Հայաստանը վճռական է տրամադրված Եվրամիության հետ գործընկերությունը շարունակելու հարցում․ Փաշինյան

Հայաստանը վճռական է տրամադրված Եվրամիության հետ գործընկերությունը շարունակելու հարցում։ Այս մասին այսօր Բրյուսելում Եվրոպական խորհրդի ղեկավար Դոնալդ Տուսկի հետ համատեղ ասուլիսի ժամանակ հայտարարել է Հայաստանի վարչապետ Նիկոլ Փաշինյանը։

Վարչապետը նշեց, որ Տուսկի հետ հանդիպմանն անդրադարձել են Հայաստանում ժողովրդավարական բարեփոխումներին, տարածաշրջանային զարգացումներին։

«Մենք խոսել ենք Հայաստանում տեղի ունեցած արտահերթ խորհրդարանական ընտրությունների մասին, որոնք միջազգային հանրության կողմից որակվել են որպես եվրոպական լավագույն չափանիշներին համապատասխանող ընտրություններ։ Գիտենք, որ այս ընտրությունների նկատմամբ աննախադեպ հանրային վստահություն կար, և, այս առումով, մենք բարձր ենք գնահատում Եվրոպական միության աջակցությունն այս ընտրությունների հաջող կազմակերպման հարցում։ Այն դինամիկ քաղաքական փոփոխությունները, որ տեղի ունեցան մեր երկրում, Հայաստանին և Եվրոպական միությանն ավելի են մերձեցրել», - ասաց Փաշինյանը։

Վարչապետն ընդգծեց՝ Հայաստանում ժողովրդավարությանն այլընտրանք չկա։ «Ժողովրդավարության ուղղությամբ բարեփոխումների օրակարգը հավանության է արժանանում Եվրամիության կողմից, և մենք առաջնահերթ ենք համարում մարդու իրավունքները, կոռուպցիայի դեմ պայքարը և օրենքի գերիշխանությունը», - ասաց Փաշինյանը։

Վարչապետն ընդգծեց, որ Հայաստանը շարունակում է աշխատանքը Եվրամիության հետ Համապարփակ և ընդլայնված գործընկերության համաձայնագրի շուրջ և քայլեր են ձեռնարկվում Հայաստանում ժողովրդավարական ձեռքբերումներն էլ ավելի առաջ տանելու համար։

«Ուրախ եմ տեսնել, որ մեր գործընկերները մեզ հետ համանման օրակարգ ունեն։ Մենք վճռական ենք տրամադրված բարեփոխումներ իրականացնելու և մեր քաղաքացիների ու հայրենակիցների միջավայրը բարելավելու համար, ինչպես նաև ստեղծելու այնպիսի միջավայր, որը կողջունի մեր գործընկերներին և ներդրումներ կատարողներին», - ասաց վարչապետը՝ շարունակելով. - «Մենք քննարկեցինք Հայաստան-Եվրամիություն համաձայնագիրը և գտնում ենք, որ դա կարևորագույն գործիք է մեր բարեփոխումների օրակարգն առաջ տանելու հարցում։ Մենք դեռևս սպասում ենք Եվրամիության անդամ բոլոր պետությունների կողմից այդ համաձայնագրի վավերացմանը, որը թույլ կտա լիարժեքորեն օգտվել համաձայնագրի տրամադրած առավելություններից։ Այս համատեքստում մենք քննարկել ենք համաձայնագրի վավերացման գործընթացն արագացնելուն ուղղված քայլերը, մենք նաև քննարկել ենք վիզաների ազատականացման գործընթացը, որը թույլ կտա Հայաստանի քաղաքացիներին ավելի ազատ կերպով ճանապարհորդել Եվրոպական միության երկրներ։ Հույս ունենք, որ այս հարցում քաղաքական որոշումը շուտ կկայացվի»։

