Վահագն Հարությունյանի գործով դատավորը դիմեց կողմերին, որպեսզի անտեսվի իր ինքնաբացարկի հիմքերը

Երեւան քաղաքի ընդհանուր իրավասության դատարանում՝ դատավոր Արտուշ Գաբրիելյանի նախագահությամբ, այսօր հերթական անգամ հետաձգվեց Մարտի 1-ի գործով որպես մեղադրյալ Վահագն Հարությունյանի գործով բողոքի քննությունը:

Պաշտպանական կողմը դատարանում վիճարկում է ՀՀ հատուկ քննչական ծառայության որոշումը՝ Հարությունյանի նկատմամբ հետախուզում հայտարարելու վերաբերյալ: Նշենք, որ 2018թ. դեկտեմբերի 11-ից առ այսօր սույն բողոքի քննությունը այդպես էլ չի կայանում՝ տաբեր պատճառներով:

Այսօրվա նիստին մինչ բողոքի քննությանն անցնելը մեղադրող դատախազ Պետրոս Պետրոսյանը միջնորդեց բողոքը քննել դռնփակ՝ նկատի ունենալով այն, որ բողոքաբերը վիճարկում է նախաքննական գաղտնիք պարունակող տեղեկություններ այդ թվում՝ հետախուզումը: Հարությունյանի պաշտպան Միհրան Պողոսյանը, սակայն, առարկեց միջնորդության դեմ՝ նշելով, որ չի բողոքարկվում նախաքննական գաղտնիք կազմող տեղեկությունները, այլ՝ բողոքարկվում է քննիչի կողմից կայացրած որոշումը, եւ որեւէ հիմք առկա չէ, որպեսզի գործի քննությունը իրականացվի դռնփակ: Լսելով դատավարության մասնակիցներին՝ դատարանը որոշեց մերժել դատախազի միջնորդությունը: Մինչ բողոքի քննությանն անցնելը դատավոր Արտուշ Գաբրիելյանը նշեց, որ թեեւ առկա են մի շարք փաստական հանգամանքներ, որոնք, ըստ էության, հիմք են իրեն ինքնաբացարկ հայտնելու, սակայն ինքը գտնում է, որ կարող է գործը քննել անկողմնակալ: «Սակայն որպեսզի անկողմնակալ դիտորդի մոտ ողջամիտ կասկածներ չլինեն սույն գործով իմ անկողմնակալության վերաբերյալ, օրենքով սահմանված կարգով դիմում եմ կողմերին՝ իմ բացակայությամբ քննարկել ինքնաբացարկի անտեսման հարցը»,- ասաց նա:

Նշենք, որ ՀՀ դատական օրենսգրքի 71 հոդվածի 4-րդ կետի համաձայն՝ դատավորը պարտավոր է կողմերին բացահայտել ինքնաբացարկի հիմքերը, որը ենթակա է արձանագրման: Տվյալ գործով անաչառ լինելու վերաբերյալ համոզմունք ունենալու դեպքում դատավորը կարող է դիմել կողմերին` առաջարկելով իր բացակայությամբ քննարկելու ինքնաբացարկի անտեսման հարցը: Եթե կողմերը դատավորի բացակայությամբ որոշում են կայացնում դատավորի ինքնաբացարկն անտեսելու մասին, ապա այդ որոշումն արձանագրելուց հետո դատավորն իրականացնում է գործի քննությունը:

Այսօր դատավոր Արտուշ Գաբրիելյանը դիմեց կողմերին՝ իր բացակայությամբ ինքնաբացարկի հիմքերն անտեսելու հարցը քննարկելու համար:

Արտուշ Գաբրիելյանի կողմից ներկայացված փաստական հանգամանքներից մեկը Վահագն Հարությունյանի գործով իր նկատմամբ հարուցված կարգապահական վարույթն է, որը ներկայացվել է այն բանից հետո, երբ դատավորն առանց պաշտպանական կողմի քննել էր Վահագն Հարությունյանին կալանավորելու միջնորդությունը եւ որոշում կայացրել:

Բացի այդ նույն կալանքի գործով Հարությունյանի պաշտպանի հաղորդման հիման վրա ՀՀ հատուկ քննչական ծառայությունում քրեական գործ է հարուցվել՝ փաստաթղթեր կեղծելու դեպքի առթիվ: Ու չնայած վերը նշված հանգամանքներին՝ Արտուշ Գաբրիելյանը գտնում է, որ ինքը կարող է գործն անկողմնակալ քննել:

Պաշտպան Միհրան Պողոսյանը սրա վերաբերյալ իր պաշտպանյալի հետ խորհրդակցելու եւ դիրքորոշումը ճշտելու համար ժամանակ խնդրեց: Այսպիսով՝ նիստը հետաձգվեց եւ նշանակվեց մարտի 5-ին:

Մեր զրույցում Վահագն Հարությունյանի պաշտպան Միհրան Պողոսյանն ասաց, որ հստակ կարող ենք արձանագրել, որ դատավորի ինքնաբացարկի հիմք փաստացի առկա է, դատարանը դիմել է կողմերին, որպեսզի այդ հիմքը անտեսվի: «Մենք պետք է դիրքորշում հայտնենք, անտեսենք այդ հիմքի առկայությունը, թե պնդենք»,- ասաց Պողոսյանը:

Հիշեցնենք, որ ՀՀ հատուկ քննչական ծառայությունում Վահագն Հարությունյանի գործով փաստաթղթեր կեղծելու դեպքով քրեական գործը հարուցվել է մի քանի օր առաջ:

Պաշտպան Միհրան Պողոսյանը Հարությունյանին կալանավորելու առաջին ատյանի որոշման դեմ ներկայացված վերաքննիչ բողոքի քննարկման ժամանակ կեղծ փաստաթուղթ էր հայտնաբերել` «ՀԵՌԱԽՈՍԱԳԻՐ» վերտառությամբ: Ըստ նշված հեռախոսագրի` դեկտեմբերի 30-ին` ժամը 11։25-ին (միջնորդությունը դատավորին մակագրվելուց 11 րոպե անց), Դատարանի աշխատակազմը փորձել է կապ հաստատել Վահագն Հարությունյանի պաշտպանի հետ եւ տեղեկացնել, որ դատական նիստը նշանակված է նույն օրը ժամը 13։00-ին, սակայն Միհրան Պողոսյանը հեռախոսազանգերին չի պատասխանել։ Այնինչ, Միհրան Պողոսյանը պնդում է, որ այդպիսի հեռախոսազանգ ոչ միայն չի կատարվել, այլեւ հետագայում է որպես կեղծ ապացույց զետեղվել է վարույթի նյութերում, քանի որ այն չի եղել, երբ 10.01.2019թ. ծանոթացել է նյութերին:

Այսօր մեր զրույցում անդրադառնալով նշված քրեական գործին՝ Պողոսյանը նախ ասաց, որ այս գործով ինքը բացատրություն է ներկայացրել: Նրա պնդմամբ, սակայն, քրեական գործը պետք է ոչ թե ՀՀ ՔՕ 325 հոդվածով (փաստաթղթերի կեղծում) հարուցվեր, այլ՝ քրեական գործ պետք է հարուցվեր դատարանի գործողությունների հետ կապված:
«Մենք պատահական չէինք նաեւ Հատուկ քննչական ծառայությանը հաղորդում ներկայացրել, որովհետեւ մեր հաղորդման մեջ նշել էինք, որ տվյալ կեղծ ապացույցը օգտագործվել է դատական ակտի հիմնավորումների մեջ, այսինքն՝ առանց պաշտպանների գործի քննությունը սրբագրելու համար այդ ապացույցն է օգտագործվել եւ պետք է քննություն իրականացվեր հենց դատարանի գործողությունների հետ կապված, թե ինչ առնչություն է ունեցել դատարանն այդ փաստաթղթի ստեղծման հետ կապված՝ միգուցե հորդորել են, պարտադրել են եւ եթե բացառեին դատարանի մասնակցությունը, նոր միայն գործը ըստ ենթակայության ուղարկելու հարց կարող էր քննարկվել: ՀՔԾ-ն, սակայն, կարծում եմ՝ կարճ ճանապարհով է գնացել եւ դատարանին մաքրելով այդ գործողություններից՝ քրեական գործ է հարուցել 325 հոդվածով եւ այն ուղարկել դատախազություն՝ ըստ ենթակայության հարցը որոշելու համար: Կարծում եմ, դեռեւս դեկտեմբերի 30-ին ինչ-որ անձայն համաձայնության կամ նույնիսկ պայմանավորվածության արդյունք է, որ ՀՔԾ-ին անհրաժշետ որոշումը դեկտեմբերի 30-ին կեղծիքների միջոցով տրվում է, հետագայում խնդիրներ առաջանալու պարգայում ՀՔԾ-ն դատարանին փորձում է հնարավոր խնդիրներից հեռու պահել»,- ասաց Պողոսյանը:

Հարությունյանը որպես մեղադրյալ է ներգրավվել ՀՀ Քրեական օրենսգրքի 308–րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) եւ 309-րդ հոդվածի 2-րդ մասով (Պաշտոնեական լիազորություններն անցնելը, որը զուգորդվել է բռնություն, զենք կամ հատուկ միջոցներ գործադրելով): Վահագն Հարությունյանը ավելի վաղ որպես մեղադրյալ է ներգրավվել նաեւ Մարտի 1-ի գործով կարեւոր ապացույցներ կեղծելու համար: Նրա նկատմամբ հետախուզումը չի դադարեցվել:

Տպել
1532 դիտում

Վարչապետի հետ հանդիպման 1-ին արդյունքը. Սանասարյանն օդ ու ջրի պես անհրաժեշտ է համարում պատերազմի հարցով հանձնաժողովը

Որտեղ իմ ծառայությունը պետք լինի, այնտեղ էլ կլինեմ. Շիրակի մարզպետը՝ պաշտոնավարումը շարունակելու մասին

