«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

«Արարատ» ֆուտբոլային ակումբի նախկին պաշտպան Նորայր Գրիգորյանը դեռ սպասում է դատական կարգով ակումբից իր աշխատավարձը ստանալուն: Կողմերի միջև այս խնդիրը ստեղծվել է մոտ 2 տարի առաջ: Ֆուտբոլիստն (լուսանկարում՝ ձախից) ակումբին դատի էր տվել, քանի որ հրաժարվում էին վճարել իրեն հասանելիք 3600 դոլար աշխատավարձը: Հայցը ներկայացվել է 2017 թ. գարնանը: «Հայկական  ժամանակ»-ի հետ զրույցում Գրիգորյանը պատմեց, որ գործը քննվել է նախ Կենտրոն եւ Նորք-Մարաշ վարչական շրջանների, ապա Արաբկիր եւ Քանաքեռ-Զեյթուն վարչական շրջանի ընդհանուր իրավասության դատարանում, 2018-ի հոկտեմբերին դատարանը հօգուտ իրեն վճիռ է կայացրել, և «Արարատ» ակումբը դիմել է վերաքննիչ դատարան:

«Առաջին ատյանի դատարանը բավարարեց մեր հայցը: «Արարատին» պարտավորեցրեց մեր չվճարված աշխատավարձը, ինչպես նաեւ տույժ-տուգանքը վճարել: Դատավարական կարգով՝ նրանք վերաքննիչ դիմելու հնարավորություն ունեին: Դիմեցին: Վերաքննիչը վճիռ կայացրեց ոչ թե, որ ես սխալ եմ կամ որ առաջին ատյանի դատարանը սխալ վճիռ է կայացրել, այլ, որ առաջին ատյանի դատարանի դատավորը վճռի տեքստում մանրամասն չի նշել՝ ինչ պատճառաբանությամբ է հօգուտ ինձ վճիռ կայացրել: Դա հիմք ընդունելով որպես դատավորի կողմից թերացում՝ վերաքննիչի դատավորը գործը նորից ուղարկել է, որ առաջին ատյանը վերանայի, բայց այնպես չէ, որ ասել է Նորայր Գրիգորյանը կամ նրա պահանջը սխալ է, ու «Արարատն» է ճիշտ»,- ասաց նա:

Գրիգորյանը նշեց, որ ընդունում է, որ վճիռը պետք է այնպես ներկայացված լիներ, որ գործին անծանոթ ցանկացած մեկը կարդալիս հասկանար՝ ինչու է այդպիսի վճիռ կայացվել: Ասաց, որ ինքը կարող էր դիմել վճռաբեկ դատարան, սակայն խնդիր չի տեսնում, որ գործը կրկին քննվի ընդհանուր իրավասության դատարանում: Վստահ է, որ ինքը ճիշտ է: Մարտի 1-ից գործը կուղարկեն ընդհանուր իրավասության դատարան:

«Մենք խնդիր չունենք, թող նորից քննվի, որովհետև մեր պահանջն արդար է: Մենք հնարավորություն ունեինք մինչև մարտի 1-ը վճռաբեկ դիմելու, բայց խնդիր չենք տեսնում, որովհետև թուղթ ունենք, պայմանագիր ունենք, մեր պահանջն ավելի քան պարզ է: Ժամանակի հարց է, կսպասենք»,- ասաց նա:

Նորայր Գրիգորյանի հետ միասին «Արարատին» դատի էր տվել նաև ակումբի նախկին բժիշկ Արսեն Շալջյանը: Նա նշում էր, որ ակումբն իրեն պարտք է 4 ամսվա աշխատավարձ՝ մոտ 800 հազար դրամ: Նորայր Գրիգորյանը պատմեց, որ Շալջյանի կողմը 2 մլն-ից ավելի դրամի պահանջ է ներկայացրել: Դատավորը հաշտություն է առաջարկել, ու կողմերը համաձայնության են եկել:

«Ընդհանուր հայտարարի եկան, նույն դատավորի մոտ էր: Շալջյանի գործով դատավորը հաշտություն առաջարկեց, «Արարատի» փաստաբանն ասաց՝ համաձայն ենք: Մի քանի օր ժամանակ տրվեց, հաշտության եկան գումարային հարցում: Շալջյանն իր գումարը վերցրեց: Նրան 800 հազար դրամ էին պարտք: Այդտեղ այլ հարցեր էլ կան՝ տույժ-տուգանք եւ այլն, մոտ 2 մլն 200-300 հազար դրամ էր կազմել նրա պահանջը, բայց 1 մլն 600 հազար դրամով հաշտության եկան: Իրեն 4 ամսվա աշխատավարձ էին պարտք, ուղղակի աշխատավարձն ուշացնելու համար տույժ-տուգանքներ կան: Հաշտության եկավ 1 մլն 600 հազարով, ստացավ, նրա գործը փակվեց»,- պատմեց Գրիգորյանը՝ ավելացնելով, որ դատարանն «Արարատին» իր հետ հաշտության գալ նույնպես առաջակել է, սակայն ակումբը մերժել է:

