Քաղաքապետարանը դիմել է դատարան, որ սրճարանների սեփականտերերը ազատ վիճակում վերադարձնեն համայնքի հողերը

Օպերային թատրոնի հարակից տարածքում այսօր շարունակվեցին սրճարանների ապամոնտաժման աշխատանքները: Ի տարբերություն նախորդ երկու օրերի, քաղաքապետարանի աշխատակիցները դիմադրության չհանդիպեցին:

Ի սկզբանե հայտարարվել է, որ կանաչապատում իրականացնելու նպատակով սրճարաններից ազատվելու է համայնքին պատկանող տարածքի առաջին գոտին: Մինչեւ այժմ ապամոնտաժման աշխատանքներ են իրականացվել միայն «Ատլանտիկ»-ում ու «Ջազզվե»-ում, ինչպես նաեւ ազատվել է «Ռիչ»-ի զբաղեցրած տարածքը: Մյուս երկու սրճարանները, որոնք եւս գտնվում են նշված առաջին գոտում ու ենթակա են ապամոնտաժման, շարունակում են կանգուն մնալ: Խոսքը «Մոնտալի» եւ «Շոկոլադնիցա»-յի մասին է: Դրանց անդրադառնալու իրավական հիմքեր քաղաքապետարանն առայժմ չունի, ինչը ստանալու համար դիմել է դատարան:

Երեւանի քաղաքապետարանի տեղեկատվության եւ հասարակայնության հետ կապերի վարչության պետի ժամանակավոր պաշտոնակատար Հովսեփ Կուբատյանը տեղեկացրեց, որ համայնքը հայցերից մեկով դիմել է Երեւան քաղաքի ընդհանուր իրավասության դատարան՝ ընդդեմ «Մերի» սահմանափակ պատասխանատվությամբ ընկերության (ՍՊԸ)՝ գումարի բռնագանձման, հողի վարձակալության պայմանագիրը վաղաժամկետ լուծելու, տարածքն ազատ վիճակում Երեւան համայնքին վերադարձնելու եւ կատարված իրավունքի պետական գրանցումը վերացնելու վերաբերյալ: Բանն այն է, որ 2002 թվականին քաղաքապետի եւ «Մերի» ՍՊԸ-ի միջեւ կնքված պայմանագրով 258.5 քմ մակերեսով հողամասը 25 տարի վարձակալության ժամկետով հատկացվել է վարձակալին: Պայմանագրից ծագող վարձակալության իրավունքը նույն 2002 թվականին գրանցվել է ՀՀ ԿԱ անշարժ գույքի կադաստրի պետական կոմիտեում եւ «Մերի» ՍՊԸ-ին տրվել է անշարժ գույքի նկատմամբ իրավունքի պետական գրանցման վկայական: Նշված ընկերությանը պատկանում է «Մոնտալ» սրճարանը: Իսկ թե ինչ գումար բռնագանձելու մասին է խոսքը, քաղաքապետարանից չմանրամասնեցին:

Ինչ վերաբերում է «Շոկոլադնիցա»-յին, այս սրճարանը շահագործող «Մագնոլիա» ընկերությունը 2 հազար 613 քմ մակերեսով հողամասը վարձակալել է մինչեւ 2026 թվականը: Երեւան համայնքը դատարանից պահանջում է վարձակալության պայմանագրից հրաժարվելու հիմքով այն լուծված համարել եւ որպես հետեւանք՝ վերացնել «Մագնոլիա» ՍՊԸ-ի անվամբ իրավունքի պետական գրանցումը, պարտավորեցնել «Մագնոլիա» ընկերությանը ազատ վիճակում Երեւան համայնքին վերադարձնել համայնքային սեփականություն հանդիսացող 2 հազար 613 քմ մակերեսով հողամասը:

Այսպիսով, ստացվում է՝ թեպետ հողատարածքը համայնքի սեփականությունն է, դրա վրա գտնվող կառույցները սրճարաններ շահագործող ընկերություններին պատկանում են սեփականության իրավունքով, որոնց նկատմամբ քաղաքապետարանը որեւէ գործողություն անելու իրավունք չունի: Ու փաստորեն չի բացառում, որ դատարանը եւս չտա այդ իրավունքը: Իսկ այդ դեպքում կստացվի, որ կանաչապտման ենթակա տարածքը սրճարաններից կարող է ազատվել միայն մեկումեջ:  

