Երեւանում օրը ցերեկով մեքենա ջարդուխուրդ անող երիտասարդներից մեկը մեկ միլիոն գրավի դիմաց ազատվել է

Երեւանում օրը ցերեկով մեքենա ջարդուխուրդ անող, զենքի գործադրմամբ խուլիգանություն կատարելու համար մեղադրվող երիտասարդներից Ալբերտ Հովհաննիսյանն այսօր նույնպես գրավի դիմաց ազատ է արձակվել:

Այս մասին մեր զրույցում ասաց նրա պաշտպան Էրիկ Ալեքսանյանը՝ հավելելով, որ Երեւան քաղաքի ընդհանուր իրավասության դատարանը (Շենգավիթի նստավայր) այսօր բավարարել է պաշտպանական կողմի ներկայացրած միջնորդությունը, գրավի կիրառումը ճանաչել թույլատրելի եւ Հովհաննիսյանին մեկ միլիոն դրամ գրավի դիմաց ազատ արձակել:

Նշենք, որ այս պահին 5 մեղադրյալներից միայն Կարո Սարգսյանն է գտնվում անազատության մեջ, դատարանը մերժել է նրան ազատելու պաշտպանական կողմի միջնորդությունները:

Այսպիսով՝ գրավի դիմաց ազատ արձակվածներն են՝ Տիգրան Կարապետյանը, Ռոբերտ Շանոյանը, Ալբերտ Հովհաննիսյանը եւ Սերոբ Սահակյանը:

Մեր զրույցում պաշտպան Էրիկ Ալեքսանյանն ասաց նաեւ, որ այսօր ծանուցվել են նախաքննության ավարտի եւ առաջադրված մեղադրանքների փոփոխության մասին, վաղը «մեղադրանքի բովանդակության փոփոխություն է լինելու, որը չի հանգեցնելու մեղադրանքի քրեաիրավական արարքի որակման փոփոխմանը»,- նշեց պաշտպանը:

Պաշտպանական կողմը նախաքննության ընթացքում պնդում էր, որ երիտասարդների արարքում բացակայում է խուլիգանության հանցակազմը: Մինչ նախաքննության ավարտ հայտարարելը պաշտպանը միջնորդություն էր ներկայացրել ՀՀ գլխավոր դատախազին, ինչպես նաեւ Երեւան քաղաքի դատախազին՝ 5 պաշտպանյալների առաջադրված մեղադրանքը վերաորակելու վերաբերյալ: «Այդ միջնորդությունները ոչ միայն չեն քննարկվել Գլխավոր դատախազի եւ Երեւան քաղաքի դատախազի կողմից, այլ ավելին՝ վերամակագրել են քննության նկատմամբ հսկողություն իրականանցող դատախազին, որն էլ իր հերթին վերամակագրել է վարույթն իրականացնող քննիչին. վերջինս էլ որոշում է կայացրել միջնորդությունները մերժելու մասին: Այս որոշումը, ըստ մեր գնահատականի՝ ամբողջությամբ ապօրինի եւ անհիմն որոշում է»,- ասաց Էրիկ Ալեքսանյանը:

Նա ասաց, որ թեեւ պաշտպանական կողմը գտնում է, որ մեղադրյալների արարքում խուլիգանություն չկա, բայց եթե այնուամենայնիվ նախաքննական մարմինը գտնում է, որ նման հանցակազմ առկա է, ապա առհասարակ անհասկանալի է, թե ինչու է օրինակ մեղադրյալներից Ալբերտ Հովհաննիսյանին մեղադրանք առաջադրել ՀՀ ՔՕ 258 հոդվածի 4-րդ մասով (զենքի գործադրմամբ խուլիգանություն), այլ ոչ թե 3-րդ (խմբի կազմում խուլիգանություն). «որովհետեւ ըստ նախաքննական մարմնի՝ մեղադրյալները գործողություններ կատարելիս օգտագործել են մահակներ, որի հիմքը տարածված տեսանյութն է, որտեղ երեւում է, որ նրանց ձեռքում ինչ-որ առարկաներ կան: Հենց այդ նույն տեսանյութից առերեւույթ պարզ է դառնում, որ Հովհաննիսյանի ձեռքում որեւէ առարկա չկա, ուստի մեղադրանք նվազագույնը պետք է գոնե այս փուլում փոխվեր: Այնինչ, դա տեղի չի ունեցել եւ դա հերթական անգամ ապացուցում է այն, որ դատախազությունը չի դադարել իր արատավոր պրակտիկան՝ գործը երբեմն նաեւ իրենց համար ակնհայտ ծանր մեղադրանքներով հաստատելն ու դատարան ուղարկելը՝ դրանց հետագա ճակատագիրը թողնելով դատարանների վրա»,- եզրափակեց պաշտպանը:

Հիշեցնենք, որ աղմկահարույց դեպքը տեղի է ունեցել հունվարի 17-ին, Երեւանում. Նաիրի Զարյան փողոց-Ազատության պողոտա հատվածում Opel մակնիշի 35 ZL 140 համարանիշի ավտոմեքենայից դուրս են եկել մի խումբ երիտասարդներ, հարձակվել Mercedes մակնիշի 34 ՍF 304 համարանիշի ավտոմեքենայի վրա, հարվածներ տեղացել, կոտրել ապակիները, որից հետո վրա հասած մի երիտասարդ ատրճանակով կրակոց է արձակել հեռացող Mercedes-ի ուղղությամբ: Գործով մեղադրյալների թիվը հասնում է 5-ի, որոնց մեղադրանք է առաջադրվել ՀՀ քրեական օրենսգրքի 258 հոդվածի 4-րդ մասի հատկանիշներով (զենքի կամ որպես զենք օգտագործվող առարկայի գործադրմամբ): Առաջին ատյանի դատարանը նրանց կալանավորելու որոշում էր կայացրել:

Տպել
787 դիտում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը

ԶՈՒ գլխավոր շտաբի պետն այցելել է հյուսիսարևելյան սահմանագոտի, ստուգել պահեստավորված զինամթերքը

Վաչե Տերտերյանն ընդունել է ՅՈՒՆԻՍԵՖ-ի ներկայացուցչին

Արցախի պետնախարարի մոտ քննարկվել է զորամասերում սննդի կազմակերպման նոր ծրագիրը

Ակնհայտ էր, որ տնտեսական հեղափոխությունը ձախողված է, դրա համար էլ կառավարությանն օդ ու ջրի պես պետք է հանքի շահագործումը