Բնակարանաշինական «Մի կտուրի տակ» ծրագիրը շարունակում է անորոշության մեջ է պահել ժողովրդին

Արդեն երկար ժամանակ մեծ աղմուկ հանած «Մի կտուրի տակ» բնակարաշինական ծրագիրը շարունակում է անորոշության մեջ պահել քաղաքացիներին: Մեծ թվով քաղաքացիներ իրենց դժգոհությունն են հայտնում ծրագրի ղեկավարության, աշխատակազմի վերաբերյալ: Բողոքները բազմազան են և տարաբնույթ: Նախ հիշեցնենք, որ դեռևս նախորդ տարվա ամռանից հայտարարվեց «Մի կտուրի տակ» ծրագրի մասին, որը պատրաստ է բնակարաշինական ծրագրեր իրականացնել և սոցիալապես անապահով ընտանիքների համար կառուցել բնակարաններ: Բավականին գայթակղիչ  և հարմարավետ պայմաններով քաղաքացիներին առաջարկվում էր բնակարաններ:

Առանց կանխավճարի, ինքնարժեքով և ամսական նվազագույն գումարի դիմաց հազարավոր հայ քաղաքացիների առաջարկվում է բնակարանի տեր դառնալ. բնակարանով ապահովելու խոստման դիմաց քաղաքացիներին առաջարկում են վճարել սիմվոլիկ գումար՝ 2 հազար դրամ, իսկ երբ արդեն ստեղծված կոոպերատիվների միջոցով կշահագործվեն կառուցված տները և կհանձնվեն հասցեատերերին, ամսական նվազագույնը 30 հազար դրամ կվճարվի կոոպերատիվի հաշվեհամարին:

Տան ողջ գումարը վճարելուց հետո շահառուները կկարողանային ձեռք բերել տան վկայական և դուրս գալ կոոպերատիվի իրավասությունից: Հեշտ հավաքվող, այսպես կոչված շարժական տները պետք է կառուցվեին Երևանում և հարակից տարածքներում: Գայթակղվելով սեփական բնակարան ունենելու ծրագրով, բնակարաշինական այս ծրագիրը կարճ ժամանակում հասցրել է հավաքել ավելի քան 50 000 շահառու, որոնց թվում, բացի Հայաստանի բնակիչներից, կան նաև հայեր տարբեր երկրներից: Նրանք տեղեկացել էին ծրագրի մասին առցանց և գրանցվել:

Ծրագիրը խոստումնալից էր նաև նրանց համար, ովքեր ունեին անմշակ հողատարածքներ, սակայն չունեին անհրաժեշտ գումար՝ դրանց տնօրինման համար: Ըստ ծրագրի ղեկավար Մհեր Դերձյանի` այդ տարածքների վրա ևս պետք է կառուցվեին բնակարաններ կամ փոխանակվեին այլ շահավետ պայմաննների դիմաց: Դերձյանն ասել էր, որ ծրագրի հովանավորները բարերարներ են արտասահմանից, Ռուսաստանից: Հայտարարվել էր, որ հողատարածքներ են գնվելու Երևան քաղաքում ու հարակից տարածքններում: Գնված հողատարածքը հաստատող փաստատուղթ այդպես էլ երևան չի եկել:

Ամեն դեպքում, ըստ ծրագրի ղեկավարնների, ծրագիրը բոլոր առումներով շահավետ էր լինելու բոլոր նրանց համար, ովքեր անօթևան են:

Հիմա պարզվում է՝ ամեն ինչ այնքան էլ միանշանակ չէ: Քաղաքացիները հոգնել են սպասելուց, վերացական խոստումներ լսելուց և այդպես էլ հստակ պատասխան չստանալուց: Երկար ժամանակ է՝ արդեն, որ նրանք շարունակում են իրենց դժգոհությունները հայտնել և ամեն օր կառույցի երևանյան գրասենյակ են շտապում հազարավոր քաղաքացիններ, սակայն այդպես էլ հստակ որևէ տեղեկություն չեն ստանում: Շահառուներն անհանգստանում են, կասկածներ ունեն, թե ծրագիրը խաբեություն է, քանի որ չկան համապատասխան փաստաթղթեր, գրանցվածների մի մասին էլ ոչ մի հստակ տեղեկություն չի տրամադրվում, գրասենյակների վայրերը անընդհատ փոխվում են, հեռախոսահամարներին էլ հազվադեպ են պատասխանում:

