Լոռիում բնակարանային գողությունների աճ է արձանագրվել

Լոռու մարզում եւս, ինչպես Հայաստանի գրեթե ողջ տարածքում, նախորդ տարի սեփականության դեմ ուղղված հանցագործություններն ավելացել են: Այս մասին լրագրողների հետ հանդիպման ժամանակ հայտնել է Լոռու մարզի դատախազ Արսեն Մարտիրոսյանը՝ նշելով, որ 2018թ-ի ընթացքում արձանագրվել է սեփականության դեմ ուղղված 600 դեպք, 2017թ-ի նույն ժամանակահատվածի 425 դեպքի դիմաց: 36.1 տոկոսով էլ աճել են անձնական գույքի հափշտակության դեպքերը, աճ է արձանագրվել նաեւ բնակարանային գողության դեպքերով: 2017թ-ի 54 դեպքի դիմաց նախորդ տարի արձանագրվել է 88 դեպք. «Բնակարանային գողությունների դեմ պայքարը մեր հետեւողական աշխատանքի արդյունքը պետք է լինի նաեւ այս տարի: Իմ հանձնարարությամբ Վանաձոր համայնքը կահավորվել է տեսախցիկներով, նախատեսում ենք բազմաբնակարան շենքերը կահավորել կոդավորված փականներով, առաջիկայում խորհրդակցություն կլինի ՏԻՄ-ի ու ոստիկանների հետ, այն հատվածներում, որտեղ շատ են գողությունները, իրավապահներին կհանձնարարվի ուժեղացված ծառայություն իրականացնել, իսկ ՏԻՄ-երին հանձնարարվել է տվյալ տարածքները լուսավորել»,-ասաց դատախազը՝ հիշեցնելով, որ բնակարանային գողությունների աճ միայն Լոռու մարզում չէ, որ գրանցվել է:

Մարտիրոսյանը լրագրողներին վստահեցրեց՝ ընթացիկ տարում բնակարանային գողությունների բացահայտման կտրուկ աճ է լինելու: Բնակարանային գողությունների թվի աճը դատախազը թեպետ որոշ չափով կապում է նաեւ համաներման ակտի հետ, սակայն, ըստ դատախազի, այդ թիվը մեծ չէ, հետեւաբար, գողությունների աճը միանշանակ կապել համաներման ակտի ընդունման հետ, սխալ կլինի:

Լրագրողները դատախազից հետաքրքրվեցին նաեւ, թե ինչ փուլում է գտնվում իր վարձակալած բնակարանից կատարված գողության դեպքը: Արսեն Մարտիրոսյանը լրագրողներին առաջարկեց այդ հարցով իրեն չդիմել, քանի որ. «Գործ հարուցելուց հետո մարզի դատախազությունը որեւէ դատավարական գործունեություն չի իրականացրել եւ չի իրականացնում՝ հաշվի առնելով այն հանգամանքը, որ անմիջականորեն ինձ հետ է կապված, հետեւաբար մարզի դատախազության որեւէ դատախազի կողմից դատավարական հսկողություն իրականացնելը տարբեր մարդկանց կողմից կարող էր տարբեր կերպ վիճարկվեր ու շահարկվեր, օրինակ, կարող էին ասել, որ մարզի դատախազի տնից է գողություն արվել, դրա համար այդ մարդիկ կալանավորվեցին, կամ օրինակ մարզի դատախազի տնից է գողություն իրականացվել, դրա համար օբյեկտիվ չի քննվում»,-ասաց դատախազը՝ հավելելով, որ ի սզկբանե զեկուցագիր է ներկայացրել գլխավոր դատախազին, որպեսզի տվյալ քրեական գործով նախաքննության նկատմամբ դատախազական հսկողություն եւ դատավարական ղեկավարումը հանձնարարի մեկ այլ դատախազի: Դատախազը հայտնեց նաեւ՝ քանի որ ձերբակալվածներից մեկը պայմանագրային զինծառայող է, գործը քննում է զինվորական դատախազությունը. «Այս պահին ես ձեզ որեւէ բան չեմ կարող փոխանցել, որովհետեւ չեմ էլ տիրապետում, թե քրեական գործով նախաքննությունն ինչ փուլում է»:

Տպել
377 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան