Վրիպակ ունեցա. մեղադրանքը վիրավորվածի, ոչ թե զոհվածի մասով էր, նոր բացահայտումներ կլինեն. Լոռու մարզպետ

14/03/2019 schedule23:36

«Ի սկզբանե առաջնորդվելով պաշտոնական գործունեության հետ կապված խնդիրները անձնական դաշտ չտեղափոխելու հստակ գործելաոճով, զերծ կմնամ Լոռու նախկին մարզպետի սեռային դիտարկումներին համապարփակ գնահատական տալուց, իսկ վերջինիս ի պաշտոնե կատարած աշխատանքի գնահատականը պարբերաբար տալիս են ինձ դիմող քաղաքացիներն ու վերջինիս ենթակայությամբ աշխատած աշխատակիցները ամենագունեղ պատմություններով, որոնց մի քանիսի մասին դեռ առաջիկայում կլսենք»: 

Ի պատասխան Լոռու նախկին մարզպետ Արթուր նալբանդյանի գրառման, ֆեյսբուքյան իր էջում գրել է Լոռու մարզպետ Անդրեյ Ղուկասյանը՝ շարունակելով ներկա եւ նախկին մարզպետների հեռակա բանավեճն ու իր կողմից բարձրաձայնված մեղադրանքները:

Մարզպետի գրառումն ու հրապարակած փաստաթղթերը ներկայացնում ենք ստորեւ.

Ինչ վերաբերում է մարզպետի ֆոնդից կատարված հատկացման արդյունքում ապրիլյան պատերազմի մասնակցի հարազատին փաստաթղթային ձևակերպմամբ 50.000, իսկ առձեռն՝ 30.000 դրամ տրամադրելու մասին տեղեկատվությունը հրապարակային դարձնելով նախաքննական գաղտնիք բացահայտելու մասին վերջինիս պնդումներին, հարկ եմ համարում նշել, որ տիրապետելով առավել մեծ ծավալով տեղեկատվության, հրապարակել եմ դրա մի փոքր մասը միայն՝ զերծ մնալով որևէ մանրամասն նշելուց և որևէ նախաքննական գաղտնիք բացահայտելուց: 

Նախաքննական գաղտնիքի տարրեր այս դեպքում, պարունակում է նախկին մարզպետի գրառումը, ով մատնանշել է համայնքը, որի բնակիչը ստացել է տվյալ սոցիալական աջակցությունը:

Եվ քանի որ արդեն իսկ համայնքը մատնանշված է և բոլորը գիտեն, որ խոսքը Ջրաշեն համայնքի մասին է, առանց նախաքննական գաղտնիքի տարրեր ներկայացնելու հրապարակում ենք այն փաստաթուղթը, որը հավաստում է, որ «առերևույթ փաստական տվյալներ են ստացվել այն մասին, որ 2017թ.-ի ապրիլ ամսվա ընացքում ՀՀ Լոռու մարզպետարանի իրավասու պաշտոնատար անձիք շահադիտական դրդումներից ելնելով ապրիլյան քառօրյա պատերազմին մասնակցած ...-ի անվամբ ելքագրված դրամական օգնության ԳՈՒՄԱՐԸ ՀԱՓՇՏԱԿԵԼՈՒ ԴԻՏԱՎՈՐՈՒՅԱՄԲ, իրավաբանական նշանակություն ունեցող, փաստեր հավաստող և պաշտոնական փաստաթուղթ հանդիսացող «ՀՀ Լոռու մարզպետարանից դրամական աջակցություն ստացած քաղաքացիների» ցուցակում ԿԵՂԾԵԼՈՎ ...-ի մոր ստորագրությունը, վերջինիս հատկացրել են տրամադրվելիք 50.000 ՀՀ դրամից պակաս՝ 30.000 ՀՀ դրամ գումար, ապա բովանդակությամբ ԿԵՂԾ փաստաթղթերը շրջանառության մեջ դնելով՝ ներկայացրել են Լոռու մարզպետարան...», .... ուստի որոշվել է դեպքի առթիվ հարուցել քրեական գործ՝ ՀՀ Քրեական օրենսգրքի 314-րդ հոդվածի 1-ին մասի հատկանիշերով:

Ապրիլյան պատերազմի մասնակցին հատկացված գումարի կեղծման հիմքով քրեական գործի հարուցման մասին այս ողջ պատմությունը իմ՝ առաջնագծում ծառայածիս համար չափազանց ցնցող էր ու զարմանալի: Միտքը, որ Լոռիում հնարավոր է արյան գնով հայրենիքը, հողը, երկիրը պաշտպանած զինվորին, սպային հատկացվելիք գումարից գողացած լինեն, ինձ երեկվանից հանգիստ չի տալիս: 

Ու թերևս դա է պատճառը, որ հայրենիքի պաշտպանից գողանալուն վերաբերող այս դեպքով տեխնիկական վրիպակ ունեցա. գողանալու մեղադրանքը ապրիլյան պատերազմում վիրավորված, բայց բարեբախտաբար, ողջ մնացած զինծառայողի մասով է: Եվ սակայն կա՞ արդյոք էական տարբերություն, վիրավորի՞, թե զոհվածի ընտանիքից են գողացել: Չէ՞ որ երկուսն էլ կռվել ու պաշտպանել են հող հայրենին՝ արյան, կյանքի գնով:Իհարկե՝ ոչ:

Վստահ եմ, հարուցված քրեական գործն իր բնականոն հունով կգնա և կարճ ժամանակ անց ամեն ինչ ամենայն մանրամասնությամբ կհրապարակվի: 
Ինչպես միշտ, այս դեպքում ևս ի տարբերություն որոշ այրերի, զերծ մնալով թե Լոռու նախկին մարզպետին, թե որևէ այլ պաշտոնյայի անձնական մեղադրանք կամ անձնական վիրավորանք հասցնելուց, վստահեցնում եմ, անկախ նրանից, դա որոշներին դուր է գալիս, թե՝ ոչ, ես շարունակելու եմ իմ որդեգրած սկզբունքային աշխատելաոճը ուղղված Լոռու մարզում օրինականության հաստատմանը, արդյունավետ աշխատանքային միջավայրի ստեղծմանն ու ապահովմանը, որակյալ աշխատակիցներով համալրմանը՝ անկախ սեռից, տարիքից, կուսակցական պատկանելիությունից: 

Լոռին օրինապաշտության ու տնտեսական հեղափոխության ճանապարհին է ու այդ ընթացքն այլևս անկասելի է...

Իսկ առջևում դեռ կլինեն նոր ու առավել հետաքրքիր բացահայտումներ ինչպես մարզպետարանը ներկայացրած/ներկայացնող որոշ անհատների, այնպես էլ մարզային ենթակայության կառույցների ու դրանց տնօրենների գործունեության մասին»:

Հիշեցնենք, որ Անդրեյ Ղուկասյանը այսօր հայտնել էր, որ վերջերս դիմել է Լոռու մարզային դատախազություն՝ ուսումնասիրելու նախկին մարզային իշխանության կողմից այսպես կոչված մարզպետի ֆոնդից սոցիալական աջակցություն ստացած անձանց ցուցակները:

Մարզպետը հայտնում էր, որ առաջին բացահայտումն արդեն արված է, հարուցված է քրեական գործ։ Նախկին իշխանության ներկայացուցիչները, պարզվում է, ապրիլյան պատերազմում զոհվածի ընտանիքին ըստ փաստաթղթի տրամադրել են 50.000 դրամ, իրականում, սակայն, հատկացվել է 30.000, ստորագրվել 50.000 դրամի դիմաց՝ կեղծելով զոհվածի հարազատի ստորագրությունը:

Լոռու նախկին մարզպետի արձագանքը շատ չէր ուշացել:

Վերջինս պատասխան գրառմամբ հայտնել էր, որ որոշ մարդիկ ի վերջո պետք է դադարեն իրենց հեղինակության բարձրացման փորձերը այլ մարդկանց հեղինակազրկելու միջոցով: Դա իրենց մոտ չի ստացվի: Նա նշում էր, որ մարզպետը հավանաբար միտումնավոր է կեղծ լուրեր տարածում կամ լիարժեքորեն չի տիրապետում տեղեկատվությանը, քանի որ խոսքը վերաբերել է միայն Ջրաշեն համայնքից իբր ապրիլյան քառօրյայում զոհ ունեցող մեկ ընտանիքի: «Վստահեցնում եմ ձեզ՝ ապրիլյան քառօրյայում Ջրաշեն համայնքից, փառք Աստծո, զոհեր չենք ունեցել»,-գրել; էր Արթուր Նալբանդյանը:

Տպել
1134 դիտում

Վարչապետը մարզադաշտից հետևել է Հայաստան-Ֆինլանդիա հանդիպմանը (լուսանկարներ)

Հայաստան-Ֆինլանդիա. հանդիպման առաջին րոպեներին ֆուտբոլիստ Յենսենը բացել է հաշիվը՝ 0:1

Ստեփանծմինդա-Լարս ավտոճանապարհը մի քանի ժամով փակ է լինելու տրանսպորտային բոլոր միջոցների համար

Արմավիրի մարզում քաղաքացին փորձել է ինքնասպան լինել գերեզմանատանը

Դժվարանցանելի են Շիրակի մարզի մի շարք միջհամայնաքային ճանապարհներ, Դիլիջանի ոլորանները

Երևանում վերաբացվելու է Կալիֆորնիա-Հայաստան առևտրի գրասենյակը

Դատարանը վարույթ է ընդունել Սեդրակ Քոչարյանի բողոքը, որով ԱԱԾ-ից պահանջում են հերքել հաղորդագրությունը

ԱԺ նախագահը և Կուբայի դեսպանն անդրադարձել են տարբեր ոլորտներում համագործակցության հնարավորություններին

Հայաստանը տեխնիկապես պատրաստ է ԵՄ երկրների հետ վիզայի ազատականացմանը, հարցն ավելի շատ քաղաքական է

Այս շինծու գործը ճշմարտությունից այնքան է հեռու, ինչքան խոզը տուռնիկից. Ֆլեշի Բարսեղ

Երևանի քաղաքապետարանում «Մայքրոսոֆթ»-ի հետ քննարկել են «Խելացի քաղաք» ծրագիրը

Նիկոլ Փաշինյանը ցավակցական հեռագիր է հղել ԻԻՀ նախագահին

ՊԵԿ-ը տնտեսվարողին 3 մլն դրամի վնա՞ս է հասցրել․ ահազանգ

Ովքեր են «Արտավազդ» ամենամյա մրցանակաբաշխության 2019-ի նոմինանտները

Օպերային թատրոնի ղեկավարությունը ողջունում է հարակից տարածքում պատշաճ միջավայրի ստեղծումը

Կասկածելի գործընթացներ ենք հասցրել արձանագրել Հանրային հեռուստառադիոընկերության խորհրդի նախագահի մրցույթում. Նավասարդյան

Առողջապահության նախարարությունը մինչ այս պահը արել է ամեն հնարավոր բան Զավեն Գրիգորյանի առողջության համար. նախարար

Տգեղ է, տիկին Զոհրաբյան, հեղափոխության կոնտեքստում խոսել մի մարդու մասին, ում չեք ճանաչում. Ա.Դավոյան

ՍԵՔՅՈՒՐԻԹԻ ԴՐԻՄԻ հիմնադիրները անօրինակա՞ն են լուծել պայմանագիրը «Թուլս Թաուն»-ի հետ

Գիքորի պես գոռալով, էստի համեցեք ասելով` ուղևորներին «փախցնում» են. Արմավիր-Երևան երթուղու գործադուլը շարունակվում է