«Արդեն ինչքան ժամանակ է՝ «տանում-բերում» են: Նախ փափուկ բարձ դրեցին գլխներիս տակ, առանց կանխավճարի, առանց տոկոսի տուն կունենանք: Անգամ կառուցվելիք բնակարանների նկարներն էին տեղադրում իրենց ֆեյսբուքյան էջում, որ ժողովուրդը տեսնի, ոգևորվի: Դրա համար էլ առանց սահմանափակման դիմումները վերցնում էին: Բայց դիմում լրացնելուց հետո արդեն հստակ հասցե, հեռախոսահամար չէին տալիս, ֆեյսբուքյան էջը դադարեց գործել, գրասենյակներն էլ տեղից տեղ էին տեղափոխում»- մեր զրույցում իր դժգոհությունը հայտնեց քաղաքացիներից մեկը:

Մեր հարցին, թե տեղեկություններ կան, որ ոչ մի հողատարածք չի հատկացվել «Մի կտուրի տակ»  ծրագրին, քաղաքացին ասաց. «Եթե այն ժամանակ ասում էին` հողերը գնել են և պատրաստվում են սկսել շինարարական աշխատանքներն, ապա արդեն վերջին այցի ժամանակ ասել են, որ դեռ հողատարածք չեն գնել և պետք է սպասենք»:

Նրանց հավատացրել են, որ մարտ-ապրիլ ամիսներին շինարարական աշխատանքները սկսելու են, բայց ինչպես քաղաքացիներն են ասում, դեռ շարժ չկա: Քաղաքացիների մի մասն էլ դժգոհում են, որ չեն հասկանում, թե ինչ սկզբունքով են առաջնորդվում ծրագրի ղեկավարները: «Վերցնում են անգամ այն մարդկանց դիմումները, ովքեր տուն ունեն մարզերում, բայց քաղաքում տուն ունենալն էլ չէր խանգարի»- ասաց  քաղաքացին:

«Դե պարզ է, հո 2000 դրամի համար կռիվ չենք անելու, ուղղակի եթե չեն սարքելու, թող մեզ էլ չտանեն-չբերեն»- ավելացրեց քաղաքացին: Ծրագրի ղեկավարներն էլ, թերեւս, իրենց հույսը դրել են հենց դրա վրա, որ քաղաքացիներն, իրոք, 2000 դրամի համար դատարան չեն դիմի:

Ժողովուրդը կասկածներով, բայց եւ հույսով շարունակում է սպասել, թե երբ կտեսնի առաջին տան շինարարական աշխատանքները:

Տպել
2109 դիտում

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում

Արտեմ Դալաքյանը երրորդ անգամ պաշտպանել է WBA վարկածով աշխարհի չեմպիոնի տիտղոսը (տեսանյութ)

Վարժարանի ուսուցիչը կասկածվում է 15-ամյա աշակերտուհու նկատմամբ անառակաբարո գործողություններ կատարելու մեջ

Մենք ձեւավորում ենք գաղափարական նոր հարթություն՝ 4 սյուների վրա հիմնված. վարչապետը՝ ՔՊ համաժողովին (տեսանյութ)

Կիեւյան փողոցի շենքի մոտ ծուխ է նկատվել. փրկարարները տարհանել են բնակիչներին

Այս անգամ Ծառուկյանն էլ չի փրկի ձեզ, եթե պատերազմ եք ուզում՝ կստանաք. Տիգրան Ուրիխանյան

Այսօր «Քաղաքացիական պայմանագիր» կուսակցության համաժողովն է. ընտրվելու է վարչության նոր կազմ. ուղիղ

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Ոստիկանները կրկին մեկնեցին սահման. Օսիպյանը պարգեւատրել է նրանցից մի քանիսին

Արաբկիրի ոստիկանները պարզել են քաղաքացուն դանակահարած անձի ինքնությունը

Ոստիկանները հայտնաբերել են քաղաքացու դրամապանակը գողացած անձին

Սարի թաղում՝ հեռուստաաշտարակի մոտ այրվում է խոտածածկ տարածք

ՀՀ ոստիկանությունում տեղի է ունեցել պարգեւատրման արարողություն

Դավիթ Տոնոյանը այցելել է ՀՀ ԶՈւ-երի մարտական հենակետերից մեկը

Տարբեր երկրների քաղաքացիական հասարակության ներկայացուցիչներ հյուրընկալվել են ՀՀ ԱԺ-ում

Համազգային թատրոնի փոխտնօրենն աշխատանքից ազատման դիմում է ներկայացրել

Ոստիկանները բերման են ենթարկել ավտոմեքենայի պատուհանից ինքնաշեն սարքով կրակած անձին

Ոստիկանները ապօրինի թմրանյութ պահելու եւ օգտագործելու դեպքեր են բացահայտել