Հրդեհ է բռնկվել Արմենակյան փողոցի տներից մեկի պատշգամբում

ԵՄ-ն և ԱՀԿ-ն ժամանակակից ռենտգեն սարքավորում է տրամադրում Մարտունու բժշկական կենտրոնին

Մայամիում հայտնաբերվել են փլուզված շենքի փլատակներում մնացած վերջին զոհի մնացորդները

Չորրորդ զորամիավորումում անցկացվել են զենիթահրթիռային մարտկոցների հրամանատարների հավաք-պարապմունքներ

Թուրքիան կոչ է արել Ռուսաստանին համակերպվել Ուկրաինա զենքի մատակարարման հետ

Մատաղիսում փրկարարներն այսօր հայտնաբերել և տարհանել են ևս մեկ հայ զինծառայողի աճյուն

Հայկ Մարտիրոսյանի տպավորիչ ուղին աշխարհի գավաթի խաղարկությունում մոտեցավ ավարտին

Բողոքի ցույցեր Իրանում

Միացյալ Նահանգները կարևորում է իր երկարամյա գործընկեր հայկական Սփյուռքի դինամիկ ջանքերը․ ԱՄՆ դեսպան

ԵԽԽՎ-ն կհրապարակի հատուկ զեկույց 44-օրյա պատերազմի հումանիտար հետևանքների վերաբերյալ

Արա Խզմալյանն աշխատանքային այցով Սյունիքում է

Ոսկրածուծի ալոգեն փոխպատվաստումը դարձել է իրականություն

Հայաստանի դպրոցականները 4 մեդալ են նվաճել «Ֆիզիկա» առարկայի միջազգային օլիմպիադայում. ունենք նաեւ ոսկե մեդալ

Ավազային փոթորիկը պատել է Չինաստանի քաղաքներից մեկը (տեսանյութ)

Օձուն համայնքում էլեկտրաշչակ է գործարկվելու

Արմեն Սարգսյանը հանդիպում է ունեցել Միջազգային համագործակցության ճապոնական բանկի ղեկավարի հետ

Դատախազությունն առաջարկում է խստացնել արտահիվանդանոցային հարկադիր բուժում ստանալու պետական վերահսկողությունը

ՄԻՊ-ի աջակցությամբ կազմակերպվել է կալանավորված անձի անվճար վիրահատությունը

Աֆրիկացի երեխաները Հայաստանում ենթարկվել են ոսկրածուծի փոխպատվաստման․ այն մեզ մոտ առաջին անգամ է արվում

Իտալիայիում թենիսի գնդակի չափերի կարկուտ է տեղացել (լուսանկարներ)

Հուլիսի 28-ին հանրապետությունում սպասվում է անձրև․ ջերմաստիճանը կնվազի 6-8 աստիճանով

Հայաստանը եղել և մնում է առավելապես կառուցողական. ՀՀ ԱԳՆ-ի պատասխանն Ադրբեջանի ԱԳ նախարարին

Վրաստանում համաճարակաբանական իրավիճակը վատթարացել է. մի շարք սահմանափակումներ կվերականգնվեն

Եռակողմ հայտարարությունների իրականացումը դիտարկելիս պետք է առաջնորդվել փաստերով ոչ թե դրանց յուրովի մեկնաբանմամբ. ԱԳՆ

Տոկիո-2020. Արթուր Բարսեղյանը Հայաստանի նոր ռեկորդ սահմանեց 100մ ազատ ոճ մրցաձևում (տեսանյութ)

Ծանոթն ու ընկերը դանակով հարձակվել, պահանջել և ստացել են 40 հազար դրամ

Երևանում կանցկացվի Ատոմային տեխնոլոգիաների երեկո

Չաքմաքչյանի «Քայլող մարդը» քանդակի համար պետությունը շուրջ 38 մլն դրամ գումար է հատկացրել. ինչու է տեղադրումն ուշանում

Վարժանքներ են իրականացվել Արմավիրի, Վայոց ձորի, Գեղարքունիքի մարզերում

ԱՄՆ ավարտում է ռազմական առաքելությունը Իրաքում

Գյումրիում կատարված դանակահարությունը բացահայտվել է (տեսանյութ)

Մանվել Փարամազյանը կմնա կալանքի տակ. Վերաքննիչ դատարանը մերժել է նրա պաշտպանների բողոքը

Դավթաշեն 1-ին թաղամասի շենքերից մեկի մոտակայքում մարտական նռնակ է հայտնաբերվել

ՄԻՊ-ն առաջարկում է փոփոխել հանրակրթական ուսումնական հաստատություն ընդունվելու չափանիշները

Տոկիո-2020. Արթուր Բարսեղյան և Վարսենիկ Մանուչարյան. անձնական ռեկորդների հետևից

Աճյունների որոնումն այսօր շարունակվում է Մատաղիսի ուղղությամբ

Արցախի ՄԻՊ-ը չհայտարարված այց է կատարել Ստեփանակերտի գիշերօթիկ հաստատություն

Խաչատուր Սուքիասյանի եղբորը կալանավորելու որոշման դեմ վերաքննիչ բողոք է ներկայացվել