Վթարվել է Ախթալայի ԼՀԿ-ի պոչատարը. պոչանքները փողոց են լցվել

Ախթալայի լեռնահարստացուցիչ կոմբինատին սպասարկող ու Մեծ Այրումում գտնվող «Նահատակ» պոչամբարի խողովակաշարը շաբաթ օրը կրկին վնասվել է, ինչի հետեւանքով պոչանքները լցվել են Արամյանցի դղյակից դեպի Ախթալա իջնող ճանապարհահատված: Արդեն երեկ վթարի հետեւանքները գործարանի աշխատակիցները փորձել էին ջրցան մեքենաներով վերացնել, սակայն ակնհայտ է, որ վթարն ու դրա հետեւանքով առաջացած արտահոսքը տեղի էր ունեցել մի քանի հատվածում:

Հենց այս խողովակներով է Ախթալայի լեռնահարստացուցիչ կոմբինատի պոչանքը տեղափոխվում պոչամբար:

Ախթալայի ԼՀԿ-ի աշխատակիցները լրագրողներին հայտնել են, որ ղեկավարությունը տեղում չէ: Աշխատակիցները նաեւ նշել են, որ խողովակաշարի վթարը հավանաբար տեղի է ունեցել հարվածի հետեւանքով:

Ախթալայի «Սվինեց» թաղամասով հոսող Ախթալա գետակի հարեւանությամբ բնակվողների խոսքով՝ գետը հաճախ է փոխում իր գույնը, ինչը հետեւանք է մեծ քանակությամբ պոչերի առկայության. «Մեկ շատ է գալիս, մեկ քիչ է գալիս, գնացեք ինքներդ տեսեք, թե ինչքան նստվածք կա ջրի մեջ»,-լրագրողների հետ զրույցում ասաց թաղամասի բնակչուհի Սեդա Աթանեսյանը:

«Էկոլուր»-ի հետ զրույցում «Ախթալայի ԼՀԿ» ՓԲԸ-ի արտաքին կապերի գծով տնօրեն Գագիկ Շահնազարյանն ասել է, թե տեղի ունեցածը տեխնիկական խնդիր է՝ իրենց հետ կապ չունեցող. «Տեխնիկական խնդիր է, մեզ հետ կապ չունեցող, Աստծո ձեռքի գործ է եղել, վերևից քար է ընկել, ջարդել խողովակը, պլաստմասից խողովակ է: Փոքր Այրում գյուղ չհասած հատվածում է, այնտեղ տեղ կա, քարեր են թափվում, այդպես լինում է: Առանձնապես մեծ բան չի գնացել, հիմա մաքրման աշխատանքներն ավարտվում են»:

Նկատենք, որ Ախթալայի լեռնահարստացուցիչ կոմբինատի պոչանքների պատճառով պոչամբար տեղափոխող խողովակաշարի վրա հաճախակի են վթարներ արձանագրվում, որի մասին բազմիցս ահազանգել են թե՛ բնակիչներն ու թե՛ բնապահպանները: Նախորդ տարի էլ դպրոցի հարակից տարածքով անցնող խողովակաշարն էր պայթել՝ պոչանքներով պատելով դպրոցի ամբողջ տարածքը:

Տպել
660 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան