Հայ սամբիստի հայրը բժշկություն է ուսումնասիրում, որ որդուն օգնի. բուժումը թանկ է, գումար չեն տալիս

30-ամյա սամբիստ Կոլյա Կարապետյանն ավելի քան 1.5 տարի է՝ ապրում է հիվադանոցներում: Ինչպես հայտնի է, 2017 թ. մայիսին Մինսկում կայացած Եվրոպայի առաջնությունում բրոնզե մեդալ նվաճելուց հետո վատ է զգացել, տեղափոխել են հիվանդանոց, մի քանի անգամ վիրահատել: «Հայկական ժամանակ»-ի հետ զրույցում հայրը՝ Հրաչյա Կարապետյանը, պատմեց, որ տղան ուղեղի արյան զեղում է ստացել մրցման ժամանակ գլխին ստացած հարվածից: Նշեց, որ 5 ամիս տղայի հետ մնացել է Բելառուսում: Այնուհետեւ Երեւանի «Էրեբունի» ԲԿ-ից բժիշկ է վարձել, որ տղային տեղափոխի Երեւան: Ընդհանուր առմամբ ծախսվել է մոտ 3 հազար դոլար: 10 ամիս պառկել է «Հերացի» թիվ 1 համալսարանական հիվանդանոցում, հետո տեղափոխվել է «Արթմեդ» բժշկական վերականգնողական կենտրոն:

«Տեղափոխեցինք «Արտմեդ», որն առողջապահական ոչ մի սիստեմ չունի: Կոնսիլիումը որոշել է, որ Կոլյայի հետագա բուժումը միայն Եվրոպայում է հնարավոր: Գերմանիայից բժշկուհի ենք հրավիրել, եկել նայել է: Գործերը հետը տարել է Գերմանիա: Բեռլինում մեծ կլինիկայի պրոֆեսորը գումարի չափ է ուղարկել, թե բուժումներն ինչ արժեն: Նամակով բոլորին դիմել ենք՝ կառավարությանը, սպորտի նախարարությանը, ֆեդերացիային, ֆոնդերին: Մինչեւ օրս չունենք արձագանք ոչ մի տեղից, միայն կողքից լսել ենք, որ չունեն այդքան բյուջե»,- ասաց նա:

Հրաչյա Կարապետյանը նշում է, որ ինչպես Գերմանիայից, այնպես էլ Անգլիայից եկած բժիշկներն իրենց վստահեցրել է, որ Կոլյան վերականգնվող է: Սակայն, ըստ նրա, ՀՀ-ում չկան համապատասխան սարքավորումներ ու դեղորայք, որպեսզի բժիշկները կարողանան որեւէ բան անել: Գերմանիայում էլ բուժվելու համար մեծ գումար է պետք է՝ նրա խոսքով՝ ամենաքիչը 88 հազար եվրո: Հայրը նշեց, որ Կոլյան Կազմակերպված հանցավորության դեմ պայքարի գլխավոր վարչության հատուկ նշանակության վարչության կրտսեր օպերլիազոր է, ու իրենք դիմել են Ոստիկանություն, բայց արձագանք չի եղել: Դիմել են «Իմ քայլը» հիմնադրամ, որը նշել է, որ այդքան գումար չունի: ՀՀ Սպորտի եւ երիտասարդության հարցերի նախարարության միջոցով նրանց պատասխաններ են գալիս, որ 2019 թ. բյուջեով գումար չունեն նախատեսած: Ինչ վերաբերում է ՀՀ Առողջապահության նախարարությանը, ասում է, որ այնտեղից օգնում են միայն հիվանդանոցների հետ պայմանավորվելով:

«Առողջապահության նախարարությանը, ինչ հարցով դիմում եմ, արձագանքում է, դիմում է կլինիկաներին, որ «բոմժի» կարգավիճակով պառկենք պալատներում: Պալատը տալիս են, ինչքան ուզում ես պառկիր, բայց ես տուն էլ ունեմ, տեղ էլ ունեմ, «բոմժ» չեմ, բուժման կարիք կա, որի պատասխանը ոչ մի բժիշկ չունի»,- ասաց նա:

Որոշ ժամանակ Կոյլյայի բուժմամբ զբաղվել են Հայրենիքի պաշտպանի վերականգնողական կենտրոնի աշխատակիցները: Հայրը նշում է, որ դրական տեղաշարժ այդ ընթացքում նկատել են: Հետագայում կենտրոնից հրաժարվել են ընդունել նրան այնտեղ: Ասել են, որ նա ամեն պահի կարող է վերակենդանացման բաժանմունքի կարիք ունենալ, ինչն իրենց մոտ չկա:

«Եթե ծանր հիվանդ է, 6 ամիս ինչպե՞ս մնացինք առանց ռեանիմացիայի, 1 ամիս ինչպե՞ս տանը մնացինք: Դա համալսարանական հիվադնանոցի բակում է, այնտեղ կա ռեանիմացիա, 10 քայլ հեռավորության վրա է: Կառավարությունից դիմել են, որ Կոյլային տարեք, մերժել են, պատճառաբանել են, որ չունենք ռեանիմացիա: Մեր տեղը ուրիշի հետ կպարապեն, օրը 60 հազար՝ անում է 1 մլն 800 հազար (խմբ. նկատի ունի ամսական 1 մլն 800 հազար): 1 մլն 800 հազար ինձ նվեր չեն տա, ավելի լավ է պատճառաբանեն»,- ասաց նա:

Այժմ Կոլյան Երեւանի Սուրբ Գրիգոր Լուսավորիչ հիվանդանոցում է: Հայրը ոչ ոքի մեղադրել չի ցանկանում, սակայն ՀՀ-ում բուժման հույս չունի: Ասում է՝ տղային հիվանդանոցում է թողնում 2 պատճառով. նախ, որ իրենց չմոռանան, 2-րդ, որ եթե հանկարծ անհապաղ բժշկական օգնության կամ թթվածնի կարիք լինի, հասցնեն: Պատմում է, որ տղայով զբաղվում է հիմնականում ինքը: Բժշկական մեթոդներ է ուսումնասիրում, հետեւելով Լոնդոնից եկած բժշկուհու ցուցումներին՝ ինքն ու տղայի կինը մերսումներ ու վարժություններ են անում տղայի հետ, իսկ այստեղի բժիշկների դուրս գրած դեղերի մեծամասնությունը տղային չեն տալիս: Խոհրդակցում են արտասահմանցի բժիշկների հետ, որոնք հիմնականում նշում են, որ այդ դեղերի արդյունավետությունն ապացուցված չէ, ու դրանք կարող են վնասել: Այսպիսով արդյուքների հասել են:

«Խորհրդակցում եմ դրսի բժիշկների հետ: Ասում են լցրու աղբը, դեղերի 90%-ը չեմ տալիս, դրա համար էլ արդյունք ունեմ, թե չէ 2-3 անգամ պատահել է՝ գիտակցության կորուստ ենք ունեցել, ինչը դեղերի ազդեցությունից է եղել: Անձնական մեթոդներով, խորհուրդ վերցնելով արդեն տղայիս գիտակցությունն ահագին եկել է տեղը, ինձ ճանաչում է, կնոջը ճանաչում է, չի կարողանում խոսել, միայն աջ ձեռքն է շարժում, աջ ձեռքով՝ բութով, ցույց է տալիս՝ լավ եմ, վատ եմ, մի տեղը ցավում է, ձեռքը դնում է վրան, տղային օդային համբույր է ուղարկում»,- պատմեց նա:

Հրաչյա Կարապետյանը չի աշխատում, հարսը՝ նույնպես, քանի որ խնամում է իր ու Կոլյայի 2.5-ամյա տղային: Աշխատում է Կոլյայի մայրը 45 հազար դրամ աշխատավարձով: Նրանց օգնում են Կոլյայի ընկերները՝ այդ թվում աշխատակիցները, հոր ընկերները, եղբայրը: Հրաչյա Կարապետյանը նշում է, որ մի քանի ամիս առաջ ՀՀ սամբոյի ֆեդերացիաի միջոցով միջազգային ֆեդերացիայից 10 հազար դոլար են ստացել, որով փակել են մեծ պարտքերի մի մասը:

Տպել
4443 դիտում

Հայոց բանակը մեր ժողովրդի դարերով սպասված արարումն է. ՀՀ գլխավոր դատախազի ուղերձը

ՀՀ բարձրագույն ղեկավարությունն այցելել է Եռաբլուր. այցը՝ լուսանկարներով

Բակո Սահակյանը շնորհավորական ուղերձ է հղել Հայրենյաց պաշտպանի օրվա առթիվ

Բանակը ծնվեց ազատամարտի բովից, հասունացավ ու կերտվեց մեր քաջարի հայորդիների պայքարով. Գարեգին Բ-ի ուղերձը

Ձեր շնորհիվ են մեր երկրի լուսաբացները խաղաղ, իսկ երեկոները՝ հանգիստ. Աննա Հակոբյանի շնորհավորանքը

Սահմանադրական փոփոխությունները կարող են ՍԴ ճգնաժամի լուծման մի ճանապարհը լինել․ Արմեն Գրիգորյան

Հայկական բանակը դարձավ 28 տարեկան. ԶՈՒ զինատեսակների փորձարկումները՝ 1 տեսանյութում

Հեռուստադիտողը կիմանա՝ ում ալիքն է նայում. Արդարադատության փոխնախարարը մանրամասնում է, թե ինչ մեխանիզմ է ներդրվում

ՍՈՒ-30-նների մյուս խմբաքանակը շուտով կգա Հայաստան․ Տոնոյան

Վարչապետը, նախագահը, Ամենայն Հայոց կաթողիկոսը, բարձրաստիճան պաշտոնյաներ այցելել են Եռաբլուր (տեսանյութ)

Հայկական բանակը ծնունդ առավ մեր նորօրյա ազատագրական պայքարի հերոսական մարտերում. Ա. Սարգսյանի ուղերձը

Երեւանում հրդեհ է բռնկվել բեռնատար ավտոմեքենայում. տուժածներ չկան

Քո մանկության երազանքն էր «դառնալ Սերժ», ու այլևս, բացի փողից, ուրիշ բան չունես. Սիմոնյանը՝ Վանեցյանին

Հիվանդ են մարդիկ, որոնք տարածում են նման լուրեր. բժիշկը հերքել է Փաշինյանի՝ նեւրոզ ունենալու մասին լուրերը

Ճամբարակի սրահից թունավորմամբ հիվանդանոց տեղափոխվածների թիվն աճել է. 13 մարդ է տուժել

2020-ի բյուջեով ՊՆ-ին հատկացվել է 307 միլիարդ դրամ՝ 28 տոկոսով ավելի. ՀՀ վարչապետը՝ Բանակի օրվան ընդառաջ

Հայաստանում այսօր տոնում են Հայոց բանակի օրը

Երևանում և 5 մարզում սպասվում են էլեկտրաէներգիայի անջատումներ

Ավտովթար-վրաերթ Երևանի Գարեգին Նժդեհի հրապարակում. կա երկու տուժած

Սոթք-Քարվաճառ ավտոճանապարհը դժվարանցանելի է բոլոր տիպի մեքենաների համար