոլոր իրավական չափանիշներն ու ընթացակարգերը պահպանված են»,- գրել էր Աբրահամյանը: Այս պարզաբանումից հետո, սակայն, հարցերն ավելի շատացան, մասնավորապես օգտատերերը գրում էին տարիքային ցենզի եւ նրա բանակում չծառայած լինելու մասին: Ինչից հետո դատախազությունը մեկը մյուսի ետեւից սկսեց պարզաբանումներ տարածել:

Ըստ այդմ՝ պարզաբանվեց հետեւյալը. «Հարություն Մաշադյանը դատախազ դառնալու համար անցել է օրենքով սահմանված կարգով բոլոր ընթացակարգերը։
Հարություն Մաշադյանը ծնվել է 1995թ․-ին։
2010թ․-ին ավարտել է թիվ 35 միջնակարգ դպրոցը, այնուհետեւ ընդունվել Երեւանի պետական համալսարանի իրավագիտության ֆակուլտետ։
2013թ․-ի հուլիսի 2-ին զորակոչվել է ՀՀ Զինված ուժեր, զորացրվել՝ 2015թ․-ին։ Այնուհետեւ շարունակել է ուսումը եւ 2016թ-ին ավարտել է ԵՊՀ-ն՝ ստանալով բակալավրի որակավորում։
2017թ-ին սահմանված կարգով ընդգրկվել է ՀՀ դատախազների թեկնածուների ցուցակում։ 2017թ-ի հոկտեմբերին ավարտել է Արդարադատության ակադեմիան։ 2018-ի մարտի 7-ին նշանակվել է Լոռու կայազորի զինվորական դատախազության դատախազ։
2019թ․-ի փետրվարի 4-ին փոխադրվել է Երեւանի կայազորի զինվորական դատախազության դատախազի պաշտոնին։
Ինչ վերաբերում է աշխատանքի ընդունման հետ կապված՝ Հարություն Մաշադյանի տարիքին, նշենք, որ 
2007թ.-ի մայիսին ուժի մեջ մտած եւ 2018թ. ապրիլին ուժը կորցրած «Դատախազության մասին» ՀՀ օրենքի 32-րդ հոդվածի համաձայն՝ դատախազ կարող էր նշանակվել Հայաստանի Հանրապետությունում մշտապես բնակվող Հայաստանի Հանրապետության այն քաղաքացին, ով`
1) Հայաստանի Հանրապետությունում ստացել է բակալավրի կամ դիպլոմավորված մասնագետի բարձրագույն իրավաբանական կրթության որակավորման աստիճան կամ նմանատիպ աստիճան է ձեռք բերել օտարերկրյա պետությունում, որի ճանաչումն ու համարժեքության հաստատումը Հայաստանի Հանրապետությունում իրականացվել են օրենքով սահմանված կարգով.
2) տիրապետում է գրական հայերենին։
Այսինքն տարիքային ցենզ նախատեսված չի եղել:

Ինչ վերաբերում է 25 տարին լրանալուց հետո դատախազ դառնալու՝ օրենսդրական ընդհանուր իրավադրույթին, ապա այն սահմանվել է 2018 թվականի ապրիլի 9-ին ուժի մեջ մտած «Դատախազության մասին» ՀՀ նոր օրենքի 33-րդ հոդվածով, այսինքն մինչ այդ գործած իրավահարաբերությունների վրա չի կարող տարածվել. վատթարացման առումով օրենքը հետադարձ ուժ չի կարող ունենալ»:

Գլխավոր դատախազի խորհրդականն իր ֆեյբուքյան էջում հրապարակեց նաեւ Հարություն Մաշադյանի զինգրքույկն ու զինծառայության ընթացքում արված լուսանկարը կից գրառելով՝ ««Դատախազության մասին» ՀՀ օրենքով, ընդ որում՝ ինչպես գործողի, այնպես էլ 2018թ. ապրիլին ուժը կորցրած ճանաչվածի պարագայում, անկախ նրանից՝ խոսքը այսպես ասած՝ քաղաքացիական, թե զինվորական ոլորտի դատախազներին է վերաբերում, սահմանվում է, որ դատախազի պաշտոն չի կարող զբաղեցնել այն անձը, որ չի անցել պարտադիր զինվորական ծառայություն, բացառությամբ այն անձանց, ովքեր ազատվել են նման ծառայությունից օրենքով նախատեսված կարգով ու հիմքով: Հրապարակում եմ Հարություն Մաշադյանի՝ զինվորական ծառայություն անցնելու լուսանկարները նաեւ զինգրքույկից, հատկապես նրանց համար, ովքեր անվստահությամբ էին փորձում մոտենալ ՀՀ դատախազության կողմից երեկ հրապարակված պաշտոնական հաղորդագրության այդ հատվածին: 
Որպես հետգրություն էլ ասեմ, որ Հ. Մաշադյանը 12-ամյա դպրոց չի ավարտել եւ կրտսեր դասարաններում սովորելիս թռիչքային տեղափոխություն է ունեցել»:

Տպել
4622 դիտում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին

Հայկական ավանդական ընտանիքի իմ պատկերացումը սա է, երբ ամուսինները թեւ ու թիկունք են իրար. Աննա Հակոբյան

Նախարար Սուրեն Պապիկյանն այցելել է «Հարավկովկասյան երկաթուղի» ՓԲԸ Երևանի մասնաճյուղ

Ձերբակալվածի անձնական խուզարկությամբ թմրամիջոց է հայտնաբերվել եւ դանակ (տեսանյութ)

Պաշտոնեական կեղծիք կատարելու կասկածանքով ձերբակալվել է ՀՀ ԱԺ աշխատակազմի ղեկավարի նախկին տեղակալը. ՀՔԾ

Շավարշ Գրիգորյանը նշանակվել է «Առողջապահական ծրագրերի իրականացման գրասենյակ»-ի տնօրենի պաշտոնակատար

ԱՄԷ արհեստական բանականության նախարարն ընդունել է Հայաստան այցելելու՝ Հակոբ Արշակյանի հրավերը

Վարչապետ Նիկոլ Փաշինյանը ցավակցական հեռագիր է հղել Հենրի Էլիբեկյանի մահվան կապակցությամբ

Գյումրիում ծեծի են ենթարկել թոշակառու կնոջն ու բնակարանից հափշտակել ոսկյա մատանիներ և գումար

2019-ի 9 ամիսների ընթացքում գրանցված հանցագործությունների ընդհանուր թվաքանակն աճել է 6,7%-ով

Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Կարճաժամկետ շահն ու խնդիրների այսօրեական լուծումները մեզ՝ որպես հասարակություն, զարգացման չեն տանելու. Ղուլյան