Գրիգորյանը միակը չէր, որ ակումբի հետ նման խնդիր էր ունեցել: Նախկինում այնտեղ ստեղծված իրավիճակից տուժածներից ոմանք նշում էին, որ միակ մեղավորն առաջին թիմի այն ժամանակվա գլխավոր մարզիչ, լեգենդար ֆուտբոլիստ Արկադի Անդրեասյանն է եղել: Ըստ նրանց՝ թիմի ղեկը ստանձնելուց հետո նա է որոշել կրճատել ֆուտբոլիստների աշխատավարձերը, եւ նրա մեղքով է, որ խաղացողների եւ այլ աշխատակիցների աշխատավարձերը չեն վճարվում: Գրիգորյանը նախկինում ցանկանում էր, որ Անդրեասյանը ներկայանա դատարան, սակայն դա այդպես էլ տեղի չի ունեցել, նիստերին միայն ակումբի փաստաբանն է եկել:

«Անդրեասյանին դատարան կանչելու պահանջ չի եղել: Ոչ մենք ենք այդպիսի պահանջ ներկայացրել, ոչ էլ նրանք են ցանկացել: Մեծ հաշվով, նրա հետ կապված ոչինչ չկա, որովհետև նա որևէ փաստաթղթի տակ չի ստորագրել: Ակումբի նախագահն է ակումբի անունից ստորագրել, ինչքան էլ որ որոշումները կարող է ինքն է կայացրել, բայց մենք, կոպիտ ասած, «Արարատ» ակումբին ենք մեր պահանջը ներկայացրել որպես իրավաբանական կողմ»,- ասաց նա՝ ավելացնելով, որ մնացածի մասին թող ակումբը մտածի:

Նախկինում «Արարատի» հետ նման խնդիր են ունեցել նաեւ թիմի նախկին ֆուտբոլիստներ՝ Գեւորգ Նռանյանը, Գորիկ Խաչատրյանը, Վահե Մարտիրոսյանը, Կիրիան Նվաբուեզեն, Ումարու Կաինան: Իրենց խնդիրները մասամբ լուծել էին արտասահմանցիները՝ կամերունցի Կաինան եւ ամերիկացի Նվաբուեզեն: Նրանք դիմել էին Հայաստանի ֆուտբոլի ֆեդերացիա եւ պատրաստ էին նույնիսկ ՖԻՖԱ դիմել: Արդյունքում, ինչպես նրանք հետո տեղեկացրին «Հայկական ժամանակ»-ին, իրենց հաջողվել էր ստանալ միայն աշխատավարձի կեսը:

Տպել
1198 դիտում

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախում դադարեցվել են հանրակրթական եւ նախադպրոցական ուսումնական հաստատությունների պարապմունքները

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը

Երևանի կենդանաբանական այգում տուբերկուլյոզի հարուցիչներ չեն հայտնաբերվել. առաջիկա օրերին այգին կվերսկսի գործունեությունը

Ռուբինյանց փողոցի բնակարանում բռնկված բարդ հրդեհը մարվել է. ԱԻՆ (տեսանյութ)

Սուրեն Պապիկյանի անձնական կյանքի գաղտնիք համարվող տեղեկությունն ապօրինի հավաքելու, տարածելու համար քրգործ է հարուցվել

Ոստիկանները Դիլիջանի թիվ 2 դպրոցում խոշոր չափի գումարի յուրացման դեպք են բացահայտել (տեսանյութ)

Մայրության նպաստ կնշանակվի նաեւ ծննդօգնության պետական հավաստագիր չներկայացնելու դեպքում

ՀՀ հունահռոմեական ոճի ըմբշամարտի հավաքականում 77կգ քաշային կարգի պատճառով սկանդալը շարունակվում է

Թումանյանի բաժնի ոստիկանները ապօրինի ծառահատման դեպք են բացահայտել

Նիկոլ Փաշինյանը շնորհավորական ուղերձ է հղել Արցախի վերածննդի օրվա կապակցությամբ

Որոշ մարզերում ձյուն է տեղում, «Մեղրու սար» կոչվող հատվածում մառախուղ է. ԱԻՆ

ԱԺ-ում քննարկվել է հայ-թուրքական սահմանի երկայնքով տեղակայված գյուղատնտեսական նշանակության հողերի օգտագործման կարգը