Փաշինյանն ասաց, որ անդրադարձել են նաև ղարաբաղյան խնդրին։ «Քննարկել ենք Եվրամիության շարունակական հավասարակշիռ դիրքորոշումը Լեռնային Ղարաբաղի հարցում։ Մենք ողջունում ենք այն, որ Եվրամիությունը փաստում է, որ ԵԱՀԿ Մինսկի խումբը պետք է զբաղվի այս խնդրով, և դա կարևոր ներդրում է Հայաստանում և տարածաշրջանում խաղաղություն հաստատելու ուղղությամբ։ Մենք ընդունում ենք, որ ղարաբաղյան հակամարտությունը բացառապես խաղաղ ճանապարհով պետք է լուծվի», - ասաց Փաշինյանը՝ վստահություն հայտնելով, որ Եվրամիության հետ այս կառուցողական երկխոսությունը շարունակվելու է, որն էլ ավելի կուժեղացնի Հայաստան-Եվրամիություն համագործակցությունը։

Տպել
6135 դիտում

Ուրախ եմ, որ չենք քննարկում, թե Ալեն Սիմոնյանի տղան մեկին գցել է մեքենայի տակ եւ չի պատժվել. թող սա լինի ամենամեծ խնդիրը

ԿԳՄՍ-ն կիրականացնի ներառական կրթության համակարգի հզորացման ծրագիր

Կառավարությունը ԲԷՑ-ին թույլատրեց «Կասկադ-էներգո» ՍՊԸ-ի հետ 8 մլն 857 հազար դոլարով պայմանագիր կնքել

30-ամյա տղամարդը բերման ենթարկվելու ժամանակ ոստիկանների նկատմամբ բռնություն է գործադրել

ԱԱԾ հաշվեկշռում գտնվող շենքը թալանելու գործով երկու անձի մեղադրանք է առաջադրվել. նրանք կալանավորվել են

ԱԱԾ-ին ամրացված շենքը մրցույթով կօտարվի․ գումարի մի մասը կհատկացվի ԱԱԾ աշխատակիցների բնակարանային խնդիրը լուծելու համար

«Նորք» ինֆեկցիոն հիվանդանոցում հայկական արտադրության վերելակ է տեղադրվել (լուսանկար)

Սուրբ Սոֆիայի տաճարը կրկին ցանկանում են դարձնել մզկիթ․ Ռուստամ Բաքոյանը մտահոգություն հայտնեց

ՀՀ Կառավարությունն արտոնություն տրամադրեց «ԱՐՄԵՆԻԱ ՎԱՅՆ»-ին եւ «ՍԱՆԷՆԵՐՋԻ»-ին

«Մուլտի գրուպ» կոնցեռնին պատկանող Մղարթի ոսկու հանքավայրում խախտումների համար նշանակվել է 100 հազար դրամ տուգանք

Շահութահարկի կանոնի փոփոխության արդյունքում տնտեսության մեջ առնվազն 64 մլրդ դրամի շրջանառություն է մնացել․ փոխվարչապետ

Վարչապետի որոշմամբ՝ Զարեհ Սինանյանը մեկնում է 4 շաբաթյա արձակուրդ

Գնում են դրսից տղա բերելու տրամաբանությամբ՝ լինի Բրյուսելից, թե Մոսկվայից. չի ստացվելու. Ա.Սիմոնյանը՝ ՄԻԵԴ որոշման մասին

ԱԺ-ն ավարտեց արտահերթ նստաշրջանը․ քննարկված բոլոր նախագծերն ընդունվեցին

Փրկարարները Գետահովիտ գյուղի ջրատարից դուրս են բերել ավտոմեքենան

Տանը սպասող քաղաքացի արդեն մի քանի օր է՝ չունենք․ ամենօրյա վիճակագրությունը բացասական միտում ցույց չի տալիս․ Թորոսյան

2020 թվականի 1-ին կիսամյակում ապահովվել է 680.3 մլրդ դրամ հարկային եկամուտներ

Պետական սահմանի խախտման 5 դեպք, սահմանային ռեժիմի խախտման՝ 27. ԱԱԾ-ն ամփոփում է սահմանապահ զորքերի աշխատանքը

Հայաստանի Հանրապետության քաղաքացին կորոնավիրուսից մահանալու մատերիալ չէ․ վարչապետ

«Լոռիի» ֆուտբոլիստի մոտ կորոնավիրուս է հայտնաբերվել. նա հոսպիտալացվել է