Օպերային թատրոնի հարակից տարածքում «Մագնոլիա» ՍՊԸ-ն շահագործում է երեք սրճարան: «Շոկոլադնիցա»-յից բացի «Մագնոլիա»-ն ու «Մեղեդին»: Հովսեփ Կուբատյանն ասաց, որ քաղաքապետարանը ցանկանում է ազատված տեսնել բոլոր երեք սրճարանների զբաղեցրած տարածքները: Նկատենք, սակայն, որ կանաչապատման ենթակա առաջին գոտում գտնվում է դրանց միայն մի մասը:

Քաղաքապետարանի պաշտոնյան, անդրադառնալով այն տեղեկություններին, թե Օպերայի տարածքը սրճարաններից ազատվելուց հետո հաջորդը լինելու է Օղակաձեւ զբոսայգին, ասաց, որ այնտեղ այժմ գույքագրում է իրականացվում՝ պարզելու տնտեսվարողների կողմից տարածքները զբաղեցնելու իրավական հիմքերը: Նույնպիսի գույքագրում իրականացվում է Մոնումենտի այգում: «Բայց հնարավոր գործողությունների ժամկետ դժվար է ասել: Ամենաշուտը դա կարող է լինել հաջորդ տարի»,- նշեց Հովսեփ Կուբատյանը: Նա նաեւ տեղեկացրեց, որ Երեւանում ընդհանուր առմամբ գործում է մոտ 1 500 սրճարան՝ փակ կամ բացօթյա: «Ոչ մի նոր սրճարանի թույլտվություն քաղաքապետարանը չի տվել»,- նոր իշխանություններին նկատի ունենալով՝ փաստեց նա:

հակադիր կարծիքներ

Օպերայի հարակից տարածքում սրճարանների ապամոնտաժման հարցում քաղաքային իշխանությունների բնապահպան ընդդիմախոսները մատնացույց են անում այնտեղի ստորգետնյա ավտոկայանատեղին եւ նշում, որ ներքեւից դուրս եկող արտանետումները թույլ չեն տալու, որ տարածքում ծառեր աճեն: Քաղաքապետարանի բնապահպանության վարչության պետի ժամանակավոր պաշտոնակատար Խաչիկ Հակոբյանը համաձայն չէ դրա հետ: «Հենց հիմա դուք այստեղ տեսնում եք բազմաթիվ կանաչ ծառեր, թփեր եւ խոտածածկ: Բնականաբար այդ արտանետումները կան, նրանք նոսրացվում են մթնոլորտային օդում: Հող կա, բավարար սնունդ կա: Եթե մարդիկ կարողանում են իրենց հանգիստը, ժամանցը այս տարածքում անցկացնել, նույն ձեւով բույսերը այստեղ կարողանում են իրենց կենսագործունեությունը ապահովել»,- ասաց նա:

Տարածքում առկա մշտադալար ծառերը, սակայն, մասամբ չորացած ճյուղերով էին: Աշխատակիցներն էլ ավելի վաղ պնդում էին, թե դրանք հաճախ են նորացնում: «Նմանատիպ ոչ մի խնդիր չի լինի: Ինչքան կանաչը ավելի շատանա, այնքան ավելի կնոսրանան եւ կչեզոքանան այդ արտանետումները: Սրանք մշտադալար են եւ այս մշտադալարից 15 սմ հեռավորության վրա բետոնապատած է, ես չգիտեմ՝ ով է տնկել, ինչ նորմայով է տնկել: Վերեւից, տեսնում եք, ճնշվել են, ստվերի տակ են, չունեն հնարավորություն նորմալ արեւի տակ աճելու: Ինչ արտանետման մասին է խոսքը, եթե ներքեւում 15 մեքենա կա, հարեւան փողոցով անցնում են օրական երեւի հազար եւ ավելի մեքենաներ: Բնականաբար ինքնամաքրվում, ինքնակարգավորվում է մթնոլորտը: Չափումները կան, բնապահպանության նախարարության մոնիտորինգի ՊՈԱԿ-ը դրանք հրապարակում է, եւ նման խնդիր չունենք»,- հավաստիացրեց Խաչիկ Հակոբյանը:

Ընդդիմախոսները նաեւ հայտարարում են, թե ավտոկայանատեղիի վրա ոռոգվող այգի ունենալ հնարավոր չէ: Քաղաքապետարանը հակառակն է պնդում եւ միաժամանակ նշում, որ հարկ եղած դեպքում տարածքում հողի շերտ կավելացվի: 

Տպել
9969 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից